Ferðalangur

Myndir, mállýskur og náttúruhljóð

Viltu skoða myndir frá Viktoríanska tímabilinu í Bretlandi? Hlusta á mismunandi mállýskur? Eða heyra bresk náttúruhljóð?

Allt þetta og meira til á vefnum Online Gallery frá British Library.

Gömul kort frá Bretlandi

The Crace Collection er safn yfir 800 stafrænna korta af London frá 16. - 19. öld sem sýna á skemmtilegan hátt hvernig þessi skemmtilega borg hefur þróast í aldanna rás.

http://www.collectbritain.co.uk/collections/crace/

Ábendingar um veitingastaði í London

Ferðalangur hafði spurnir af tveimur góðum veitingastöðum í London sem ætlunin er að prófa við fyrsta tækifæri.

- Maroush - líbanskur veitingastaður á nokkrum stöðum í London, afar góður!

- Taste of India - indverskur veitingastaður, skammt frá Covent Garden, einnig mjög fínn.

Nokkur góð B&B á Ítalíu

Áhugaverðir gistimöguleikar í Flórens, Róm, Belluno (Dólómítarnir) og Ancaiano (13 km frá Siena):

Flórens - einungis fyrir konur

Hér er indælis reyklaust B&B í boði fyrir konur, í miðaldabyggingu í miðbæ Flórens. Fjögur herbergi sem öll snúa að rólegum húsagarði, þar af hafa þrjú þeirra útsýni til dómkirkjunnar margfrægu, il Duomo. Aðeins í fárra mínútna fjarlægð frá Uffizi safninu, Ponte Vecchio o.fl.

• http://www.bandbforwomenonly.it

Hús (2 íbúðir) og bóndabær til leigu í Frakklandi

Í Frakklandi býr Íslendingurinn Ármann Örn Ármannsson ásamt Nathalie eiginkonu sinni og leigir út tvenns konar gistingu á yndislegum stöðum.

Annars vegar er um að ræða stórt hús með tveimur íbúðum (og tveimur píanóum!) og upphitaðri sundlaug rétt fyrir utan þorpið Esparron de Verdon í Provence héraði og hins vegar uppgerðan bóndabæ í fjalllendi í héraðinu Auvergne.

• Húsið í Esparron de Verdon rúmar 7-9 manns í stærri íbúðinni og 4-5 í þeirri minni. Frábær aðstaða!
• Bóndabærinn rúmar 7-11 manns, einnig með afar góðri aðstöðu.

Nánar á www.festival.is og hjá armann@festival.is.

Glæsilegur veitingastaður í París

Fyrir þá sem vilja gera sér glaðan dag í París og halda veglega upp á t.d. afmæli eða annað... er upplagt að fara á Brasserie Julien, sem hefur staðið sína "pligt" frá því á 19. öldinni, með innréttingum í glæsilegum Art Nouveau stíl.

Heimilisfang:

Julien
16, rue du Faubourg Saint-Denis
75010 Paris
Sími: +33(0)1 47 70 12 06
Fax : +33(0)1 42 47 00 65

Bílaleigubíllinn - hvað ber að varast?

Á vefsíðu Fodors.com er ágæt grein um hvað ber að varast þegar bílar eru teknir á leigu: Rental-Car Rip-Offs. 

Þar er m.a. rætt um eftirfarandi:

Afslætti sem hverfa á dularfullan hátt
Gættu þess að prenta út pöntunina þína ef þú pantar í gegnum netið eða láttu senda/faxa hana ef pantað er í gegnum síma. Hafðu hana tiltæka þegar náð er í bílinn.

Minimus: Mini-umbúðir í ferðalagið

Ferðalangur á gífurlegan fjölda af alls kyns litlum plastflöskum og plastdósum sem nýtast vel í ferðalögin og safnast hafa saman í gegnum tíðina.

Það er nefnilega staðreynd að fátt þyngir ferðatöskuna jafn mikið og snyrtivörur af ýmsu tagi... sér í lagi hjá kvenfólkinu þegar pakka skal niður og því gott að geta sett sjampó o.fl. í smærri umbúðir.

Vertu áberandi!

Hvað er til ráða þegar nokkrir ferðast saman og eiga e.t.v á hættu að missa sjónar af ferðafélögunum á fjölförnum stöðum eins og járnbrautarstöðvum eða á fjölförnum götum? Jú -gott er ef a.m.k. einhver er klæddur í töluvert áberandi lit/liti!

Það getur munað miklu að geta leitað að t.d. skærgulum bol, stakk eða öðru - nú eða einhverjum öðrum áberandi lit t.d. rauðum.  Eitthvað sem gott er að hafa í huga ekki síst ef börn og unglingar eru með í för!

Loks er líka hægt að panta samskonar boli fyrir allan hópinn t.d. hjá VistaPrint þar sem ekki fer á milli mála hver tilheyrir hópnum.

"Beer in the evening"

Fyrir þá sem hafa gaman af enskum "pöbbum" er vefurinn www.beerintheevening.com alveg bráðnauðsynlegur!

Á vefnum er hægt að skoða "pöbba" út um allt England, skoða umsagnir um þá og fá t.d. upplýsingar um hvar þeir eru staðsettir. Hægt er að leita að tilteknum pöbbum eftir nafni, leita á ákveðnum stöðum o.fl.

Docklands í London

Hefurðu heimsótt Docklandshverfið í London? Kannski er það eitthvað sem þú ættir að prófa í næstu ferð.

Í skemmtilegri grein frá Frommers.com London's Docklands: Modern, Exciting and Cheap(er) er hægt að lesa sér til um þetta sérstæða hverfi.

Flestir ferðamenn láta sér nægja að sækja heim West End og City í London en segja má að í Docklands sé allt annar heimur sem gaman er að skoða, sérstaklega Isle of Dogs. Ekki má heldur gleyma því að 2012 verða Óympíuleikarnir haldnir rétt norðan við Docklands svo allar líkur eru á að við eigum eftir að heyra töluvert um austurhluta London á næstu árum.

Gisting í Docklands er mun ódýrari en t.d. í West End - sjá gisting í Docklands.