Ferðalangur

Róm að hætti blaðakonu

Breska blaðakonan og rithöfundurinn Charlotte Eagar féll fyrir Róm þegar hún var smástelpa og horfði á sjónvarpsþættina Ég Claudius og síðan aftur er hún las hina sögulegu skáldsögu um Lucreziu Borgia eftir Jean Plaidy. Löngu síðar bjó hún í Róm í tvö ár.

Hér á eftir fara glefsur úr viðtali við hana af vefsíðu travel.telegraph þar sem hún svarar nokkrum spurningum um þessa stórkostlegu borg:

Hvað er það fyrsta sem þú munt gera þegar þú kemur aftur til Rómar?
... Fara í göngutúr um Piazza Navona, sem skartar gosbrunninum mikla "Árnar fjórar" eftir Bernini, áfram til Pantheon og enda á torginu Piazza Farnese og fá mér þar kaffi á barnum á horninu. Njóta þess um leið að horfa á framhliðina á Palazzo Farnese eftir Michelangelo.

Würzburg

Háskólaborgin Würzburg er afskaplega notalegur áfangastaður þegar leiðin liggur um Bæjaraland í Þýskalandi. Ekki nema rétt um 130.000 íbúar og því mátulega stór fyrir Íslendinga á bílaleigubíl...

Borgin er til að mynda góður upphafspunktur áður en ekið er um hina þekktu og fallegu "Rómantísku leið" - Die Romantische Strasse og ekki tekur nema 1 1/2 tíma að aka þangað frá flugvellinum við Frankfurt am Main.

Borgin er sömuleiðis orðin mörgum Íslendingum að góðu kunn fyrir jólamarkaðinn sem þar er hægt að heimsækja á aðventunni.

Napólí

Hvað á að gera í Napólí ef lítill tími er til umráða? Í greininni 24 hours in: Naples eftir Aoife O’Riordain af vefsíðu New York Times er komið með tillögur fyrir ferðalanginn sem hugsanlega hefur bara sólarhring til umráða í þessari frægu borg.

Ekki er víst að allir séu svo “grand á því” að dveljast á The Excelsior, einu glæsilegasta hóteli Napólíborgar en sé svo, þá er útsýnið þaðan yfir Napólíflóann alveg stórkostlegt þar sem glyttir í eldfjallið Vesúvíus og reykinn úr gígnum.

Gisting:
Hótel í Napólí og aðrir fjöbreyttir gistimöguleikar

Jólamarkaður í Rothenburg

Stollen, Lebkuchen, Schneeballen... að ekki sé minnst á Glühwein og Würst. Allt þetta virkar sem segull á íslenskan ferðalang á jólamarkaðinum Reiterlesmarkt í Rothenburg, dag einn snemma í desember.

Myndir frá Rothenburg og jólamarkaði

Það er eins og komið sé inn í ævintýraheim að heimsækja þetta 12.000 manna þorp á þessum árstíma. Frost og stillur, leifar af snjósköflum eftir kuldakast síðustu viku, fallega skreyttar götur og jólamarkaðurinn með sínum heimilislegu viðarbásum, vendilega prýddum.

Á markaðaninum skiptast á básar með alls konar jólaskrauti og jólavörum í bland við bása þar sem hægt er að kaupa bolla af heita jólavíninu Glühwein og pylsur af ýmsum stærðum og gerðum, sumar svo langar að Íslendingurinn horfir hlægjandi á og veltir fyrir sér hvernig í veröldinni sé hægt að torga þessu. Með jólapúnsið í hendi læðist að ferðalanginum sá grunur að í það hafi verið blandað einhverju sterkara en einungis rauðvíni...

London - verslanir, markaðir og leikhús

Hvaða búðir eru við Oxford Street í London? Eða á Portobello Road og í Notting Hill? Hvað ber fyrir augu þegar þú röltir út af Bond Street Station?  

Vefsíðan Street Sensation sýnir á myndrænan og skemmtilegan hátt hvaða verslanir eru hvar... og veitir ýmsar upplýsingar um þær að auki. Á sömu síðu er hægt að fá kort yfir 18 markaði í London og kort af staðsetningu leikhúsa.

Gisting
Hótel í London og ýmsir aðrir fjölbreyttir gistimöguleikar

Tékkland - aðventa, jól og áramót

Aðventan í Tékklandi hefur mikið aðdráttarafl fyrir þá sem upplifa vilja eitthvað öðruvísi og sérstakt.

Í Tékklandi er hægt að finna ýmsar frumlegar jólagjafir s.s. leikföng úr tré fyrir börnin, sérhannaða skartgripi, fallegan kristal og jafnvel grasalíkjörinn Becherovka. Tékkneskt jólaskraut þykir einnig afar skemmtilegt, úr gleri, tré eða jafnvel stráum.

Gisting
Hótel í Prag og fleiri fjölbreyttir gistimöguleikar
Hótel og fjölbreytt gisting  í Tékklandi

Þorpin við Gardavatn

Hvað skyldu Mussolini, fiðlusmiðurinn Gasparo og fyrrum tannlæknir Rússakeisara eiga sameiginlegt? - Jú, allir dvöldu þeir um tíma við Gardavatn - þennan sérstaka unaðsreit á Norður-Ítalíu sem mörgum Íslendingum er að góðu kunnur.

Ef siglt er  á milli þorpanna við Gardavatnið má meðal annars heimsækja Salò þar sem Mussolini réð ríkjum eftir að hann flúði frá Róm 1944 ásamt ástskonu sinni Clöru Petacci. Í Salò var einnig fyrsta fiðlan var smíðuð af Gasparo da Salò. Síðan má koma við í Gardone Riviera neð fallegu görðunum eftir Arturo Hruska sem eitt sinn var tannlæknir Rússakeisara og Sirmione þar sem kastalinn Rocca Scaligera setur mark sitt á staðinn og þar sem hægt er að fá einn besta ís sem Ferðalangur hefur nokkru sinni smakkað!

Gisting
Hótel við Gardavatnið og aðrir fjölbreyttir gistimöguleikar

Sumarhús, extra lítil og óvenju stór

Hér koma tvær slóðir fyrir þá sem leita að litlum 2ja manna sumarhúsum/húsum eða óvenju stórum húsum, þ.e. fyrir 12 manns eða fleiri í nokkrum Evrópulöndum og víðar.

Lítil 2ja manna hús
The Little Domain
http://www.thelittledomain.com/

Stór 12 manna hús og stærri
The Big Domain
www.thebigdomain.com