Ferðalangur

Nýtt listahverfi fæðist í Bologna

Borgin Bologna í héraðinu Emilia-Romagna á Ítalíu var valin menningarborg Evrópu árið 2000. Af því tilefni voru 10 milljónir dollara settar í að breya niðurníddu hverfi í norðvesturhluta borgarinnar  í listahverfi (ca. 15 mín. ganga frá miðbænum).

Fram að því höfðu nokkrar stórar byggingar staðið ónotaðar í hverfinu, s.s. sláturhús, saltgeymsla og tóbaksgeymsla. Nú er þar hins vegar komin "listaverksmiðja" eða Manifattura delle Arti. Sláturhúsið breyttist í Cineteca, miðstöð kvikmyndarannsókna og viðgerða. Cineteca hýsir m.a. safn tileinkað Charlie Chaplin þar sem Chaplin aðdáendur geta fengið lánaðar DVD myndir og horft á þær frítt á sérstökum skermum í safninu.

Nýtt podcast frá Frommers.com: Ítalía

Hvernig kynnist þú best ítölskum lifnaðarháttum? Hvernig ferðu að því að forðast ýmsar "túristagildrur"? Hvernig finnur þú sérstæða gististaði, s.s. kastala og ævagömul hús?

Allt þetta og meira til í viðtali sem Pauline Frommer og Reid Bramblett tóku við David Lytle um ferðalög til Ítalíu: La Dolce Vita: The Lure of Italy.

Að versla "myndrænt" í London og víðar...

Ný og skemmtileg síða hefur bæst við í vefflóruna um London sem heitir http://www.superhighstreet.com/. Þar er hægt að rölta um ýmsar götur í London, s.s. Oxford Street, Portobello Road og George Street í Richmond Upon Thames í Surrey - úr sófanum heima. Einnig er fljótlega von á Fifth Avenue í New York!

Hægt er að virða fyrir sér framhliðar búðanna, smella á dyr þeirra og þá er komið inn á vefsíðu þeirra. Stórsniðug hugmynd hjá aðstandendum www.superhighstreet.com.

Að léttast í fríinu...

Hvernig geturðu reynt að léttast í fríinu?

1. Slepptu matnum um borð í flugvélinni. Það er gott að hafa með sér grófa samloku og ávaxtastöng (nutrition bar), jafnvel ávexti. Drekktu nóg vatn. Það er líka staðreynd að manni líður betur af slíku fæði en flugvélafæðinu!

2. Skyndibitafæði er alveg bannað, eins og McDonald, Burger King og hvað það nú heitir. Notaðu fríið til að smakka á því sem "innfæddir" borða.