Ferðalangur

Plitvice vötnin og þjóðgarðurinn

Það mætti ætla að það væri að bera í bakkafullan lækinn að bjóða Íslendingum að skoða vötn og fossa á erlendri grund. Óhætt er þó að fullyrða að Plitvice vötnin í samnefndum þjóðgarði í Króatíu, gleðji auga landans svo um munar.

Vötnin liggja um 110 km suður af Zagreb á aðalleiðinni til borgarinnar Split. - Þjóðgarðurinn, sem á króatísku heitir Plitvicka Jezera, komst á heimsminjaskrá UNESCO 1979 og þykir afar sérstakur. Um er að ræða vatnasvæði með rúmlega 16 vötnum og óteljandi fossum sem á sér áreiðanlega fáar hliðstæður hvað varðar litadýrð og fegurð.

Ungverjaland - vítt og breitt

"Heimsókn til Magyarorszag, (eins og Ungverjar kalla landið sitt) er ekki ósvipað því að heimsækja vin sem nýlega hefur keypt sér nýtt hús. Hann er upptekin við að hengja upp myndir, taka upp úr kössum og er enn að raða húsgögnunum - en hann er svo sannarlega glaður yfir því að þú gafst þér tíma til að líta við." Á þessum orðum hefst ágæt grein Moments in Magyar. Hungary is Ready for Visitors eftir Max Hartshorne frá GoNOMAD.com.

Í greininni lýsir Max m.a. heimsókn til Búdapest og stiklar þar á stóru um þá merku borg. Hann kemur síðan víða við, t.d. í Holloko í norðurhluta Ungverjalands, Miskolc, Visegrad, Eger og loks heimsækir hann slétturnar frægu.

Gisting í Ungverjalandi

Ptuj - elsta borg Slóveníu

Hvað í veröldinni er Kurentovanje og Kurents? Jú, Kurentovanje er karnivalhátíð í elstu borg Slóveníu, Ptuj (ca. 15.000 íbúar) og Kurents heita býsna skrautlegir búningar sem notaðir eru á hátíðinni. Einungis tvær manneskjur kunna þá list að búa þá til og auðvitað búa þær í Ptuj. - Kurents áttu hér áður fyrr að fæla frá anda vetrarins og greiða leiðina fyrir vori og góðri uppskeru.

Það er gaman að lesa um heimsókn í þessa litlu borg meðan karnival stendur yfir í greininni A fresh surprise in Old Europe af vefsíðu latimes.com. Ath. að það þarf að skrá sig (frítt) til að geta séð greinina.

Ferðamálaráð í Ptuj

http://www.ptuj-tourism.si

Ferðamálaráð í Slóveníu

http://www.slovenia-tourism.si 

Stórkostlegir lystigarðar í Frakklandi

Lystigarðar í Frakklandi njóta síaukinna vinsælda meðal almennings og ferðamanna. Fyrir 10 árum síðan mátti sjá lista yfir 150 athyglisverða lystigarða í landinu en nú er sú tala komin upp í 705.

Í greininni Gardens of the imagination af vefsíðu travel.telegraph lýsir Susan Marlin nokkrum af fallegustu lystigörðum Frakklands.

• Menton: Serre de la Madone, www.serredelamadone.com
• Chantilly: http://www.chateaudechantilly.com/
• Loire dalurinn: Villandry www.chateauvillandry.com
• Dordogne - Terrason: Jardins de l'Imaginaire, www.ot-terrasson.com

Fræg söfn í London - ókeypis inn

Hér koma nokkrar vefsíður þekktra safna í London þar sem ekkert kostar inn:

The British Museum  - www.thebritishmuseum.ac.uk
The National Portrait Gallery - http://www.npg.org.uk/
The National Gallery og The Natural History Museum - www.nhm.ac.uk
The Victoria & Albert Museum - http://www.vam.ac.uk/
The Science Museum - www.sciencemuseum.org.uk
The Imperial War Museum - www.iwm.org.uk
The Tate Modern - www.tate.org.uk

Korsíka - ''Ile de beauté''

Rauðvín og ostur er meðal þess sem prófa þarf á eyjunni Korsíku (íbúar um 260.000), ásamt fylltum eggaldinum, kálfakjöti með ólívum og að sjálfsögðu fiskmeti.

Eyjan liggur 170 km fyrir sunnan suðurströnd Frakklands og er fjórða stærsta eyjan í Miðjarðarhafinu á eftir Sikiley, Sardiníu og Kýpur. Aðeins 11 km skilja hana frá Sardiníu.

Vert er að geta þess að Napóleon fæddist á Korsíku í bænum Ajaccio og  enn má líta Maison Bonaparte þó það sé farið að láta á sjá.

Sigling um Dalmatíueyjar Króatíu

Hér er hugmynd fyrir stórfjölskylduna eða vinahópinn. - Vikusigling um Dalmatíueyjar Króatíu á þægilegum bát með "skipstjóra". Stórbrotin náttúra, höfrungar að leik, gömul þorp.... það verður vart betra! Í leiðinni er hægt að læra um bora - norðaustanvindinn sem blásið getur fyrirvaralaust og getur verið viðsjárverður fyrir sjófarendur og einnig hinn heita mistral vind.

Hellarnir í Postojna

Immensum ad antrum aditus! "Enter traveller, into this immensity!" Þetta er yfirskriftin fyrir ofan innganginn í Postojnahellana í Slóveníu.

Fyrir þá sem aldrei hafa komið í dropasteinshella, er heimsókn í hellana hreinasta upplifun. Það er eins og að stíga fyrirvaralaust inn í ævintýraheim, tja... gott ef ekki mætti hugsa sér kafla úr bók um Harry Potter gerast á slíkum stað.

Ef farið er frá Portoroz - tekur ekki nema um klukkustund að aka til Postojna. Farið er inn í hellana í skipulögðum hópum sem leggja upp á tilteknum tímum - athugið vel hvenær farið er með því að skoða vefsíðu hellanna.

Bestu hótelbarir Evrópu

Forbes.com hefur annað árið í röð, valið bestu hótelbari í heimi og skiptist valið á milli heimsálfanna.

Valinn var einn hótelbar í hverri borg og voru borgirnar valdar með tilliti til þess hversu mikið þær laða að sér ferðamenn frá öllum heimshornum.

Horft var til þess hversu barþjónar voru vel að sér og vinalegir og hvort að heimamenn sóttu barina (sem þykir gæðamerki). Loks þurftu hótelin að vera staðsett í miðborginni og vera dvalarstaður "buisnessfólks". 

Að þessu sögðu er hægt að smella á Evrópu (smella svo alltaf á Next) eða skoða yfirlitið yfir bestu bari heims og tékka á hvort leiðin hafi einhvern tímann legið inn á þessa fínu bari!

Dingle Way - gönguleið á Írlandi

Afhverju ekki að fara í gönguferð á Írlandi? Fyrir göngugarpa er upplagt að skoða t.d. eina af 30 nafntoguðum og löngum gönguleiðum sem nefnist Dingle Way og liggur nánar tiltekið á milli Anascaul og Dingle í West Kerry á Írlandi. Ef leiðin er gengin öll, er hún um 179 km og best að ætla sér a.m.k. 8 daga til að ljúka henni. Síðan er auðvitað hægt að taka styttri leggi.

Meiri upplýsingar um gönguleiðina m.a. hjá fyrirtækinu South West Walks Ireland.

 

Edinborg - alltaf eitthvað nýtt

Í Edinborg er alltaf eitthvað nýtt að finna, jafnvel fyrir þá sem koma þangað aftur og aftur. Og í ágústmánuði er heimsókn til þessarar merku borgar einfaldlega veisla fyrir augu og eyru þegar fram fara Edinborgarhátíðirnar The Edinburgh International Festival og Edinburgh Festival Fringe. Sú hátíð slær árlega eigin aðsóknarmet enda ein stærsta listahátíð heims - með yfir 300 uppákomum víðsvegar um borgina meðan á hátíðinni stendur.

Hótel og fjölbreyttir gistimöguleikar í Edinborg

Sardinía - Cala Gonone ströndin

Cala Gonone, á austurströnd Sardiníu er eitt af þeim svæðum á Sardiníu sem lítið er fjallað um, enda kom klettótt landslagið um aldir í veg fyrir bæði búsetu og mikla könnunarleiðangra. Í dag hefur þetta breyst, en engu að síður er ferðamannaiðnaðurinn ekki að kæfa svæðið... ennþá og allt öðruvísi um að litast þar en á Costa Smeralda.

Lesa má meira um þessa fallegu strandlengju í greininni Between ourselves af vefsíðu Travel Telegraph.

Vefsíða um Cala Gonone
http://www.calagonone.com/

Flug
EasyJet flýgur til Olbia og RyanAir til Alghero. Frá Olbia er ekki nema tæplega klst. akstur til Cala Gonone.

Gisting
Cá la Somara - Bændagisting á Cala Gonone.

Ósnortin þorp á Costa Brava ströndinni

Fyrir þá sem vilja flýja mestu ferðamannastaðina á Costa Brava og leita eftir einhverju sem enn er að kalla ósnortið af "mass tourism" er greinin Beauty behind the Costa Brava af vefsíðu Times Online ágætis lesning. Þar er lesandinn leiddur í gegnum falleg fiskiþorp þar sem vissulega er að finna einhverja ferðamenn, en upp til hópa eru það Spánverjar sjálfir.

Minnst er á þorpin Calella de Palafrugell, Llafranc, Tamariu, Aigua-blava, Begur, Cadaques o.fl.

Gisting
Gisting á Costa Brava frá Venere - Sjá einnig hótelvef Ferðalangs - Spán.

Ódýrari lestarmiðar - stundum

Það getur verið býsna gaman að ferðast um í lestum í Evrópu. Oftast setur maður "hugann"  í ákveðnar stellingar þar sem uppskriftin að rétta hugarfarinu innifelur m.a. aukaskammt af þolinmæði, ásetning um að vera tilbúinn að spjalla við samferðafólkið, jafnaðargeð þó e.t.v. fáist ekki alltaf sæti og svo loks nóg af lesefni!

Með þessum hætti nálgast maður oft landið sem ferðast er um á allt annan og skemmtilegri hátt en á sínum "einkabíl". - En... á að kaupa einstaka miða eða lestarpassa?

Stórbrotin leið í gegnum Dólómítana

Ferðalangur mælir með leiðinni sem hér verður lýst í gegnum Dólómítana milli Trieste og Bressanone (Brixen) og síðan áfram yfir Brennerskarðið yfir til Austurríkis ef vill. Þessi leið er þægileg, en afar stórbrotin. Hún liggur m.a. fram hjá Ölpunum þar sem heitir Gruppo delle Marmarole (2932 m) og Tre Cime di Lavaredo (Drei Zinnen - 2998 m).

Tour de France

Hjólreiðakeppnin fræga, Tour de France, hefur verið haldin árlega síðan 1903 (nema í heimstyrjöldunum tveimur) og þykir með stærstu viðburðum á sviði íþrótta. Keppnin, "Le Tour", fer fram í júlí í Frakklandi og stendur yfir í ca. 3 vikur. Á vefsíðu BBC Tour de France Stage Guides,má sjá skemmtilegt yfirlitskort yfir leiðina sem hjóluð er á hverjum degi og nákvæma lýsingu á hverjum legg.

Brixen (Bressanone) - góður viðkomustaður

Ef ætlunin er að fara Brennerskarð milli Ítalíu og Austurríkis er Brixen (á ítölsku Bressanone) í Suður-Týról afar notalegur viðkomustaður Ítalíumegin.

Brixen (ca. 17.000 íb.) stendur þar sem mætast árnar Eisack og Rienz og er stutt til margra skemmtilegra staða, s.s. Bolzano, Innsbruck o.fl.

Gisting
Tvö falleg fjögurra stjörnu hótel, Best Western Hotel Grüner Baum og Goldener Adler eru bæði við gamla miðbæinn.
Fleiri hótel frá Venere

Porec

Porec, í Króatíu, er einn af elstu bæjum á Istriaskaganum og jafnframt einn vinsælasti ferðamannabærinn.

Rómverjar gerðu sig heimakomna á þessum slóðum, m.a.s. fyrir Kristsburð svo og Feneyingar sem þarna sátu við völd á 13. - 18. öld og skildu eftir sig ýmiskonar minjar.

Vefsíða ferðamálaráðs
http://www.istra.com/porec/eng/
Netfang: tic@istra.com

Gisting í Porec
Hótel og gististaðir frá Venere

Flug
Með Ryanair frá London Stansted til Trieste á Ítalíu eða með EasyJet frá London Stansted til Ljubliana í Slóveníu.

Istriaskaginn (Istra)

Istria (Istra) heitir þríhyrndur skagi sem gengur út í Adríahafið nyrst í Króatíu og syðst í Slóveníu. Þessi fallegi skagi er eitt vinsælasta ferðamannasvæði Króatíu og þangað hafa streymt gestir síðan á sjöunda áratug 20. aldarinnar til að heimsækja staði eins og Rovinj, Vrsar, Umag, Novigrad og bæinn Porec sem er einna vinsælastur af þeim öllum.

Gisting á Istriaskaganum
Hótel og gististaðir frá Venere

"Rent a Tourist"

Nýstárleg hugmynd sem gæti hentað einhverjum! Á vefsíðu Lonely Planet má lesa um The Lonely Planet Guide to Experimental Travel.

Ein af hugmyndunum þar er að setja sig í spor "þarlendra" með því að auglýsa starfskrafta sína (ókeypis) á torgum úti (með ákveðnum takmörkunum þó!) og komast þannig í kynni við mannlíf á viðkomandi stað. Skemmtileg hugmynd ef hún er framkvæmd með varúð... og vissulega gæti hún gefið færi á fróðlegum samskiptum við fólkið á staðnum.

Hótel og stjörnugjöf. Hvað merkja stjörnurnar?

Hvað merkir það að hótel sé auglýst sem 2ja, 3ja eða 4ra stjörnu hótel? Er einnar stjörnu hótel vonlaust? Má ganga út frá því sem vísu að 4ra stjörnu hótel hafi örugglega loftkælingu (air condition)?

Staðreyndin er sú að það er ekki til nein sameiginleg evrópsk skilgreining á því hvað t.d. 3ja stjörnu hótel býður uppá.

Rafmagn - Klær - Innstungur

Get ég notað rafmagnstækið mitt í tilteknu landi? Þarf ég öðruvísi kló (millistykki) eða jafnvel straumbreyti? Hægt er að lesa sér til um þetta í World Electric Guide og einnig í Electricity around the world.

"Spirit of Paris"

Á skemmtilegri vefsíðu http://www.spirit-of-paris.com er hægt að skoða yfir 100 ljósmyndir frá París eftir ljósmyndarann Michel Colson. Það má með sanni segja að þetta séu myndir í bæði hefðbundnum og óhefðbundnum stíl.

Provence hérað og Côte d'Azur

Provence-Côte d'Azur: a whole range of pleasures heitir grein sem lýsir bæði borgum, bæjum og undurfögru landslagi Provence héraðsins og strandarinnar Côte d'Azur. Borgirnar Arles, Marseille, Nice og fleiri gullfallegir staðir koma við sögu.

Skemmtilegar myndir frá Bretlandi

Á bresku vefsíðunni This is Travel eru skemmtilegar myndir frá Bretlandseyjum. M.a. frá N-Írlandi, Suður- og Norður-Wales, Brighton, Isle of Wight og fleiri stöðum.

Sjá This is Travel: United Kingdom - Picture Gallery.