Ferðalangur

Ódýrir en góðir veitingastaðir í London

Ágætis ábendingar um ódýra matsölustaði í London má finna í greininni Best London Dining Under 20 Quid. Þetta eru eftirfarandi staðir (betri upplýsingar í greininni sjálfri):

Sumarparadísin Portúgal

Nú þegar bæklingar hefðbundinna ferðaskrifstofa berast landsmönnum inn um lúgurnar hver á fætur öðrum, er ekki úr vegi að benda á grein um sumardvalarparadísina Portúgal, Portugal 2008: holiday planning guide.

Í greininni er m.a. rætt um að enn sé Portúgal með ódýrustu evru-löndum. Bent er á Alentejo héraðið, þjóðgarðinn Naturejo, þorpið Monsanto, eyjarnar Porto Santo og Madeira. Aftast í greininni er ýtarlegur listi yfir lágfargjaldaflugfélög sem fljúga til Portúgal frá Bretlandseyjum sem nýst getur þeim sem hyggja á ferðir á eigin vegum.

Mynd úr þjóðgarðinum Naturejo.

Góðar ábendingar fyrir þá sem ferðast einir

Hér fyrir neðan koma nokkrar vefsíður sem bjóða upp á ýmsar ábendingar og góð ráð fyrir þá sem ferðast einir.

SoloTravel.org
www.solotravel.org
Góð ráð, öryggismál, að borða einn, að dvelja á farfuglaheimilum, að kynnast öðrum og margar frásagnir.

Gongufri.com - Gönguferðir á Spáni

Íslendingarnir Ingibjörg Þórhallsdóttir og Rúnar Karlsson bjóða löndum sínum upp á fjölbreyttar gönguferðir á suð-austur Spáni frá mars - maí og september - nóvember.

Þau hafa gengið með Íslendingum s.l. 2 ár og fengið mjög góðar undirtektir enda gengið í bæði fallegu og fjölbreyttu landslagi þar sem fólk upplifir náttúru, menningu og fáfarnar slóðir Spánar í yndislegu veðurfari. Flogið er til Alicante.

Nánari upplýsingar eru á vefsíðu þeirra Ingibjargar og Rúnars: www.gongufri.is

Gönguferðir um allan heim

Breskt fyrirtæki, HF Holidays (stofnað 1913) býður gönguferðir um Bretlandseyjar og raunar um heim allan af ýmsum lengdum og gerðum og fyrir alls konar fólk og aldurshópa. Fyrirtækið er afar þekkt og virt í þessum "bransa".

Gengið er á Bretlandseyjum, í Bandaríkjunum, í Karabíska hafinu, Evrópu, Kanada, Suður-Ameríku, Asíu eða Kanada. Verðið er einkar sanngjarnt og má nefna t.d. að 7 nátta ferð sumarið 2008 í Cornwall með gistingu og fullu fæði + leiðsögn kostar 579 pund fyrir manninn sem verður að teljast vel sloppið.

Fyrirtækið hefur hlotið margvíslegar viðurkenningar og verðlaun fyrir ferðir sínar og þjónustu.

Listi yfir alla áfangastaði

Travelodge - ódýrari gisting í Bretlandi

Ferðalangur kynnir til sögunnar sérstaklega hagstæða gistingu í Bretlandi, keðjuna Travelodge, sem stofnuð var árið 1985. Gististaðir á þeirra vegum eru nú 318 talsins í Bretlandi og til stendur að opna 40 í viðbót á árinu 2008.

Verð á gistingu þar er óvenju hagstætt, oftast á bilinu 29 - 59 pund fyrir 2ja manna herbergi fyrir nóttina en ódýrustu gistinguna verður þó að bóka og borga um leið og engu hægt að breyta.

Morgunmat er hægt að bóka á netinu um leið og herbergið (10% ódýrari en að kaupa hann beint á staðnum) en hann fylgir ekki með sjálfkrafa.

Heimsækið Travelodge

Chesterfield Mayfair í London - besta hótelið í UK

Hótelgestir völdu Chesterfield Mayfair hótelið í London sem besta breska hótelið á vefsíðunni Tripadvisor nýlega. Lýsingarorðin sem notuð voru yfir hótelið voru t.d. exquisite, beyond expectations, spotless, great value, peaceful retreat, first class service o.fl. - Ekki amalegt!

 

Dagur í Salzburg - lesendur hafa orðið

Ferðasaga frá lesendum:

Síðastliðið sumar vorum við mæðginin á ferð um Suður-Þýskaland og Austurríki. Ætlunin var að eiga einn innihaldsríkan dag í Salzburg. Góð niðurstaða hótelleitar á Ferðalangi var lykillinn að góðum degi í þessari perlu sem Salzburg er. Hótelið Goldene Ente varð fyrir valinu. Þetta hótel er staðsett í Goldgasse, einni af þessum níðþröngu götum í hjarta gamla bæjarins.

Við komum þarna rétt fyrir hádegið og  hótelstýran var svo vinsamleg að láta okkur fá herbergið strax þar sem það var tilbúið. Ótilkvödd gaf hún okkur einnig leiðbeiningar um hvernig skynsamlegt væri að eyða deginum. Hún sagði okkur að fara þarna "rétt fyrir hornið" og kaupa okkur Salzburgarkortið sem gæfi okkur aðgang að því helsta sem vert væri að skoða. Við byrjuðum á að fara í tæplega klukkustundarlanga siglingu á bát á ánni Salzach. Þessi ferð gaf okkur góða sýn á legu borgarinnar og ægifagurt landslagið í kring.

Sigling: http://www.salzburghighlights.at/de-schifffahrt-touren_tourplan.htm

Ferðalangur kynnir sumarhús frá Interhome

Interhome er leiðandi fyrirtæki á sviði leigumiðlunar sumarhúsa í Evrópu og Florida. Fyrirtækið hefur yfir 40 ára reynslu á þessu sviði og það er bæði einfalt og þægilegt að leita að rétta húsinu og bóka. Í boði eru yfir 46.000 sumarhús í einkaeign sem ýmist er hægt að leigja í nokkra daga, í viku eða lengur.

• Interhome sérhæfir sig í útleigu sumarhúsa með sundlaugum, íbúða í borgum, húsum uppi í sveit eða jafnvel köstulum.
• Bókað er beint í gegnum Interhome en ekki eigendur sjálfa.
• Þegar bókað er með löngum fyrirvara greiðast 30% heildarverðs innan 30 daga. Afgangurinn greiðist í síðasta lagi 42 dögum fyrir fyrsta leigudag. Einfaldast og fljótlegast er að greiða með greiðslukorti í gegnum vef Interhome. Ef bókað er með skömmum fyrirvara, minna en 42 dögum fyrir upphaf leigu, greiðist heildarverðið strax.