Ferðalangur

Toledo - í hjarta Íberíuskagans

Það tekur einungis hálftíma að ferðast með nýlegri hraðlest frá Madrid til borgarinnar Toledo sem liggur eina 70 km suður af Madrid.

Borgin stendur á kletti í  529 m hæð yfir sjávarmáli og er nánast umkringd fljótinu Tajo.  Sagt er að fáar spænskar borgir gefi jafn glöggan vitnisburð um fjölbreytileika spænskrar menningar og byggingarlistar eins og Toledo og í gamla miðbæ borgarinnar er að finna yfir eitt hundrað söguleg minnismerki frá ýmsum tímum.  Það er ekki að undra þegar haft er í huga að íbúar borgarinnar hafa  í gegnum tíðina aðhyllst þrenns konar mismunandi trúarbrögð og í kringum þau hefur skapast fjölbreytileg menning og mannlíf.

Toledo  komst á heimsminjaskrá UNESCO árið 1987.

Nokkur góð "bistro" í París

1. Le Comptoir du Relais Saint-Germain
9, Carrefour de l'Odeon
Sími: 011-33-1-4329-1205

2. Le Beurre Noisette
68, rue Vasco de Gama
(Góður staður fyrir rómantíkina...)
Sími: 011-33-1-4856-8249

3. L'Os a Moëlle
3, rue Vasco de Gama
Sími: 011-33-1-4557-2727
(Mynd frá þessum stað)

Enn um farangur og pökkun

Í framhaldi af smá pistli um farangur og pökkun, barst Ferðalangi býsna góð ábending frá einum lesanda.

"Set skyrtur, blússur og eiginlega allt sem hægt er að hengja upp á vírherðatré og plastið sem kemur úr hreinsuninni utan yfir og brýt þetta í tvennt. Svo þegar komið er á ákvörðunarstað er maður nokkuð fljótur að taka upp úr töskum því fötin á herðatrjánum eru hengd beint inn í skáp."

Ef fleiri luma á góðum ráðum/ábendingum eru þau sannarlega vel þegin!

Sikiley, suðausturendi eyjarinnar

Blaðamaðurinn Maggie O’Farrell ferðaðist um suðausturenda Sikileyjar og heimsótti þar m.a. bæina Modica og Noto - og síðast en ekki síst borgina Siracusa sem er að hennar mati ein af fallegustu borgum sem hún hefur heimsótt.

Þetta er bæði afar fallegt og áhugavert svæði sem miklir jarðskjálftar lögðu að mestu í rúst árið 1693. Byggja þurfti nánast alla bæi upp á nýtt.

Ef fólk ferðast um á bílaleigubíl um svæðið, er mælt með góðu vegakorti (!) og hæfilegum skammti af varkárni því vegirnir þarna eru ekki alveg í takt við rennilegar hraðbrautir meginlandsins... og ekki að hika við að spyrja hjálpfúsa íbúa til vegar.

[Heimild: Is Sicily home to the world’s most beautiful city? af vefsíðu Timesonline.]

Lake District - náttúruperla

Ein af mestu náttúruperlum Englands er vatnasvæðið Lake District í Cumbriahéraði og ef ætlunin er að ferðast um England, væri það ofarlega á blaði.

Sveitir Englands eru afar fallegar en vatnasvæðið er eitthvað sem heillar meira en margt annað og líklega eru það andstæðurnar í landslaginu sem hafa mest áhrif. Há fjöll og löng vötn setja mark sitt á svæðið. Þar er að finna stærsta stöðuvatn Englands, Windermere og einnig hæsta fjallið, Scafell Pike.

Þarna getur ferðalangurinn tekið sér ýmislegt fyrir hendur. Klifið tinda til að njóta útsýnis, farið í bátsferðir á vötnunum eða ekið í gegnum gróðursælar sveitir og gömul þorp.

Zagreb og norðurhluti Króatíu

Norðurhluti Króatíu og höfuðborgin Zagreb verða stundum útundan í umfjöllun um Króatíu. Greinin Northern Croatia: Castles, Character and Wine eftir Kent E. St. John segir frá ferð höfundar til Zagreb og nærliggjandi héraða s.s. héraðsins Slavoniu.

Hann kemur víða við og nefnir m.a. Hravatko Zagorje, héraðið þar sem Josip Broz, öðru nafni Tito, fyrrum Júgóslavíuforseti, fæddist. Einnig kemur höfundur við í bænum Samobor, rétt hjá Zagreb, í borginni Varazdin og í bæjunum Pozewga og Kutjevo í Slavoniu.

Skemmtileg lesning fyrir þá sem hyggja á ferð til Króatíu og vilja sjá eitthvað meira en fjölsóttustu ferðamannastaðina! 

Gisting
Hótel í Zagreb
Hótel í Króatíu og fjölbreyttir gistimögueikar

Ferðamálaráð Króatíu
www.croatia.hr

Grímur fyrir karnival í Feneyjum

Í Feneyjum er verið að undirbúa hið árlega karnival sem fram fer seinni hluta febrúarmánaðar. Grímur eru órjúfanlegur hluti þess og enn má finna grímugerðarmenn (mascareri) af gamla skólanum. Einn slíkur, Dall'Osto hefur vinnustofu sína nálægt San Toma bátabiðstöðinni - Tragicomica þar sem hægt er að fá grímur og fullkomin gervi fyrir allt að 4000 evrur. Það tekur marga tíma að fullgera eina grímu og ekki skrítið að verðið sé hátt.

Farangur: Engar "krumpur" - fötin slétt

Það er vandi að pakka þannig að föt krumpist ekki. Hér á eftir koma nokkrar ábendingar sem gætu hjálpað af vefsíðu Fodors.com.

"Plast" er töfraorðið hér - plastið kemur í veg fyrir að fötin krumpist. Öll fínu fötin sem þarf að hengja upp, ættu að vera sett í sér plastpoka. Það er líka upplagt að útvega sér nokkra plastpoka með n.k. rennilás fyrir óhreina tauið, sjampó eða annað sem þarf að einangra frá hreinu fötunum.

Leipzig - stutt heimsókn

Mynd frá Grüni á Flickr

 Leipziger Gose heitir sérkennilegur bjór sem kryddaður er með kóreander og salti og einkennandi fyrir Leipzig,  þýsku borg sem fyrrum lá handan járntjaldsins. Enginn annar bjór þykir líkjast honum nema ef vera skyldi Berliner Weisse að sögn bjóráhugamanna. En Leipzig er þekkt fyrir annað og meira en bjór - þar fæddist tónskáldið Richard Wagner og þar bjuggu einnig þeir Robert Schumann og J. S. Bach.

Ef farið er í stutta heimsókn til Leipzig gæti verið góð hugmynd fyrir listunnendur að gista á Galerie Hotel Leipziger Hof. Þar er að finna meira en 200 listmuni, málverk og höggmyndir, bæði frá Leipzig og héraðinu í kring. Verðið sanngjarnt og vinalegur veitingastaður og bjórgarður líka. Það tekur einungis 15 mínútur að rölta í miðbæinn og sporvagnar stansa rétt við hótelið.

Nokkur ódýr og góð hótel í París

Hotel Little Regina 
Hótel Little Regina stendur í grennd við tvær af lestarstöðvum Parísar, (89 bd. de Strasbourg, 9e) og þar er hægt að fá rúmgóð, nýlega endurnýjuð og hljóðeinangruð herbergi með nýuppgerðum baðherbergjum og nægu skápaplássi.

Hôtel du Square d'Anvers
Ef leitað er að hóteli með góðu útsýni þá er  Hôtel du Square d'Anvers (6 pl. d'Anvers, 9e) mjög góður kostur. Biðjið sérstaklega um herbergi með útsýni og njótið einnig útsýnis yfir morgunverðinum. Úr herbergjunum á efstu hæðinni sést m.a. frá Eiffel turninum til Sacré-Coeur.

Hotel de Bois 
Hôtel du Bois, (11 rue du Dome, 16e), hefur það allt - frábæra staðsetningu rétt hjá breiðgötunni Victor Hugo, falleg herbergi, frið og ró og vinalegt starfsfólk.

Hotel Regyn's Montmartre
Þetta hótel býður frábært útsýn yfir París og stendur við 18 pl. des Abbesses, 18e.  Biðjið um herbergi á fjórðu og fimmtu hæð (vel þess virði þó borga þurfi aðeins aukalega fyrir það).

Fleiri hótel í París og fjölbreyttir gistimöguleikar

Senda á Facebook

Tvær gönguferðir í London og nágrenni

Times Online hefur undanfarið birt mánaðarlegar greinar um tilteknar gönguleiðir í London. Nákvæmar leiðarlýsingar fylgja og hægt að smella á kort sem sýnir vel hvar gengið er. Hér koma þrjár þeirra:

An Olympic walk - Heimsókn í austurhluta London áður en hróflað verður við þessum borgarhluta fyrir Ólympíuleikana 2012. Lengd leiðarinnar er um 12 km (7.5 mílur) og tekur u.þ.b. þrjár klst.

Ostia Antica - ekki síðri en Pompeii?

Sumir halda því fram að rústir borgarinnar Ostia Antica séu ekki síður áhugaverðar að skoða en Pompeii og alls ekki jafn troðfullar af ferðamönnum.

Ostia Antica, hin forna hafnarborg Rómar, liggur um 20 mílur frá Róm, milli árinnar Tíber og Tyrrenska hafsins.  Þar er að finna hundruðir bygginga sem eiga það sameiginlegt að vera um 2000 ára gamlar.  Rústir Pompeii hafa þó löngum skyggt á Ostia Antica en Pompeii og íbúar hennar grófust undir ösku frá eldfjallinu Vesúvíusi sem gaus árið 79 eftir Krist.

Saga Skotlands og ýmis fróðleikur

Enn einn bráðskemmtilegur vefur frá BBC In Search of Scotland. Á vefnum er að finna margvíslegan fróðleik um Skotland í gegnum tíðina, s.s. Victorian Scotland, Modern Scotland, Wars of Independence, Enlightenment og margt fleira. Fyrir ferðalanga er áhugavert að skoða t.d. History Trails þar sem hægt er að sjá sögufræga staði í hverju héraði fyrir sig. Ef smellt er á Inverness má t.d. sjá hvar Battle of Culloden fór fram og The Massacre of Glen Coe.

Hótel í Skotlandi og aðrir fjölbreyttir gistimöguleikar