Ferðalangur

Inverness - Skotland

Ferðalangi barst kærkomin ábending frá lesanda um litla ferðaskrifstofu í Inverness í Skotlandi sem býður ferðir upp í skosku hálöndin, til Orkneyjar, eyjarinnar Skye og víðar. Ferðaskrifstofan Nor'west
Scottish Highland Tours (öðru nafni Puffin Express) er rekin af Kathleen og Sinclair Dunnett og segir í ábendingunni að þau bjóði upp á margar skemmtilegar ferðir sem viðkomandi Íslendingur var búinn að fara langflestar.

Svona ábendingar eru afar gagnlegar og vel þegnar.

Gisting
Hótel í Inverness og aðrir fjölbreyttir gistimöguleikar

Berlín og jólamánuðurinn

Það er skrautlegt um að litast í Berlín í jólamánuðinum þegar ljósin kvikna fyrir framan Brandenburgarhliðið og hinir 40 jólamarkaðir sem haldnir eru í Berlín prýða stræti og torg. Þeir hefjast flestir í nóvember og eru opnir sjö daga vikunnar.

Þeir sem heimsækja jólamarkað í Berlín mega búast við að "detta inn í" sérkennilega og töfrandi jólaveröld þar sem glerblástursmenn, tréskurðarmenn og dúkkugerðarmenn sýna vörur sínar og vinna jafnvel að þeim fyrir framan gestina í upphituðum trébásum sem minna helst á ævintýrið um Hans og Grétu.

Gisting
Hótel í Berlín og aðrir fjölbreyttir gistimöguleikar

Tíu bestu útsölumarkaðir á Ítalíu

Tíu bestu útsölumarkaðir á Ítalíu, skv. greininni Italy's top shopping outlets af vefsíðu Guardian Unlimited, eru eftirfarandi:

The Mall
Leccio-Regello, Flórens.
Merki: Armani, Valentino, Yves Saint Laurent, Loro Piana, Gucci, Fendi.
Allt að 60% afsláttur.

Eyjarnar við vesturströnd Skotlands

Vesturströnd Skotlands er vissulega þess virði að sækja heim ef marka má greinina Island Hopping in Scotland's Inner Hebrides eftir Karen Cunningham. Úti fyrir vesturströndinni liggja ótal smáeyjar sem tengjast hver annarri og meginlandinu með áætlunarferðum ferja. Þarna er ekki litið á sjóinn sem hindrun heldur sem samgönguæð.

Í greininni fjallar Karen um að hverju þarf að huga varðandi útbúnað í ferðalag á þessar slóðir og rekur ferðasögu sína þar sem hún heimsótti hverja eyjuna á fætur annarri, s.s. Arran, Isley, Jura, Colonsay og Oronsay.

Á gönguskíðum í Seefeld

Gönguskíði njóta vaxandi vinsælda og í greininni Silent trails and skinny skis: where to try cross-country af vefsíðu Guardian Unlimited má lesa nokkra fróðleiksmola um hentuga staði - allt eftir getu hvers og eins.

Seefeld í nágrenni Innsbruck er einn helsti staður Austurríkis fyrir gönguskíðafólk og hentar ekki síst þeim sem eru að byrja og vilja læra á gönguskíði. Þar er hægt að þræða merktar leiðir, alls um 250 kílómetra og ekki spillir viðmót íbúa í Seefeld. Einnig er hægt að fá kennslu og leigja útbúnað.

Gisting
Hótel í Seefeld og ýmsir fjölbreyttir gistimöguleikar

 

Ferðatöskur fyrir vandláta

 Þeir sem hyggjast kaupa sér vandaðar ferðatöskur, gætu haft gagn af grein á vefsíðu Fodors.com sem heitir einfaldlega 9 Steps to Perfect Luggage sem byrjar á þessum vel völdu orðum: "Not all luggage is created equal..." og það má vissulega til sanns vegar færa. Að ýmsu þarf að huga, s.s. efni, frágangi á rennilásum og handföngum, hjólum o.fl. Hvað er gott að skoða sérstaklega?

ATH. Þessi grein er orðin nokkurra ára gömul og ýmislegt gæti hafa breyst...

 

Af skotapilsum í Skotlandi

...Fyrsta skrefið er að að safna hugrekki til að sýna á þér hnén - hversu "hnýtt" eða skrautleg sem þau kunna að vera... - eða svo segir að minnsta kosti í greininni A Kilt in Scotland eftir Mike Elkin af vefsíðu Budget Travel Online.

Þar má lesa um hversu mikið efni þarf til að búa til ekta skotapils, hvorki meira né minna en rúmlega 7 metra af  100% ullarefni. Pilsið á að sitja hátt og ná nákvæmlega niður að miðju hné og vegur allt að þremur kílóum!

Salzburg í hátíðarbúningi

Það er að verða jólalegt í Salzburg. Ef lagt er við hlustirnar má heyra hirðtónlist í fjarska, blástursleikara uppi í  turnum og þjóðlög, aðventu- og jólasálma á götunum.

Á jólamarkaðinum - Christkindlmarkt - má finna ilminn af heitu og krydduðu víni. Sölubásarnir eru fagurlega skreyttir með bæði nýjum og gömlum hlutum.

Markaðurinn 2005 stendur frá 19. nóvember - 24. desember og er upplagður viðkomustaður þeirra sem hafa gaman af hefðum og jólalegu andrúmslofti.

Hótel í Salzburg
Bookings.net, Venere, HostelWorld og Hotel Club. Sjá einnig www.hotelvefurinn.net.

Sætastærð og "pláss" í flugvélum

Hversu breitt bil er á milli sætaraða hjá helstu flugfélögum Evrópu? Hægt er að forvitnast um það á vefsíðunni Skytrax.

Samkvæmt upplýsingum frá Skytrax, er 31 tomma á milli sætaraða bæði hjá Icelandair og Iceland Express, 30 tommur hjá Ryanair og 29 hjá EasyJet svo dæmi séu tekin. Ef margfaldað er með 2.5 fæst bilið í sentimetrum. Hægt er að fletta upp fleiri evrópskum flugfélögum sem og flugfélögum í öðrum heimsálfum.

Að sameina frí og nám/námskeið

Það færist í vöxt að ferðalangar vilji sameina frí og námskeið í einhverju sem þeir hafa sérlegan áhuga á, hvort sem það nú tengist golfi, matargerð, tungumálanámi eða öðru.

Ferðalangi barst skemmtileg ábending frá lesanda um grein í sænska blaðinu Expressen sem heitir Hitta rätt kurs på resan. Þar eru nefnd dæmi um ferðir sem tengjast m.a. salsanámskeiðum, matargerð, listmálun, golfskólum og ýmsu fleiru.

Hér fyrir neðan er hægt að heimsækja ýmsar vefsíður sænskra aðila sem bjóða skemmtileg námskeið í bland við ferðir:

Ferðast þú ein/einn?

Yfir fjórar milljónir Breta ferðuðust einir í fyrra - hvert skyldi hlutfallið vera á Íslandi? Sitja e.t.v. margir heima vegna þess að þeir leggja ekki í að fara einir eða halda að þeir verði einmana?

Fræg kaffihús í Evrópu

Hefur þú fengið þér "molasopa" á eftirfarandi kaffhúsum?

Feneyjar
Café Florian
Piazza San Marco (00 39 41 520 5641)
Afar frægt og tilkomumikið kaffihús á Markúsartorginu með skrautlegum innréttingum.
Frægir gestir: Casanova, Byron, Goethe og Proust.
Panta: Eina sneið af "haut-couture" köku.

Klukkan á ýmsum stöðum

Til eru ýmsar vefsíður þar sem sjá má á þægilegan hátt hvað klukkan er í mismunandi löndum og heimshlutum.

Hér á vinstri stiku Ferðalangs undir Ómissandi tól má sjá fyrirsögnina "Hvað er klukkan í...?" en sá tengill liggur á http://www.timezonecheck.com/.

Önnur slík síða, http://www.timeanddate.com/worldclock/, er einnig afar gagnleg. Á henni er hægt að matreiða upplýsingarnar eftir eigin höfði. Viltu sjá tímann í borgum eða löndum? Viltu búa til þína eigin síðu, Personalized World Clock, með borgum (allt að 25 talsins) sem þú velur og getur síðan fengið sérstaka vefslóð á? Viltu einungis sjá Evrópu eða aðra heimsálfu? Allt þetta er hægt á þessari bráðskemmtilegu síðu.

Vínarborg á aðventunni

Það verður enginn svikinn af heimsókn til Vínar á aðventunni. Þar má á einfaldan hátt sameina jólainnkaupin, tónleikaferðir og ýmis konar menningarviðburði. Ekki spillir fyrir "gemütlichkeit" og hlýleg stemning á kaffihúsum borgarinnar.

Hótel frá Venere og Bookings.net.

Hjólað um Loire dalinn

Nú geta hjólreiðamenn notið útsýnis til kastala og vínekra á meðan þeir hjóla meðfram ánni Loire því frönsk stjórnvöld opnuðu nýlega 94 mílna leið sem samanstendur af hjólreiðastígum og hjólreiðavænum vegum á milli Tours og Angers. Áætlað er að í lok ársins 2007 verði hægt að hjóla alls 500 mílur á þar til gerðum leiðum meðfram ánni.

Portobello markaðurinn London

 

Grúskarar og aðrir sem gaman hafa af gömlum munum og antikverslunum, ættu að láta eftir sér að fara á Portobello markaðinn í London við Portobello Road (Notting Hill) þar sem finna má stærsta antikmarkað í heimi. Um 1500 söluaðilar selja þar allt milli himins og jarðar svo fremi að hlutirnir séu komnir til ára sinna... Þeir tilheyra flestir samtökunum Portobello Antique Dealers Association.

 

Vefsíða:
http://www.portobelloroad.co.uk/

Nautaat á Spáni

Það eru afar skiptar skoðanir um þá hefð Spánverja að halda nautaöt. Ýmist þykir það frumstæður og grimmilegur siður, listræn hefð eða einfaldlega forvitnilegur hluti af menningu Spánverja.

Nefna má að í Barcelona er búið að banna nautaöt og dýraverndunarsinnar á Spáni hafa sig mjög í frammi gegn þessari gömlu hefð.

Eitt er víst: Nautin lifa ekki "leikinn" af - svo þeir sem viðkvæmir eru ættu að halda sig fjarri.

Bjór í Prag - kanntu til verka?

Margir telja tékkneskan bjór þann besta í heimi. Tékkneskur "bjórkúltúr" er hins vegar sér á báti og gott fyrir aðkomufólk að vita deili á siðum heimamanna.

Ferðalangar í leit að rétta bjórnum ættu að horfa fram hjá bjórkrám sem auglýstar eru sem "Irish Pub" og "casino" en horfa í staðinn eftir "hospoda eða pivnice" sem er tékkneska orðið fyrir krá. Það er líka traustvekjandi ef að krítartafla auglýsir verð á bjór fyrir 30 Kc (tékkneskar krónur) eða minna og eins ef staðurinn er þéttsetinn af Tékkum sjálfum...

Ólívur og ólífutré

Hvað veistu um ólívur og ólífutré? Veistu, að ræktun ólífutrjáa hefur fylgt Miðjarðarhafslöndunum frá því á 4. öld fyrir Kristsburð og hefur haldist í hendur við stórmerkilega þróun menningar og mannlífs við Miðjarðarhafið?

Í þorpinu Imperia, sem liggur við strönd Liguríuhéraðsins á Ítalíu, er stórmerkilegt safn um hið sígræna ólífutré, sögu ólívuræktunar og vinnslu - Museo dell'Olivo. Yfir 30.000 manns heimsækja safnið árlega og vefsíða þess veitir einnig innsýn í þetta merkilega safn.

50 gististaðir undir 50 pundum

Ferðalangar, sem hafa áhuga á að ferðast um Bretland, eru hvattir til að skoða greinina The top 50 for under £50 af vefsíðu Guardian Unlimited. Þar má sjá fimmtíu valda gististaði, B&B, gistiheimili og hótel - sem eiga það sameiginlegt að kosta undir £50 á mann. Þar af kosta tíu þeirra £30 eða minna. Sum þeirra gætu kostað meira yfir háannatímann, en utan hans ætti þetta verð að standa.

Tillögur að lestarferðum um Evrópu

Í greininni Four rail routes to follow in Europe af vefsíðu Times Online má lesa um fjórar skemmtilegar hugmyndir að lestarferðum um Evrópu fyrir ferðalanga sem vilja njóta þess að skoða Evrópu á þann hátt. Lestirnar eru nefnilega til "ennþá" - hvað sem líður öllum lágfargjaldaflugfélögum :-)...

Miða má t.d. kaupa hjá EuropeonRail.

Leiðirnar eru eftirfarandi: