Hefurðu einhvern tímann komið um borð í skemmtiferðaskip? Sé svo, er ekki ólíklegt að umhverfi, venjur og hefðir um borð hafi virkað yfirþyrmandi í fyrstu.
Ferðalangur hefur sjálfur ekki orðið svo frægur að sigla með skemmtiferðaskipi en hefur næst komist því með siglingu á risaferju milli Genova og Sikileyjar á Ítalíu og það var kapítuli út af fyrir sig vegna stærðar skipsins!
Á vefsíðu Frommers.com er stórgóður kafli fyrir "byrjendur í skemmtisiglingarfræðum", Everything you always wanted to know about cruising (and then some) þar sem farið er í allt sem viðkemur siglingu á skemmtiferðaskipi frá a-ö. Hvernig á að komast um borð? Við hverju má búast á skipinu? Hvernig gæti káetan litið út? Hvað er "port" og "starboard"? Einnig er fjallað um björgunaræfingar um borð og margt margt fleira. Í lok greinarinnar fylgir m.a.s. orðalisti yfir helstu hugtök sem notuð eru í tengslum við siglingarnar.
