« mars 2005 | Main | maí 2005 »
Hér er tilvalið sumarhús í Villars í Sviss, sem stór-fjölskyldan getur sameinast um að sumarlagi eða um vetur.
Átta svefnherbergi á fjórum hæðum, pláss fyrir 28 manns. Húsið stendur í nágrenni Genfarvatns í stórkostlegu umhverfi. Leigist frá laugardegi til laugardags.
Uppfært nóv. 2010
Elsta borg Þýskalands (ásamt Worms), hvergi eins margar rómverskar rústir norðan Alpafjalla, níu staðir og byggingar innan borgarinnar á heimsminjaskrá Unesco, einn af fallegustu jólamörkuðum Þýskalands... og svona mætti lengi telja. Borgin Trier (íbúar um 100.000) við ána Mósel hefur svo sannarlega mikið aðdráttarafl.
Hótel og fjölbreytt gisting í Trier
Veður og hitastig í Trier
Í greininni How to get into Oxford eftir Sean Newsom úr The Sunday Times, má finna út hvernig best er að skipuleggja dagsferð til Oxford. Stundum þarf svolitla útsjónarsemi til að koma ekki að öllum dyrum lokuðum - No visitors/no entry o.s.frv.
Hótel og fjölbreytt gisting í Oxford
Uppfært nóv. 2010
Sagt er að fyrir mörgum árum síðan hafi geit nokkur í þorpinu Cochem í Móseldalnum verið grunuð um að sötra ótæpilega vín staðarins. Að stela víni var alvarlegur glæpur og hinir eldri og ráðsettari íbúar bæjarins ákvaðu að taka yrði á málinu. En hvernig átti að sanna sekt geitarinnar? Menn vissu að aðeins var framleitt hvítvín á svæðinu og þeir duttu niður á lausn sem þeim þótti augljós. Best væri að setja geitina í vínpressuna og athuga hvort út kæmi ljósleitur vökvi…
Hótel og fjölbreytt gisting í Cochem
Hótel og fjölbreytt gisting í Móseldalnum
Móseldalurinn í Þýskalandi er með fallegri héruðum að sækja heim, þar sem áin Mósel liðast um dalinn eins og slanga og lítil, falleg og litrík þorp skreyta bakka árinnar með vissu millibili.
Áin Mósel á upptök sín í Frakklandi en fallegasti hluti hennar liggur milli borganna Trier og Koblenz, um 193 km leið, áður en hún sameinast ánni Rín.
Hótel og fjölbreyttir gistimöguleikar í Móseldalnum
Íslendingar fá gjarnan ævintýrablik í augun þegar þeir líta evrópska kastala enda lítið um slíkar byggingar hér á landi.
Í Þýskalandi er að finna marga skemmtilega og áhugaverða kastala/kastalarústir sem gaman er að skoða. Í vínhéruðunum frægu í kringum Mosel og Rín eru ýmsir kastalar sem byggðir voru á miðöldum og standa enn. Um nokkra þeirra má lesa í fróðlegri grein, Castles in Germany's Wine Country, á síðum Fodors.com.
Hótel og fjölbreytt gisting í Þýskalandi
Undiscovered Scotland heitir skemmtileg vefsíða sem gefur góðar upplýsingar fyrir ferðalanga á leið til Skotlands. Hún veitir ekki bara aðgang að kortum og greinargóðum upplýsingum um borgir og bæi, heldur einnig að ýmiskonar fróðleik eins og t.d. hvernig Skotar búa til "Malt Wiskey", hvernig búa á til góðan hafragraut "porridge", ævi Maríu Skotadrottingar auk frábærra mynda.
Göngugarpar geta þar að auki fundið leiðarlýsingar ýmissa gönguleiða.
Women Welcome Women Worldwide (5W) eru samtök kvenna - fyrir konur, sem lesa má um á vefsíðunni http://www.womenwelcomewomen.org.uk/. Samtökin voru stofnuð árið 1984 af Frances Alexander.
Markmið samtakanna er að stuðla að vináttu kvenna af öllum mögulegum þjóðernum og að auðvelda þeim að heimsækja hvor aðra. Meðlimir hafa mjög fjölbreyttan bakgrunn og koma víða að. Allar konur geta sótt um, án tillits til þjóðernis, trúar, heimilisaðstæðna o.s.frv. -
Hvernig leit uppáhaldsborgin þín út fyrir 300 árum? En fyrir 500 árum eða fyrr? Á vefsíðunni Historic Cities er hægt að skoða gömul kort af ótal borgum, bæði í Evrópu og víðar.
Ímyndaðu þér París á 16. öld eða Prag árið 1493! Stórkostleg síða þar sem hægt er að skoða kortin í mismikilli upplausn (low or high resolution).
Sviss er ekki eingöngu paradís hjólreiðamanna heldur einnig göngufólks. Fjölbreyttar gönguleiðir gera það að verkum að allir geta fundið eitthvað við sitt hæfi hvort sem það er í aflíðandi hæðum, þröngum eða víðum dölum eða í snarbröttum fjallshlíðum.
Stólalyftur og kláfar létta göngufólki lífið og flytja það til gönguleiða sem annars væri ekki svo auðvelt að finna. Hæfilega frumstæðar veitingastofur og fjallakofar prýða leiðirnar svo að sjaldnast eru nema 3-4 tímar í kaldan bjór og heita máltíð.
Orð eins og "glæsileiki" og "íburður" koma auðveldlega upp í hugann þegar smáríkið Mónakó er nefnt á nafn. Svo ekki sé minnst á Grand Prix og Formula 1…
Fyrir venjulegan launþega norðan úr Atlantshafi er heimsókn til skattaparadísarinnar Mónakó eins og að fá innsýn inn í allt annan heim þar sem venjuleg mánaðarlaun á Íslandi myndu trúlega duga skammt til framfærslu á þessum slóðum.
Það er einstaklega gaman að koma til þessa smáríkis, þar sem hver einasti fermetri er nýttur til hins ýtrasta, enda furstadæmið allt einungis tveir ferkílómetrar að stærð. Hvar annars staðar í heiminum er fótbolti leikinn á fótboltavelli á 3. hæð? Og hvar annars staðar þarf fjölskyldan að hafa búið á staðnum í fjórar kynslóðir til að fá ríkisborgararétt í landinu? Nú - svo má auðvitað kaupa hann dýrum dómum ef svo ber undir.
Þorpið Tihany við Balatonvatn verðskuldar kafla út af fyrir sig. Þorpið stendur á litlu nesi sem var eitt sinn eyja en nær núna langt út í Balatonvatnið og skiptir því næstum í 2 parta. Það má með sanni kalla Tihany perlu Balatonsvæðisins.
Nesið, sem Tihany stendur á, var fyrsta friðlýsta svæðið í Ungverjalandi (1952). Þar gefur að líta merki um hveri - þar sem hverahrúður hefur safnast upp, nokkuð sem Íslendingar verða hissa á að sjá í útlöndum. Á nesinu er líka mikið af sérstöku plöntu- og dýralífi vegna hins sérstæða veðurfars sem ríkir við Balatonvatn og líka vegna þess að það rennur ekkert úr vatninu.
