Ferðalangur

Helstu hátíðir sumarsins í Evrópu

"All Together Now" heitir skemmtileg grein eftir Tom Hodgkinson um ýmsar hátíðir sumarsins í Evrópu og um þá skemmtilegu stemmingu sem myndast þegar fólk hópast saman í nokkra daga á litlum bletti til að njóta einhvers saman. Sjá má umfjöllun um allar þær hátíðir sem nefndar eru á vefsíðunni whatsonwhen sem minnst hefur verið á hér á Ferðalangi, en það er ágætt að fá svolitla samantekt eins og greinin veitir.

Nefna má Glyndebourne Festival Opera, West Sussex, Sónar, Barcelona, Estival Jazz, Lugano, Sviss og Trasimeno Music Festival, Umbríuhéraði á Ítalíu.

Óvenjulegir gististaðir víða um heim

Viltu gista í 15. aldar klaustri á Ítalíu eða í hellum á Spáni? Viltu panta herbergi á hóteli sem liggur í orðsins fyllstu merkingu á landamærum Sviss og Frakklands? Eða prófa 130 ára gamlan vatnsturn í Þýskalandi? Þitt er valið - sjá http://www.unusualhotelsoftheworld.com

Á vespu um Ítalíu...

Ég hef lengið verið mikill aðdáandi "vespunnar" - þessa farartækis sem notið hefur svo gífurlegra vinsælda á Ítalíu í gegnum tíðina. Eiginlega skil ég ekki afhverju vespur hafa ekki náð fótfestu hér á landi...  - Í greininni Dolce vita on a vespa ferðaðist Peter Moore frá Mílanó til Rómar á gamalli vespu sem hann kallaði Sally og tók í það heilt sumar. Þannig kynntist hann landinu á allt annan hátt en hefðbundinn ferðamáti hefði leyft.

Hvar sem hann kom var honum tekið með kostum og kynjum enda Ítalír afar veikir fyrir vespum. Frábær ferðahugmynd sem kitlar svo sannarlega!

Veitingahús í Prag

Til gamans verða nefndir hér nokkrir veitingastaðir sem gaman er að heimsækja í Prag.

La Perle de Prague
Það er ákaflega fallegt útsýni frá þessum rómantíska, franska veitingastað í byggingu sem kölluð er "Fred and Ginger" (líkist hinu fræga danspari). Biðjið t.d. um borð við gluggann og lítið endilega upp á þaksvalirnar.
La Perle de Prague, Rasinovo nabrezi 80 (sími 00420 221 984 160).

U modré ruze
Þeir eru þykkir veggirnir á þessum veitingastað enda kjallarinn sem hýsir hann orðinn a.m.k. 600 ára gamall og stíllinn gotneskur. Veggirnir eru skreyttir skjaldarmerkjum, herklæðum og styttum. Skemmtilegur staður.
U modré ruze, Rytírská 16 (sími: 00420 224 225 873).

Novomistský Pivovar
Á þessum skemmtilega stað er bæði hægt að borða og fylgjast með meisturunum brugga bjór. Að sjálfsögðu er sá bjór á boðstólum fyrir gesti og gangandi. Harmonikkuleikari spilar á kvöldin.
Novomìstský Pivovar, Vodièkova 20 (00420 222 232 448).

Italy Out of Hand

Komin er út forvitnileg bók eftir bandaríska rithöfundinn Barböru Hodgson, Italy Out of Hand: A Capricious Tour. Þetta er ekki hefðbundin ferðahandbók í þeim skilningi, heldur óvenjuleg samantekt um Ítalíu eftir héruðum, um ýmislegt sem við vitum ekki, né rekumst á í hefðbundnum ferðahandbókum. Litríkar persónur, lítt þekkt sögubrot, sérkennilegir staðir á Ítalíu og margt fleira. Hér er m.a. að finna frásögn af hinni sérkennilegu ferð skoska rithöfundarins James Boswell's til Ítalíu árið 1765, þar sem markmiðið var að sænga hjá eins mörgum konum og unnt var...

Vefmyndavélar - Dublin og Glasgow

Það er alltaf gaman að skoða "núið" á hinum ýmsu stöðum. Hér er hægt að skoða myndir úr vefmyndavélum sem staðsettar eru í Dublin annars vegar og Glasgow hinsvegar.

Dublin - vefmyndavél
Glasgow - vefmyndavél

Bestu strandir Evrópu...

... að mati Travelchannel.com, eru í Biarritz, Cannes og St. Tropez (Frakklandi), Ibiza Tarifa, Marbella og Cadiz  (Spáni), Brighton (Englandi) og Kefaloniu (Grikklandi). Meira um þetta í greininni Europe's hottest beaches eftir Valerie Conners.

Fallegustu strendur Bretlands

Í skemmtilegri grein úr The Sunday Times frá 10. apríl 2005, Britain's Best Beaches, segir frá átta fallegustu ströndum Bretlands - ekki  þeim sem fengið hafa  "bláa flaggið" heldur ströndum sem koma ekki til álita fyrir hefðbundna einkunnagjöf af ýmsum ástæðum. 

Skemmtilegustu kastalar í Evrópu...

...skv. Travelchannel.com, eru eftirfarandi: Castelo de Sao Jorge (Lissabon, Portúgal), kastalinn í Prag, Brodick kastali (Isle of Arran, Skotlandi), Chambord kastali (Louvre, Frakklandi), Neuschwanstein kastali (í nágrenni München, Þýskalandi), Lincoln kastali (Lincolnshire, Englandi), Glamis kastali (Glamis, Skotlandi), Mont Saint Michel (í nágrenni Normandi, Frakklandi), Frankenstein kastali (Darmstadt, Þýskalandi) og Leeds kastali (Kent, Englandi).

Lesið afhverju -  í greininni Best European Castles eftir Lindu Allman.

Frakkland - "The rest of France"

Á vefsíðu Worldcountries.info er að finna afskaplega skemmtilegan fróðleik um Frakkland, hérað fyrir hérað. Í Frakklandi er jú París - ein af frægustu borgum í heimi en svo er það "afgangurinn" og greinin  "The rest of France" fjallar um héruð Frakklands, hvert á fætur öðru. Með greininni fylgja einnig afar fallegar myndir. Skoðið t.d. Provence hérað í Suður-Frakklandi.

Sjá einnig:
Frakkland - yfirlit
Gisting í Frakklandi

Madrid - upplýsingavefur

Nýr upplýsingavefur um Madrid: www.esmadrid.com. Þar má lesa allt um ferðamál, skemmtanir og menningarviðburði. Einnig hvernig hægt er að komast um borgina (Transport), götukort (Street map) og margt, margt fleira.

Að nota "Métro" í París

Hér er góð hjálp fyrir þá sem þurfa að nota "Metro" - neðanjarðarlestirnar í París. Vefsíðan Paris Métro frá Europeforvisitors.com veitir afar hagnýtar upplýsingar um hvernig best er að kaupa miða, hvernig best er að "haga sér" þegar í lestirnar er komið - og loks góðir tenglar um neðanjarðarlestarkerfið almennt.

Hvernig á að haga sér í miklum hita?

Undanfarin sumur hafa komið allmiklar hitabylgjur í Evrópu. Það er því ekki úr vegi að vera viðbúin/nn slíku ef halda skal suður á bóginn og gildir þá einu hvort um er að ræða júní, júlí eða ágúst - hitabylgja virðist geta komið hvenær sem er.

1. Hafið hatt á höfði, helst barðastóran og sólgleraugu. Notið sólarvörn nr. 15 eða hærri (merkt "broad spectrum" eða UVA/UVB protection),

2. Klæðist léttum, ljósum og víðum fötum.

Ile de Ré - Frakkland

Ile de Ré heitir lítil eyja fyrir utan vesturströnd Frakklands (nálægt La Rochelle) sem  stundum hefur verið kölluð St. Tropez Atlantshafsins.

Eyjan er ekki nema 30 km löng og hvergi yfir 2 km breið og sagt er að þar geti fræga fólkið óhikað skroppið "í bæinn" og keypt sér "croissant" án þess að íbúar taki nokkuð eftir þeim. Flestir ferðast um eyjuna á hjólum.

Þetta er vinsæll staður án þess að þarna sé um að ræða yfirþyrmandi ferðamannastemmingu og sérlega notalegt andrúmsloft sem laðar að gesti, suma ár eftir ár.

Í greininni Ré of Sunshine af vefsíðu Guardian Unlimited skrifar John Brunton um ferð sína til eyjarinnar, aðdráttarafl hennar og upplifun.

Hótel og ýmis konar gisting á Ile de Ré

Uppfært nóv. 2010

Fallegir staðir í Slóveníu

Slóvenía er einn af þeim áfangastöðum þar sem ferðalangar geta enn komist af tiltölulega ódýrt. Hversu lengi það mun standa skal látið ósagt en þetta litla land sem liggur á milli Ítalíu og Króatíu slapp vel frá uppgjörinu mikla þegar gamla Júgóslavía liðaðist í sundur.

Fyrir þá sem hafa gaman af gönguferðum, hjólaferðum, skíðum eða akstri, er Slóvenía afar góður kostur. Að öðrum stöðum ólöstuðum er vert að nefna borgina Ljubljana sem stundum er kölluð "hin nýja Prag" og Bled með sínu fallega vatni, miðaldabæ og kastala. Kalksteinshellarnir í Slóveníu "Karst" eru engu líkir, t.d. í Postojna.

Meira um þetta í greininni: Stop Your Balkin' and Get to Slovenia, One of Europe's Last Budget Destinations frá Frommers.com.

Hótel og fjölbreytt gisting í Slóveníu

Uppfært nóv. 2010

Gönguferð um hálendi Skotlands

Misty Mountain Hop heitir skemmtileg grein sem segir frá sex daga gönguferð um hálendi Skotlands; gönguferðin kallaðist raunar "High Cairngorm Backpacking" og var farin á vegum Mountain Innovations.

Í ferðinni var ýmist dvalið í tjöldum, kofum, eða gist á "hosteli". Lagt var upp frá bænum Achlean og í ferðinni lögðu menn að velli fjallstoppa eins og Sgor Gaioith (1,118 m), Mullach Clach à Bhlair (1,019 m), Ben Macdui (1,309 m) og Cairn Toul (1,291 m).

Hótel og fjölbreytt gisting í Skotlandi

Uppfært nóv. 2010

Toskana: Bæir innan borgarmúra

Toskana hérað hýsir ótal litla bæi, sem hver og einn hefur sitt sérstaka aðdráttarafl og andrúmsloft.  Oft eru bæirnir umkringdir miklum borgarmúrum frá miðöldum sem bera vitni um völd og mikilvægi þeirra á liðnum tímum.

Auk bæjanna er að finna yfir 150 miðaldakastala í héraðinu, oft stórfenglegar byggingar sem geyma merka sögu. Sumir þessara bæja og kastala eru vel þekktir meðal ferðamanna, aðrir minna.

Hótel og fjölbreytt gisting í Toskana héraði.

La Tomatina - Kasti nú hver sem betur getur!

La Tomatina heitir árleg hátíð í Bunyol á Spáni en bærinn stendur í um 40 km fjarlægð frá borginni Valencia.

Á hverju ári, einn dag í ágúst,  fyllist þetta rólega þorp af þúsundum utanaðkomandi gesta, þegar sérkennilegur og fremur "klístraður" viðburður á sér stað: Tómataslagur eða tómatakast.

Hótel og fjölbreytt gisting á Spáni

Innri friður í frönsku klaustri

Ólíkt hafast menn að - annars vegar í borginni Cannes í Frakklandi sem þekkt er fyrir árlega og fyrirferðamikla kvikmyndahátíð og hins vegar á eyjunni Saint-Honorat sem liggur rétt undan strönd Cannes.  Þar búa  25 munkar af Sistersíanareglunni í klaustrinu Abbaye de Lérins og bjóða  ferðamenn velkomna í klaustur sitt til dvalar í 1-7 daga. 

Hótel og fjölbreytt gisting í Cannes

Borgin Ascona í Ticino héraði, Sviss

Ticino er sú kantóna í Sviss þar sem töluð er ítalska enda tilheyrði héraðið Como og Mílanó fram undir 15. /16. öld. Þetta er undurfallegt hérað sem svo sannarlega verðskuldar heimsókn og ekki síst sá hluti héraðsins sem liggur að vatninu Lago Maggiore. Það er ekki fjarri lagi að kalla Ticino n.k. brú milli Norður-Evrópu og Miðjarðarhafslandanna eins og fram kemur í greininni Canton aahhh frá Guardian Unlimited.

Hótel í Ticino og fjölbreyttir gistimöguleikar

Að rata á milli staða í París

Hvernig er best fyrir ferðalanginn að koma sér á milli hverfa og borgarhluta í París?

Ratp.info er afar gagnlegur vefur fyrir ferðalanga til Parísar og veitir upplýsingar um allar almenningssamgöngur í París, þ.e. neðanjarðarlestir - öðru nafni jarðlestir (Metro), hraðlestirnar (RER), almenningsvagna og sporvagna.

Einnig er að finna upplýsingar um ferðir að næturlagi, ferðir til og frá flugvöllum Parísar og farmiða.

Hótel og fjölbreytt gisting í París

 Uppfært nóv. 2010

Áskrift að fréttabréfi Ferðalangs

Þú hefur beðið um áskrift að fréttabréfi Ferðalangs.
Eftir nokkrar mínútur mun þér berast tölvupóstur á netfangið
sem þú gafst upp með eftirfarandi fyrirsögn:

Confirm your subscription to ferdalangur@aweber.com.

Vinsamlegast opnaðu þann póst og smelltu á tengilinn sem
fylgir í póstinum til að staðfesta áskriftina.

Kær kveðja,
Ferðalangur

Hvað er um að vera á Ítalíu?

Á vefsíðunni www.italiantourism.com (sem raunar er hönnuð fyrir Bandaríkjamenn) er hægt að fylgjast með því hvað er að gerast framundan hverju sinni á Ítalíu - hvort sem það er árleg kvikmyndahátíð í Taormina á Sikiley, tónlistarhátíðin mikla Maggio Musicale Fiorentino í Flórens eða annað.

Á sömu síðu er í hverjum mánuði tekið fyrir eitt ákveðið safn á Ítalíu og kynnt mjög vel.

Að öðru leyti er þessi vefur stútfullur af ýmsum skemmtilegum fróðleik fyrir ferðalanga.

Hótel og fjölbreytt gisting á Ítalíu

Uppfært nóv. 2010

 

Að læra ítölsku - á netinu

Fyrir þá sem hvorki hugsa sér til hreyfings á ítölskunámskeið á Ítalíu né á Íslandi er alltaf möguleiki að skoða námsefni á vefnum.

BBC býður upp á mjög skemmtilegt námsefni í ítölsku,  með gagnvirkum æfingum, orðalistum, vídóbútum og fleiru sem gaman er að skoða. Einnig Quick Fix fyrir þá sem eru að flýta sér...

Hótel og fjölbreytt gisting á Ítalíu

Uppfært nóv. 2010

Að læra ítölsku - á Ítalíu

Það er fátt sem jafnast á við að geta tjáð sig svolítið á tungu þess lands sem heimsótt er, jafnvel þó ekki sé nema rétt til að bjarga sér. Getur hreinlega munað öllu. Það eru líka ekki allir eins og við Íslendingar, sem höfum litla þolinmæði gagnvart útlendingum þegar þeir reyna að bjarga sér á íslensku og erum komin yfir í enskuna einn, tveir og þrír!

En hvernig ætlarðu að læra ítölsku?