« janúar 2008 | Aftur á aðalsíðu | apríl 2008 »
Ferðalangar og öryggi á Netinu
Ert þú einn af þeim fjölmörgu ferðalöngum sem gjarnan bregða sér inn á Internet Café til að skoða tölvupóst, fara í heimabanka o.s.frv. í útlöndum?
Það kann að vera að stundum séu óprúttnir aðilar að nýta sér slíkar heimsóknir saklausra ferðalanga til að nálgast aðgangsorð að öllu mögulegu... en við getum gert sitt hvað til að takmarka líkurnar á því. Nánar um það í greininni 5 Tips Every Traveler Should Know About Internet Security á blogginu Brave New Traveler.
mars 31, 2008 in Handbók Ferðalangs | Prentvænt
Fjölbreytt úrval hjólreiðaferða
Á síðunni biketoursdirect.com er hægt að panta ferðir með evrópskum hjólreiðafyrirtækjum og velja úr yfir 200 ferðum í 30 löndum. Ferðirnar eru ýmist með eða án fararstjóra (guided/self-guided).
Úrval ferða er mikið og verðið virðist vera sanngjarnt. Brottfarir eru einnig tíðar.
mars 30, 2008 in Hjólreiðar | Prentvænt
Tjaldstæði í Evrópu
Íslenskir ferðalangar ættu að hafa bak við eyrað að flestar evrópskar
borgir bjóða upp á tjaldstæði einhvers staðar í útjaðri borganna sem
þýðir auðvitað ódýrari gistingu og e.t.v. áhugaverðan möguleika í
leiðinni.
Sumar borgir hafa m.a.s. all nokkur slík tjaldstæði og þó að þau séu gjarnan út við borgarmörkin, þá er yfirleitt auðvelt að taka strætó eða neðanjarðarlest beint inn í borg.
Í París er t.d. hægt að tjalda á bökkum Signu í garðinum Bois de Boulogne (www.campingparis.fr). Í Flórens er tjaldstæði í hverfinu Oltrarno með útsýni yfir kirkjuklukkur og turna þessarar fallegu borgar (www.ecvacanze.it/ing/michelangelo_home.asp). Feneyjar bjóða tjaldstæði við ströndina á eyjunni sem stendur næst Lido, aðeins stutt bátsferð frá Markúsartorginu (www.camping-miramare.it).
Mörg tjaldstæðin eru aðeins starfrækt frá vori og fram á haust en önnur eru opin allt árið.
Gjaldtakan fyrir tjaldstæðin getur verið svolítið ruglingsleg þar sem viðskiptavinurinn þarf venjulega að borga gjald fyrir tjaldstæði, annað gjald fyrir hvern gest og e.t.v. enn annað gjald fyrir bílinn... en yfirleitt er þetta á mjög skikkanlegu verði. Og ef tjaldið skyldi hafa gleymst er venjulega hægt að leigja eitt slíkt fyrir sanngjarnt verð.
Sum tjaldstæði bjóða líka ódýr smáhús á leigu sem geta tekið tvo - sex manns á verði sem er ávallt ódýrara en ódýrasta hótel. Þar með hafa gestir líka aðgang að allri aðstöðu tjaldstæðisins s.s. sundlaug, verslunum með nauðsynjavörur, útiborðum, börum og jafnvel veitingastöðum... og síðast en ekki síst hafa gestir gott tækifæri til að kynnast öðrum ferðalöngum.
Hægt er að sjá lista yfir tjaldstæði hjá ferðamálaráði hvers lands (t.d. í gegnum www.worldtourismdirectory.com). Einnig má finna upplýsingar um yfir 8500 tjaldstæði á www.eurocampings.net og ein 1500 tjaldstæði á pólsku síðunni www.eurocamps.net.
mars 30, 2008 in Tjaldferðalög | Prentvænt
Þarftu að pakka?
Hvað á að taka með í ferðina? Hvað á að skilja eftir? Hvenær ertu að fara og hvaða hitastigi má búast við? Hvað fara margir og verður farið með flugvél eða skipi?
Mats Henricson hefur dundað við vefsíðuna The Universal Packing List undanfarin 15 ár. Eiginlega mætti kalla síðuna hálfgert gagnasafn. Þar er hægt að setja inn upplýsingar og fá niðurstöður... tillögur um hvað gæti verið hentugt að taka með í ferðina. Listann er síðan hægt að prenta út eða fá í tölvupósti.
mars 25, 2008 in Handbók Ferðalangs | Prentvænt
Liverpool - ekki bara heimaborg "The Beatles"
Á ferðavef Travel Telegraph má skoða nýjan leiðbeiningarbækling um Liverpool, borgina sem margir tengja fyrst og fremst Bítlunum. Hvað er t.d. markverðast að skoða? Hvar er gaman að borða úti? Hvar er skemmtilegt að versla?
Það kemur í ljós að Liverpool á sér langa sögu. Saga hennar hefst um 1207 en þá er Liverpool einungis lítið þorp og er býsna smátt í sniðum sem slíkt alveg fram undir aldamótin 1700. Verslun og viðskipti af ýmsum toga valda því að litla þorpið stækkar og árið 1699 leggur upp fyrsta þrælaskipið frá Liverpool til Afríku. Einni öld síðar er Liverpool orðin miðstöð þrælaverslunar Breta. Þetta vissi Ferðalangur t.d. ekki.
Þetta og margt fleira í bæklingnum Liverpool Travel Guide.
Hótel og gisting í Liverpool
[Mynd er af "The Three Graces "í Liverpool - fengin af Wikitravel - Liverpool undir skilmálum Creative Commons]
mars 15, 2008 in * Bretland | Prentvænt
Debetkort og reiðufé ódýrasta leiðin
Ferðalangur vill vekja athygli lesenda sinna á pistli sem birtist í Morgunblaðinu í dag, fimmtudaginn 13. mars 2008 og heitir Ferðaflugur - Debetkrot og reiðufé ódýrasta leiðin. Pistillinn er liður í samstarfi Ians Watson, sem hefur m.a. langa reynslu sem ferðahandbókahöfundur og fararstjóri og Ferðalangs - Margrétar Gunnarsdóttur. Pistillinn er aðgengilegur í Greinasafni Morgunblaðsins.
Eins og nafn pistilisins ber með sér fjallar hann um gjaldeyrismál erlendis - hvað best er að gera í þeim efnum á erlendri grund. Niðurstaðan er í stuttu máli sú að langheppilegast er að nota debetkortið til að greiða fyrir vörur, hótel o.fl. erlendis en kemur svipað út að kaupa svolítið reiðufé hérlendis áður en lagt er í'ann og að taka reiðufé út úr hraðbanka erlendis með debetkorti. Meira um þetta í pistlinum:
http://www.mbl.is/mm/gagnasafn/grein.html?radnr=1199803
mars 13, 2008 in Ferðaflugur - Mbl., Handbók Ferðalangs, Ýmislegt | Prentvænt
Flogið með lágfargjaldaflugfélagi
Fyrir skömmu birtist í Morgunblaðinu pistillinn Ferðaflugur - Flogið með lágfargjaldaflugfélagi þar sem Ian Watson og Margrét Gunnarsdóttir (Ferðalangur) fjölluðu um hvað þarf að hafa í huga þegar pantað er flug með slíkum flugfélögum.
Pistillinn er aðgengilegur í Greinasafni Mbl.: http://www.mbl.is/mm/gagnasafn/grein.html?radnr=1184556
mars 13, 2008 in Ferðaflugur - Mbl., Lágfargjaldaflugfélög | Prentvænt
Að velja hús fyrir fríið
Þann 14. febrúar 2008 birtist í Morgunblaðinu pistillinn Ferðaflugur - Að velja hús fyrir fríið eftir Ferðalang (Margréti Gunnarsdóttur) og Ian Watson. Þar eru teknar saman góðar leiðbeiningar um það hvað þarf að hafa í huga þegar ætlunin er að leigja sumarhús í gegnum Netið.
Pistillinn er aðgengilegur í Greinasafni Mbl. á eftirfarandi slóð:
http://www.mbl.is/mm/gagnasafn/grein.html?radnr=1192642
mars 13, 2008 in Ferðaflugur - Mbl., Hótel - Gisting | Prentvænt
