Ferðalangur

Nokkrir góðir göngustaðir í Evrópu

Nokkrir skemmtilegar staðir til gönguferða í Evrópu:

• Hadrian's Wall í Bretlandi
• Gran Paradiso þjóðgarðurinn á Ítalíu
• Korsíka
• Bernese Oberland í Sviss
• Julian alparnir í Slóveníu

Meira um hvern stað fyrir sig í greininni Hikes in Europe, With Your Boots on the Ground and Your Bed Above It úr The New York Times.

 

Bretlandsstrendur - ódýr gisting

Ef þú ert ekki að leita að lúxus og hefur gaman af svolítið frumstæðum aðstæðum, gæti gisting í "sumarkofum" við Bretlandsstrendur verið eitthvað fyrir þig. Lesley Gillian lýsir þessum skemmtilega möguleika í grein sinni This summer's hut destinations, þar sem verðið getur farið undir 10 pund á dag.

Toskana eða Provence hérað?

Í skemmtilegri grein Mediterranean classics: it's the clash of the holiday titans úr The Sunday Times, er háð nokkurs konar einvígi um það hvort héraðið sé betri ferðamannastaður, Toskana hérað á Ítalíu eða Provence í Frakklandi.

Tekið er fyrir landslag, bæir og þorp, list og saga, menningarviðburðir, strendur, afþreyingamöguleikar, matarmenning og drykkir og hið "óþekkta". Ferðalangur gefur að sjálfsögðu ekki upp hér hvort héraðið hafði vinninginn, en bent er á að hægt er að komast á milli héraðanna á einum degi... svo að upplagt er að heimsækja þau bæði!

Siracusa

Eitt sinn var borgin Siracusa á Sikiley ein af þýðingarmestu borgum heims. Sá tími er löngu liðinn en borgin engu að síður með því áhugaverðasta sem hægt er að skoða á Sikiley. Í skemmtilegri grein, Baroque Climber, af vefsíðu The Guardian segir frá því sem gaman er að skoða og sjá í Siracusa.

Gisting í Siracusa:
Hótel frá Hotel Club og Venere

Upplýsingar fyrir ferðamenn:
apt-siracusa.it

Sikiley

Hvað er það sem dregur Íslendinga alla leið til Sikileyjar? Á undanförnum mánuðum hefur orðið vart við sívaxandi áhuga Íslendinga á Sikiley - e.t.v. að hluta vegna borgarferða til Palermo en kannski einnig vegna þess að við sækjum gjarnan í andstæður, eitthvað sem er nógu ólíkt okkur hérna heima.

Þeir sem leggja leið sína til Sikileyjar, þyrftu helst að gleyma armbandsúrinu heima ásamt íslenskri stundvísi og þörf fyrir skipulag! - Á Sikiley gengur lífið einfaldlega fyrir sig í mun meiri rólegheitum en við eigum að venjast.

Strönd Normandí - eitthvað fyrir alla

Það hefur mikið verið barist um héraðið Normandí í gegnum söguna, síðast 1944 eins og flestir vita. Á það er einmitt minnst í greininni The Normandy Coast: there's something for everyone sem ferðast með lesandann eina 600 km eftir strönd Normandí og fjallar um landslag, landbúnaðarafurðir og margt fleira.

Góð lesning fyrir ferðalanga til Normandí.

Brno - afhverju ekki?

Það er auðvelt að komast til Brno, næst stærstu borgar Tékklands. Þangað flýgur lágfargjaldaflugfélagið Ryanair daglega frá Stansted og miðarnir oft á hlægilegu verði.

Óhætt er að mæla með hótelinu Royal Ricc sem er í 16. aldar byggingu í barokkstíl og var fyrir nokkrum árum síðan breytt í eitt laglegasta hótel í Brno með antikhúsgögnum og málverkum á herbergjunum og skemmtilegum smíðajárnsskreytingum í lobbíinu. Góður veitingastaður er á hótelinu með alþjóðlegum matseðli.

Þrjár leiðir í gegnum Frakkland

Ef ætlunin er að aka um Frakkland, gæti verið snjallt að lesa greinina Three ways to drive through France úr The Sunday Times, þar sem lýst er þremur leiðum í gegnum Frakkland, þ.e. leiðinni til Suður-Frakklands, leiðinni til Ítalíu og leiðinni til Spánar. Einnig fylgja kort af þessum leiðum.

Miðað er við að aksturinn hefjist eftir að komið er yfir Ermarsundið frá Englandi, en þó að það eigi e.t.v. ekki við, má hafa verulegt gagn af þeim ábendingum og fróðleik sem finna má í greininni.

Með börnin til London

Er eitthvað vit í að taka börnin með til London? Því svarar Sarah Lyall í grein sinni Buskers, Bunkers, Free Museums and a Cool Maze og kemur með góðar ábendingar um hvað hægt sé að gera með börnum í London.

Hún nefnir til gamans Disney verslunina í Regent Street, Hampton Court Palace, Cabinet War Rooms, Tate safnið, Kew Gardens og margt fleira. Skemmtileg grein þar sem einnig er hægt að finna tillögur um veitingastaði sem gaman er að fara á með yngri kynslóðinni.

Hin "villta" hlið Spánar

Þegar íslenskir sóldýrkendur liggja dasaðir á sólbekkjum undir glampandi sól á Spánarströndum er erfitt að ímynda sér að Spánn eigi sér aðrar og áhugaverðar hliðar. Þannig er það nú samt og náttúra Spánar býður upp á meiri fjölbreytileika en okkur kannski grunar.

Sagra - Sacra - "Sacred"

Þorpshátíðir á Ítalíu rata einhvern veginn sjaldnast í bæklinga fyrir ferðamenn og ef einhverjar upplýsingar er að finna, er eins víst að þegar mætt er á staðinn sé hátíðin löngu búin!

Héraðið Umbria er frægt fyrir "sagra" hátíðir sínar, sem stundum geta staðið allt upp í viku. Sagra er komið úr "sacra" á ítölsku, sem þýðir "heilög" - sama orð og sacred á ensku.

Buchenwald, rétt hjá Weimar

Í miðjum Buchenwald-búðunum stendur "Goethe-eikin", eða öllu heldur leifar hennar, frá því að bandamenn skutu hana niður árið 1944. Eikin, þar sem skáldið Goethe sat og fékk ljúfan innblástur frá vinkonu sinni, frú Stein, fyrir margt löngu síðan. Eikin, sem löngu síðar varð þögult vitni að einum mesta hryllingi mannkynssögunnar.

Það er vart hægt að heimsækja borgina Weimar án þess að votta fórnarlömbum fyrrum útrýmingarbúða í Buchenwald virðingu sína. Búðirnar voru meðal þeirra fyrstu sem nazistar reistu á þýskri grund og einnig með þeim stærstu.

"Street Parade" í Zürich

Árlega, í ágústmánuði, fer fram heljarmikil hátíð "Street Parade" í Zürich. Nánar um dagsetningu á heimasíðu hátíðarinnar: http://www.street-parade.ch/.

Ódýr sumargisting í London - stúdentaherbergi/íbúðir

Þeir sem ekki eru tilbúnir að greiða gistingu í London dýru verði yfir sumartímann, ættu að skoða stúdentagarða háskólanna sem bjóða ódýra gistingu á tímabilinu frá miðjum júní og fram í miðjan september.

Neanderdalsmaðurinn í Frakklandi

Opnað hefur verið afar óvenjulegt og skemmtilegt "safn" Paleosite í Saint-Césaire, 140 km norður af Bordeaux í suðvestur Frakklandi, sem gefur innsýn í líf Neanderdalsmannsins.

Madrid og espadrillur

Espradrillur eru með þægilegasta skótaui í hita sem hægt er að hugsa sér. Espadrilles in Madrid heitir grein úr The New York Times og segir frá pínulítilli og afar vinsælli búð Casa Hernaz í Madrid, rétt hjá Plaza Mayor, þar sem viðskiptavinurinn getur látið sérhanna á sig espadrillur.

Þær eru orðnar fimm kynslóðir Hernanz fjölskyldunnar sem hafa sinnt þessari iðju... svo ætla mætti að gæðin væru í lagi!

"Big Pit" - safn ársins 2005 í Bretlandi

Big Pit: National Mining Museum í Wales er raunveruleg kolanáma og vann árið 2005 hin eftirsóttu Gulbekian verðlaun sem safn ársins í Bretlandi.

Gestir fá tækifæri til að ferðast 300 fet undir yfirborð jarðar með leiðsögumanni sem vann áður fyrr sem verkamaður í námunni og segir frá reynslu sinni af því.

Big Pit er hluti af svæðinu Blaenafon Industrial Landscape sem er á heimsminjaskrá UNESCO - en svæðið gegndi veigamiklu hlutverki í iðnbyltingunni í Bretlandi. Safnið heimsækja um 150.000 manns á ári og er aðgangur frír.

Upplýsingar um Wales:
http://www.visitwales.com/

Nancy

Borgin Nancy er góður áfangastaður þegar skoða á austurhluta Frakklands. Í greininni Shopping in France Nancy: Fit for a Polish king eru ekki eingöngu góðar lýsingar á hugsanlegu búðarrápi... heldur einnig fróðleg umfjöllun um þessa fallegu borg.

Ferðamálaráð í Nancy
www.ot-nancy.fr

Gisting í Nancy
Hótel frá Hotel Club og Venere.

Weimar

Þeir eru virðulegir kapparnir Goethe og Schiller þar sem þeir standa hlið við hlið á Theaterplatz í Weimar. Enda hafa þeir ástæðu til að bera sig vel í þessari fallegu og merku borg þar sem sagan bókstaflega talar til manns á hverju götuhorni.

Það er ekki alltaf sem færi gefst til að heimsækja stað þar sem svo margar þekktar og mætar persónur hafa búið og dvalist í gegnum tíðina. Enda var erfitt að fá stúlku í Ferðamálaráði Weimar, sem var að gera könnun á ástæðum heimsóknar Ferðalangs, til að skilja að hún væri ekki eingöngu til komin vegna sérlegs áhuga á 200 ára dánarafmæli Schillers í ár (2005)...

• Hótel og gisting í Weimar

Bologna

Bologna í héraðinu Emilia Romagna hefur löngum verið þekkt sem borgin þar sem hægt er að ganga um án þess að vökna þegar hann rignir... vegna þess hversu margar gangstéttir eru yfirbyggðar.

Þessi háskólaborg hefur líka haft það orð á sér að vera borg mennta, menningar og húmanískra viðhorfa.

Gisting í Bologna
Hótel frá Venere og Hotel Club

Írland - upplýsingasíða

TourismIreland heitir allsherjar upplýsingavefur um Írland. Auk hefðbundinna upplýsinga um staði, hótel o.fl. er hægt að gerast áskrifandi að rafrænu fréttabréfi og óska eftir upplýsingabæklingum.

Montpellier

Það eru margir fróðleiksmolar um borgina Montpellier í greininni Shopping in France Montpellier: Ancient and modern af vefsíðu The Independent.

Ferðamálaráð Montpellier
www.ot-montpellier.fr

Gisting í Montpellier
Hótel frá Hotel Club og Venere.

Porto Santo - Portúgal

Á þessari litlu eyju, Porto Santo, sem liggur um 400 mílur frá strönd Afríku, er svo sannarlega hægt að finna kyrrð og ró fyrir þá sem það kjósa, nema seinnipart júnímánaðar þegar Sao Joao (St. John) hátíðin er haldin. Íbúar eru um 5000 talsins og eyjan ekki mikið stærri en 7x3 mílur.

Gestir koma með flugvél eða ferju frá Madeira.

Tartufo - truffle - jarðkeppur (tröffla)

"Hann lyktar eins og úldið egg, vex aðeins villtur og kostar heila formúu. Hann getur veitt ljóðrænan innblástur, verið rómantískur og valdið glæpum. Hundum hefur verið rænt - og lausnargjald greitt - bara vegna þessa sveppategundar..." segir í upphafi greinar á vefsíðu National Geographic, Truffle Riches Drive Men to Secrecy, Crime in Italy.

Ódýr og skemmtileg gisting í Erfurt

Þeir sem koma á bíl til borgarinnar Erfurt í Thüringenhéraði í Þýskalandi, gætu haft gaman af því að gista í útjaðri borgarinnar, nánar tiltekið í Kühnhausen. Þar er Pension Kastanienhof í gömlum bóndabæ og herra Geier  tekur vel á móti gestum með kaldhæðnislegum gálgahúmor.