Ferðalangur

Íbúð í Feneyjum

Í Feneyjum býr bandarísk kona að nafni Linda, sem leigir út íbúð fyrir ferðamenn.

Íbúðin er staðsett á góðum og rólegum stað en þó stutt að fara á t.d. Markúsartorgið.

Nánari upplýsingar: www.dreamofvenice.com
Netfang Lindu: info@dreamofvenice.com

Vantar leiðsögn í Búdapest?

Ferðalangur sá í grúski sínu einstaklega góða umsögn um ungverskan leiðsögumann sem býður leiðsögn í Búdapest.

Þetta er ung kona að nafni Szusza Somogyi og hún ku vera  einstaklega fróð, hjálpsöm og þolinmóð.

Netfangið hennar: szusza.somogyi@gmail.com

Taktu mynd af farangrinum!

Hér kemur ein lítil ráðlegging í handbók Ferðalangs.

Nú, þegar annar hver ferðalangur þvælist út og suður með stafræna myndavél, er ráð að taka fyrstu mynd ferðarinnar af farangrinum sjálfum!

Ef eitthver hluti farangurs týnist, er hægur vandi að draga fram myndina af töskunni/töskunum sem glötuðust svo ekki fari á milli mála hvernig þær litu út.

Frábær verslun í Feneyjum

Þeir sem ætla sér að sækja Feneyjar heim, gætu haft gaman af að líta í verslun sem heitir Color Casa en hún er í San Polo 1990 (s. 041 5242 166). Í henni er hægt að fá afar góða ítalska vefnaðarvöru, töskur, bindi og ýmsa hluti fyrir heimilið.

Það eru þau Giorgio og Sandra sem veita Color Casa forstöðu en verslunin er löngu orðin þekkt fyrir gæði og gott verð!

Skírlífi, næturgögn og páskahérar í München!

Í þýsku borginni München er afar skemmtilegt safn sem kallað er ZAM eða Zentrum für außergewöhnliche Museen sem þýða mætti sem miðstöð óvenjulegra safna.

Í safninu eru stöðugt í gangi 7 sýningar, þar á meðal 2000 eintök af koppum eða "næturgögnum", páskahérar í gegnum tíðina, "ilmsafn", hundruðir lása og þar með talin skírlífisbelti (!), og fleira.

Safnið er staðsett í nágrenni dómkirkjunnar, að Westernriederstrasse 41, milli Isator og Viktualienmarkt. Það er opið frá 10 - 6 daglega.

Sumarhús í Tékklandi

Íslensk hjón í Tékklandi bjóða gistingu í fjórum nýjum 90 m2 heilsárshúsum og í einu litlu og gömlu húsi.

Þessi fimm hús eru í Cejkovice í héraðinu Bóhemíu. Áin Sazava rennur þar rétt fyrir neðan en þar er hægt að fara í kajakróður.

Í nágrenninu eru frábærar göngu- og hjólaleiðir, stærsti golfvöllur Tékklands í 20 mín akstursfjarlægð og stutt í stærstu verslunarmiðstöð í Mið-Evrópu.

Nánari upplýsingar á www.czechlodging.com

Ókeypis ferðahandbækur

Ágætur lesandi Ferðalangs lét vita af skemmtilegri danskri síðu, onLibri.dk þar sem finna má nokkrar ókeypis ferðahandbækur og enn fleiri á leiðinni. Tilvalið tækifæri fyrir ferðalanga að hrista rykið af dönskunni, bretta upp ermar og skoða :-)

Bækurnar eru á pdf formi og hægt að hlaða þeim niður. Þegar þetta er skrifað eru komnar út eftirfarandi bækur:

Hvað er Yotel?

Uppfært nóv. 2010.

Yotel er hótelfyrirbæri sem opnaði sín fyrstu yotel vorið 2007!

Fyrstu yotelin voru á Terminal 4 á Heathrow og South Terminal á Gatwick og nú hefur Amsterdam Schiphol flugvöllur bæst við.

Á Yotel eru herbergin lítil,  n.k. litlar káetur aðeins 10,4 m2, sem hægt er að bóka í minnst 4 klst. og bæta síðan við það eftir þörfum.

Um er að ræða þrenns konar herbergi, annars vegar Premium, Standard og Twin.  Herbergin eru vel tæknivædd.

 

Engir ytri gluggar eru á þessum skonsum heldur e.k. innri gluggar og það er raunar heila málið -  gerir Yotel þar emð kleift að bjóða upp á herbergi á annars kolómögulegum stöðum þar sem alls ekki er pláss né tækifæri fyrir hefðbundin hótel.

Meira um Yotel hér:
http://www.yotel.com/

Snjór og snjódýpt á skíðasvæðum í Evrópu

Snjór, skíði og aðstæður á skíðastöðum í Evrópu eru áreiðanlega ofarlega í huga margra um þessar mundir. Það hefur verið óvenju snjólétt á hefðbundnum skíðastöðum undanfarið, svo ekki er úr vegi að vísa á ágæta vefsíðu þar sem sjá má aðstæður á þekktum skíðastöðum:

http://www.schneehoehen.de/schneehoehen/4/8

Síðan er á þýsku, en það ætti ekki að vefjast fyrir neinum að lesa út úr þeim prýðis upplýsingum sem þarna er að fá:

Schneehöhen cm = snjóhæð í cm
Pisten in km = Skíðabrautir í km
Liftanlagen = Skíðalyftur (gesamt = samtals)
Offen = opið
Tal = dalur
Berg = fjall

"Flottar borgir"

Lítið á  www.coolcapitals.com! Þar gefur að líta nýstárlega og skemmtilega síðu um Amsterdam, Antwerpen, Valencia, Vín og Zürich með öllum mögulegum upplýsingum sem ferðamenn gætu þarfnast, s.s. upplýsingar um listir, arkítektúr, tísku, matarmenningu, verslanir, viðburði o.fl.

Það sem gerir þessa síðu skemmtilega er hversu sjónræn hún er!