Ferðalangur

Vefmyndavélar frá skíðastöðum í Evrópu og víðar

Á vefsíðunni Snoweye er búið að safna saman tenglum í yfir 4000 vefmyndavélar á skíðastöðum út um allan heim, alls frá 45 löndum. Þar af eru rúmlega 2500 myndavélar staðsettar í Evrópu.

Hægt er að velja löndin og landsvæðin á einfaldan hátt og skoða myndavélarnar eða nánari upplýsingar um skíðasvæðin.

Ekki er víst að allar myndavélarnar virki alltaf... - sumar eru einungis í gangi yfir skíðatímabilið en aðrar allt árið um kring.

Uppfært nóv. 2010

Meðalhiti á ýmsum stöðum

Á vefsíðunni World Climate er hægt að fletta upp meðalhita yfir árið á helstu stöðum í heiminum. Sláið inn nafn borgar/bæjar, veljið úr rétta staðinn ef um fleiri en einn er að ræða og smellið loks á Average temperature eða aðrar forvitnilegar upplýsingar um veðurfar.

Farsímanotkun í útlöndum

Það er bráðnauðsynlegt að átta sig á fáeinum mikilvægum atriðum varðandi notkun farsímans í útlöndum.

Láttu hringja í þig að heiman

Ef þú ert erlendis með farsímann þinn, borgar sig að biðja vini og ættingja að hringja í þig frá Íslandi. Þeir borga einungis fyrir símtalið eins og síminn væri á Íslandi, þú borgar fyrir símtalið frá Íslandi og til þess lands sem þú ert í.  En ef þú hins vegar hringir til Íslands sjálf/sjálfur ertu að borga mun meira fyrir mínútuna til Íslands heldur en í hinu tilvikinu.

Páskahátíð í Róm

Vikurnar tvær í kringum páska eru með annasömustu vikum ársins í Róm. Tugir þúsunda pílagríma koma langt að til að taka þátt í páskahátíðahöldunum sem eru með mikilvægustu atburðum hjá kaþólskum.

Triduum - dagarnir þrír frá kvöldi skírdags til páskadags, gefa góða mynd af kaþólsku kirkjunni í önnum og sér í lagi páfanum sem þarf að fylgja býsna erfiðri dagskrá.  En hefðirnar eru á þessa leið:

Búðu til þína eigin "ferðahandbók"

Á einni af vefsíðum Travelocity.com er hægt að búa til sína eigin ferðahandbók sem kallast Custom Miniguide. Þetta gildir um þekktustu ferðamannastaðina.

Þú velur áfangastað, t.d. Spain - Barcelona, velur hvaða efnisflokka þú vilt hafa í handbókinni þinni, t.d. Attractions & Activities, Getting around, Orientation o.m.fl., tilgreinir nánar hvort þú kemur með flugi, hvort þú vilt gera ráð fyrir upplýsingum sem höfða til barna o.fl. og loks geturðu prentað út eða vistað handbókina þína.

Uppfært nóv. 2010

Michelin kort og vegvísar

Það er vandfundin jafn gagnleg síða og Michelin kort og vegvísar.

Á síðunni er að finna margs konar hjálpartól fyrir ferðalanga, svo sem Routes, Maps, Weather og marga aðra gagnlega hluti.

Loks má nefna að hægt er að skrá sig og fá notendanafn og þar með er hægt að vista upplýsingar á "eigin svæði" eftir leitir.

Þetta er síða sem óhætt er mæla með.

Uppfært nóv. 2010

Glacier Express - frá St. Moritz til Matterhorn

Ferð með Glacier Express um svissnesku alpana er án efa ein markverðasta og minnistæðasta lestarferð sem hægt er að hugsa sér.

Síðastliðin 75 ár hefur lestin, sem stundum er kölluð "hægasta" hraðlest í heimi, flutt ferðamenn frá hinum heimsfræga skíða- og ferðamannastað St. Moritz og skilað þeim til Zermatt við rætur Matterhorn. Lestarferðin tekur um 7 1/2 tíma ef ekki er stansað sérstaklega á neinum stað.

Raunar er hægt er að fara með öðrum lestum þessa sömu leið á ódýrari hátt, ef menn vilja losna við aðra ferðamenn ;-) þó þær heiti ekki þessu virðulega nafni "Glacier Express".

Fánar ýmissa landa

"Hvernig lítur austurríski fáninn út? Tja... eða fáni Portúgal?" Þessum spurningum og fleirum í svipuðum dúr fæst svarað á vefsíðunni World Flag Database.

Einnig er vert að benda á CIA The World Factbook - Flags of the World

Að hringja í 118 frá útlöndum

Einstaka sinnum getur komið upp sú staða að hringja þurfi í upplýsingar Símans (118) frá útlöndum. Númerið sem þá þarf að nota er eftirfarandi: + 354 80 90 118. Þetta númer er snjallt að setja inn í símaskrá farsímans svo fljótlegt sé að grípa til þess þegar á þarf að halda.

Vegatollar á hraðbrautum Frakklands

Þarftu að áætla kostnað við akstur í Frakklandi? Ekkert mál. Á vefsíðunni http://www.autoroutes.fr (hægt að smella á English version) er hægt að setja inn brottfararstað og áfangastað og láta reikna út vegatolla miðað við stærð bíls og leið sem valin er.

Balatonvatn - Balatonfüred

Balatonvatn í Ungverjalandi er stundum kallað "ungverska hafið" þar sem það er eina stöðuvatn/haf Ungverja. Það liggur í rúmlega 130 km fjarlægð frá Búdapest (eftir því hvaðan er mælt að sjálfsögðu).

Vatnið og umhverfi þess er mikill unaðsreitur og vinsæll sumarleyfisstaður fyrir bæði Ungverja og gesti sem koma lengra að,  jafnvel Íslendinga. Einstök veðurblíða og umhverfi gerir þetta að sannkölluðum sælureit.

Gisting

Hótel Annabella heitir þriggja stjörnu hótel sem  liggur um 50 m frá vatninu, stórt og glæsilegt. Þar er bæði hægt að nýta baðaðstöðu fyrir gesti niðri við vatnið eða sundlaugar hótelsins (bæði úti og inni). Morgunverðar- og kvöldverðarhlaðborð er mjög fínt og margvísleg aðstaða til dægrastyttingar á kvöldin, s.s. mismunandi tegundir veitingasala: Bjórgarður, píanóbar o.fl.

• Fleiri hótel í Balatonfüred

• Sumarhús í eða við Balatonfüred er afskaplega vænlegur kostur.

Rómarborg

Rómarborg verða ekki gerð skil í einum litlum pistli. En það er hins vegar full ástæða til að benda á Rómarvefinn, glæsilegan íslenskan vef, þar sem hægt er að fræðast um Róm frá ýmsum sjónarhornum og raunar Ítalíu almennt líka.

• Ferðamálaráð Rómarborgar:
  Netfang: turismo@comune.roma.it

• Ferðahandbækur um Róm

• Hótel í Róm

Tjaldstæði í Frakklandi

Aðalvefur fyrir leit að upplýsingum um tjaldstæði í Frakklandi er án efa CampingFrance.com, þar sem auðvelt er að leita upplýsinga eftir landshlutum og héruðum í Frakklandi. Þar er einnig hægt að skoða eftirfarandi sérstaklega:

• Tjaldstæði með beinan aðgang að strönd
• Tjaldstæði með hitaðri sundlaug
• Tjaldstæði með innisundlaug
• Tjaldstæði með "spa" aðstöðu t.d. sauna og slíku
• Tjaldstæði með sérstökum klúbbum fyrir börn
• Óvenjuleg tjaldstæði
• Tjaldstæði við vötn og ár
• o.m.fl.

CampingFrance.com

Uppfært nóv. 2010

Tékklisti fyrir ferðalanga

Hér kemur ágætur tékklisti fyrir gleymna ferðalanga, sem hægt er að hlaða niður og prenta út. Hvað þarf að muna áður en haldið er í ferðalag? Ýmislegt varðandi frágang heimilis, ferðagögn, farangur, aukahlutir sem tæknin kallar á, lyf, snyrtivörur og margt fleira.

Sækja tékklista fyrir ferðalanga

Uppfært nóv. 2010

Uffizi safnið í Flórens

Ef ætlunin er að heimsækja Uffizi safnið í Flórens, gæti verið gaman að undirbúa slíka heimsókn með því að skoða hinn opinbera vef Uffizi safnsins. Þar er hægt að skoða upplýsingar um sýningarsali og listamenn og síðast en ekki síst myndir af mörgum listaverkum safnsins.

Upplýsingar um opnunartíma safnins eru á síðunni, þar sem m.a. kemur fram að safnið er lokað á mánudögum. Einnig er hægt að kaupa miða í safnið á síðunni og hugsanlega spara sér biðraðir á staðnum með því móti.

Skemmtilegt vegakort fyrir Ítalíu

Þeir sem hafa hug á að aka um Ítalíu, gætu viljað skoða þessa skemmtilegu síðu, Automap, sem veitir mjög góðar upplýsingar um hraðbrautir og akstur á Ítalíu ásamt fleiru. Síðan er að vísu á ítölsku en það má bjargast við skýringarnar hér fyrir neðan.

Hraðbrautir á ítölsku eru autostrade og paesi e cittá þýðir bæir og borgir. Einfalt er að smella t.d. fyrst á Paesi e cittá og velja síðan áfangastaðinn úr stafrófinu sem birtist. Þá er hægt að sjá hvaða hraðbrautir liggja til áfangastaðarins og "stúdera" þær með tilliti til þess hvar hægt er að stansa við hraðbrautina, hvar á að beygja út af o.s.frv.

Uppfært nóv. 2010

Út að borða í London

Þegar velja á veitingastað í London fyrir rétta andrúmsloftið, hvort sem það er nú rómantískt, barnavænt eða annað - er gott að líta á London Eating. Á maturinn að vera upp á franskan máta... ítalskan  eða jafnvel indverskan? Og í hvaða hverfi á veitingastaðurinn að vera? Allt þetta og meira til á þessum ágæta vef auk umsagna gesta um marga staði.

Grænmetisstaðir erlendis

Það getur verið erfitt að finna góða grænmetisstaði á ferðum erlendis. Til er skemmtilegur vefur, HappyCow, þar sem hægt er að fletta upp grænmetisstöðum í ýmsum löndum. Líklega einn elsti vefurinn sem heldur úti upplýsingum um grænmetisveitingastaði eða síðan 1999.

 

Servas.org - Öðruvísi frí eða gestgjafi?

Servas International heita samtök sem samanstanda af fólki frá 160 löndum um allan heim. Fólki, sem hefur áhuga á að kynna sér líf og lífsstíl annarra í þeim löndum sem heimsótt eru, en það er ekki alltaf auðvelt þegar eingöngu er gist á hótelum eða ferðast í hóp.

Félögum í Servas gefst tækifæri til að hitta eða gista hjá félögum erlendis. Gestgjafar Servas eru annars vegar "dagsgestgjafar" sem bjóða ferðamönnum í heimsókn, í mat, í dagsferð o.fl. og hins vegar gestgjafar sem bjóða ókeypis gistingu (2 nætur í senn) og morgunmat.

Íbúðagisting í Köln og nágrenni

Fyrir nokkrum árum  átti ég skemmtileg samskipti við lítið fyrirtæki í Þýskalandi, Homestay Agency, sem sérhæfir sig í að bjóða gistingu í Köln og nágrenni í íbúðum/herbergjum sem eru í eigu einstaklinga. Íbúðirnar geta verið af ýmsum stærðum og gerðum og í mismunandi verðflokkum. Sem dæmi um verð má nefna að einstaklingsherbergi kostar frá 33 evrum nóttin og 2ja manna herbergi frá 60 evrum.

Í mínu tilviki fékk ég frábæra stúdíóíbúð með öllum þægindum í miðborg Kölnar, í göngufæri við allt sem skipti máli, naut skemmtilegra samskipta við eigendurna sem afhentu lyklana og gerðu allt til að gera mér lífið sem þægilegast.

Netfang: koeln@homestay-agency.de
Veffang: http://www.homestay-agency.de

Uppfært nóv. 2010

Gönguferðir um Bretland

 Það eru ótal spennandi möguleikar til gönguferða í Bretlandi hvort sem um er að ræða gönguferðir með fylgdarmanni, gönguferðir þar sem farangur er fluttur á milli með bíl eða einfaldlega sjálfstæðar gönguferðir þar sem ferðalangurinn ræður sér fullkomlega sjálfur. Athugið reglur fyrir England, Wales og Skotland um "right of way" fyrir göngugarpa.

Skemmtigarðar og dýragarðar í Evrópu

Ef að farið er í fjölskyldufrí og bæði börn og fullorðnir með í för, er ekki ólíklegt að yngri kynslóðin biðji um að farið sé í skemmtigarð eða dýragarð. Hér koma þrjár slóðir sem ættu að gagnast þeim sem þurfa að afla sér upplýsinga um slíkt.

• Theme Park City: Listi yfir helstu skemmtigarða í hverju landi fyrir sig:
• Listi yfir skemmtigarða frá Wikipedia
• Listi yfir dýragarða frá Wikipedia
• Listi yfir skemmtigarða á Ítalíu

 

Uppfært nóv. 2010

Í fótspor "The Da Vinci Code"

Bókin "The Da Vinci Code" eftir Dan Brown hefur notið gífurlegra vinsælda og raunar svo mikilla að haldin hafa verið námskeið um eitt og annað sem viðkemur efni bókarinnar og farnar hafa verið sérstakar Da Vinci Code ferðir.

Ferðamenn flykkjast á staðina þar sem sagan er látin gerast og menn velta fyrir sér þeim kenningum sem settar eru fram í bókinni og kirkjunnar mönnum fellur ekki alls kostar vel...  - En allt um það - hér er tengill í skemmtilega grein, Da Vinci Code Tour, frá Fodors.com fyrir þá aðdáendur bókarinnar sem e.t.v. eiga leið til Parísar, Róm, London, Skotlands eða New York. Í greininni eru menn leiddir um slóðir bókarinnar í viðkomandi borgum með skýringum.

 

Uppfært nóv. 2010

Hjólatúrar í Bretlandi

Fyrir þá sem vilja leita upplýsinga um hjólreiðar og hjólatúra í Bretlandi eru hér fyrir neðan ágætar vefsíður sem ættu að gefa upplýsinga bæði um lengri og skemmri ferðir, mismunandi erfiðleikastig, hjólaleigur og allt mögulegt sem lýtur að hjólreiðum. Vefsíðurnar vísa einnig í margvíslegar upplýsingar um hjólreiðar í öðrum Evrópulöndum.

Bátsferðir um Bretland

Það hefur lengi verið draumur að ferðast um Bretland á bát... fara í síkjasiglingu með meiru. Gaman væri að heyra frá lesendum Ferðalangs ef einhver hefur látið verða af slíku og getur gefið góðar ábendingar.

Bretar kalla þetta "Canal holidays" og hér fyrir neðan eru nefndar nokkrar góðar síður  sem fengust úr grein frá Telegraph um slíkar ferðir.