Ferðalangur

Sardinía: Ferðalangur finnur sína "paradís". Myndir.

Það hefur lengi verið draumur Ferðalangs að komast til Sardiníu. Í byrjun ágúst varð sá draumur loks að veruleika og haldið var með eitt stk. ungling á vit nýrra upplifana sem svo sannarlega eru efni í fleiri en einn pistil hér á vefnum.

Ferðalangur flaug til Sardiníu frá London Stansted með Ryanair, til lítillar borgar, Alghero (ca. 60 þús. íb.) vestan megin á Sardiníu. Verðið var hlægilegt, enda miðarnir keyptir þegar Ryanair var með eina af sínum fjölmörgu útsölum s.l. vor.

Myndir frá Sardiníu.

Að taka betri myndir

Það er komið að sumarlokum og ekki ólíklegt að fjöldi ferðalanga hafi tekið hundruðir mynda á flakki sínu í sumar. En hvernig komu myndirnar út? Vantaði fæturnar á makann og börnin? Var myndefnið of langt í burtu?

Rosanne Pennella er ferðaljósmyndari og í grein frá washingtonpost.com, Snap to it, er vitnað í nokkur góð ráð frá henni fyrir þá sem hafa gaman af myndatökum á ferðalögum. Einföld ráð sem geta breytt miklu fyrir okkur sem gætum tekið betri myndir...

Allt um flugáætlanir o.fl.

Þeir sem hafa gaman af að fylgjast með flugi og kynna sér alls kyns tölulegar upplýsingar um flug, flugfélög, flugvelli eða einfaldlega hvað eina sem viðkemur flugi, ættu að líta á http://www.flightstats.com/.

Hægt er að velja t.d. KEF (Keflavík) og fá upplýsingar um brottfarir, komur, veður, seinkanir og fleira - en einnig er hægt að skrá sig á síðuna (frítt!) og opnast þá aðgangur að enn meiri upplýsingum. Hvaða flugfélag heldur t.d. best áætlun?

Nýlegir veitingastaðir í London

Hér er eitthvað fyrir sælkerana!

Þrír nýlegir veitingastaðir í London. Þeir heita Automat, The Ledbury (2 Michelin stjörnur) og The Waterway. Tveir þeirra bjóða upp á franska matargerð en verðbilið er nokkuð misjafnt.

"Bargain" í Berlín

Fyrir þá sem hafa gaman að gramsa í búðum sem selja notuð föt, koma hér upplýsingar um nokkra slíka staði í Berlín. 

Garage (Ahornstrasse 2, Schoeneberg) er ein stærsta "second hand" verslunin í Berlín og selur föt á kílóverði.

Einnig er hægt að fá glitrandi ballkjóla frá þriðja áratug 20. aldar í Sterling Gold (Oranienburger Strasse 32, Heckmann-Hoefe).