Ferðalangur

Eldfjallið Etna, Sikiley

Ferðalangur heimsótti eldfjallið Etnu á Sikiley í júní 2006 og 2007 og tók þá nokkrar myndir af þessu fræga fjalli, bæði í þokuveðri og í sól.

Algengt er að ekið sé upp í hlíðar Etnu sunnanmegin. Þá er ekin hraðbrautin A18 (Catania-Messina) og ekið út af henni við borgina Cataniu, tekin stefnan á Gravina og svo þorpið Nicolosi sem margsinnis hefur þurft að "verjast" eldfjallinu. Loks er ekið upp að svæði sem heitir Rifugio Sapienza en það stendur í 1910 m hæð yfir sjávarmáli. Etna er hins vegar um 3200 m há.

Myndir frá ítalska heilsulindabænum Abano Terme

Abano Terme heitir lítill 18.000 manna bær á N-Ítalíu og liggur í um 10 km fjarlægð frá háskólaborginni Padova.

Þessi litli bær hefur nokkra sérstöðu um fram marga aðra vegna þess að þar hafa menn nýtt heitar uppsprettur á svæðinu sér til heilsubótar allt frá tímum Rómverja. Nú á dögum gerir Abano alfarið út á þessa óvenjulegu aðstöðu og nánast öll hótel í Abano bjóða upp á úti- og innisundlaugaaðstöðu, æfingasali, leirböð, heilsunudd og ýmislegt fleira í þeim dúr.

Hótel í Abano Terme
Nokkrar myndir frá Abano Terme

Heilsuhæli og heilsulindir fyrir allar buddur

Rómverjar til forna voru duglegir að stunda heilsuböð og þarf ekki annað en að skoða Caracalla böðin í Róm til að sannfærast um það (sbr. mynd hér til hliðar).

Nútímamaðurinn gerir sér sem betur fer líka grein fyrir gildi heilsulinda og heilbrigðs lífernis. Sífellt fjölgar þeim sem ferðast sér til heilsubótar og þar koma hvers kyns heilsuhæli og heilsulindir sterkar inn. Á vef Frommers.com er hægt að hlusta á podcast, Doing a Spa on Any Budget, þar sem fjallað er um margvíslega möguleika til heilsuferða um víða veröld, meðferðarmöguleika fyrir bæði menn og konur o.fl.

Hægt er að gerast áskrifandi að "podcast" hjá Frommers hér: www.frommers.com/podcast/

Bílaleigubíll fyrir fjóra

Það er oft erfitt að panta rétta bílaleigubílinn, sér í lagi ef um er að ræða fjóra farþega, t.d. tvö pör eða hjón með 2 börn.

Samkvæmt góðum heimildum Ferðalangs er í slíku tilviki best að panta IWMR flokkinn (Intermediate Station Wagon, manual transmission) en það er hagstæðast miðað við stærð og verð. Í þeim flokki er t.d. Opel Vectra station wagon, þó hér sé rétt að taka fram að bílaleigur eru tregar til að "garantera" ákveðna tegund. 

Skoða verð á bílaleigubílum frá CarTrawler.

Á slóðum Harry Potter

Aðdáendur Harry Potter geta skemmt sér við að heimsækja nokkra staði í Bretlandi þar sem tökur á myndunum um Harry Potter fóru meðal annars fram.

Í grein frá Fodors.com: Harry Potter's Top 10 Haunts er minnst á tíu staði sem koma við sögu í myndunum. Þeir eru eftirfarandi:

Sparaðu í Búdapest

Sú var tíðin að ferðamenn gátu valsað um í Búdapest og eytt sáralitlu. Þeir tímar eru að mestu liðnir en þó má vel komast af með hæfilega lítið í Búdapest ef tekinn er smá tími í að kynna sér möguleikana.

Í greininni Budapest: Save vs. Splurge er kynnt hvernig komast má í böðin í Búdapest, t.d. Gellért böðin og hvernig hægt er að komast í þokkalega langa siglingu á Dóná fyrir minna verð en innpökkuð ferðamannasigling kostar milli Hotel Gellért og Margaret Bridge...

Einnig er minnst á möguleika til vínsmökkunar í House of Hungarian Wines, tónleika í Liszt Ferenc Zeneakadémia og heimsókn á týpískan ungverskan veitingastað, Bagolyvár.

Fín grein frá Fodors.com.

Gamla Róm endurfædd...

Rómaraðdáendur verða skilyrðislaust að skoða merkilegan vef sem heitir Rome Reborn en að honum unnu þrír bandarískir háskólar.

Á vefnum má sjá Rómarborg á hátindi frægðar sinnar árið 320 eftir Krist, m.a. hringleikahúsið Colosseum, Foro Romano o.fl. Skoðið t.d. vel myndir og myndbandsbúta undir fyrirsögninni Gallery.

Stórmerkilegt framtak!

Vertu þinn eigin "skipper"

Þeir sem hafa látið sig dreyma um að taka bát á leigu t.d. í Evrópu, ættu að skoða ljómandi góða grein frá Fodors: Take Me to the River -- Or to a Fjord, a Lake, or Bayou. Þar eru nokkrir tenglar sem komið geta að gagni. Sjá t.d. hér fyrir neðan:

Science Museum í London

Það er veruleg ástæða til að hvetja fólk á öllum aldri til að heimsækja Science Museum í London. Þar er eitthvað fyrir alla aldurshópa og ókeypis aðgangur.

Safnið stendur á bak við Natural History Museum, við Exhibition Road., London SW7.