« apríl 2007 | Main | júní 2007 »
Ferðalangur hefur áður kynnt nokkra vefi sem bjóða upp á "ferða-podcasts", stundum kallað travelcasts - hljóðskrár sem hlusta má á í tölvunni, hlaða niður eða setja í Ipod-inn.
Hér kemur svolítil viðbót:
Rough Guides iToors Podcasts
Travel with Rick Steves
Amateur Traveler Podcast
Þeir sem vilja skipuleggja og plana sínar lestarferðir sjálfir, taka sjálfsagt fagnandi á móti eftirfarandi síðu: International Train Planner. Þarna er hægt að skoða lestarferðir í Evrópu á alla enda og kanta.
Ferðalangur vill vekja athygli á nokkrum myndum frá Kanaríeyjum sem nú eru komnar í myndasafnið.
Myndasöfn Ferðalangs eru aðgengileg neðarlega á hægri stikunni.
Mörg nunnuklaustur (og raunar munkaklaustur líka) á Ítalíu hafa nú opnað dyr sínar fyrir ferðamönnum, klaustur í Róm þar á meðal. Sum klaustur bjóða gistingu sem líkja má við hótel, önnur bjóða afar einfalda gistingu (án sjónvarps, síma o.s.frv.)
Morgunmatur er oft innifalinn og sum klaustur bjóða jafnvel upp á ódýran en staðgóðan kvöldverð sem nunnurnar bera fram.
Gisting sem þessi er t.d. kjörin fyrir konur sem ferðast saman eða jafnvel einar. Látið ykkur þó ekki bregða við reglur sem kunna að gilda um "útivistartíma" :-). Sjá nánar á eftirfarandi síðum:
Tvær ábendingar um góða veitingastaði í London:
Indverskur grænmetisstaður í suðurhluta London: Kastoori. Það er Thanki fjölskyldan sem rekur hann og starfsfólkið ku vera afar liðlegt. Máltíðinni er upplagt að ljúka með kulfis (indverskum ís). Sanngjarnt verð kemur á óvart!
Ef leiðin liggur um Trafalgar Square og the National Gallery, er gott að fá sér hádegisverð eða kaffipásu í Portrait Restaurant sem er í the National Gallery. Þaðan er mjög fallegt útsýni yfir London (Þinghúsið, the Eye og Big Ben)
Barcelona, hellar og töfrar fjallahéraða á Spáni eru meðal efnis í Spánar-podcast frá Frommers.com. Afhverju er Barcelona ein af mest spennandi borgum Spánar?
Sjá nánar: Exploring Spain, MTV Style
Fyrir stuttu síðan kom út á vefnum ágætis grein frá Frommers.com sem lýsir bæði Louvre safninu og Musee d'Orsay í París: Why the Louvre and Musee d'Orsay are Paris' Best Museums.
Ferðalangur mælir eindregið með því að fólk gefi sér smá tíma til undirbúnings áður en svona stórkostleg söfn eru heimsótt - með því móti er hægt að fá mun meira út úr heimsókninni!
Ef ætlunin er að dvelja miðsvæðis í Oxford á góðum stað án þess að bruðla um of er Rewley House góður möguleiki. Það er rekið af Oxford University's School of Continuing Education og býður einfalda en þægilega gistingu í hjarta Oxford við Wellington Square.
Rewley House er aðeins í 5 mínútna fjarlægð frá stöðinni Gloucester Green.
Gistingin er í göngufæri við allt það helsta í Oxford og einnig steinsnar frá Jericho svæðinu með mörgum skemmtilegum veitingastöðum.
Morgunverður er innifalinn en mæta þarf í hann fyrir kl. 9:00.
Fyrir þær konur sem ætla sér að ferðast til Cambridge má til gamans geta þess að þar er skemmtileg krá sem tekur vel á móti konum!
Kráin heitir The Cambridge Blue og þar er starfsfólki sérstaklega ætlað að vera vinalegt við konur sem eru einar á ferð...
Staðurinn er í Gwydir Street, nálægt járnbrautarstöðinni. Afar týpískur "pöbb" með góðu úrvali af bjór og vínum sem og óáfengum drykkjum.
Maturinn þar þykir einnig mjög góður - staðurinn er reyklaus og ef farsíminn þinn skyldi slysast til að hringja þar inni ertu sektuð um 50 pence sem renna til góðgjörðamála!
