Ferðalangur: október 2008

« september 2008 | Aftur á aðalsíðu | desember 2008 »

Bílaleiga: Samstarf Ferðalangs og Cartrawler

Samstarf Ferðalangs og umboðsfyrirtækisins Cartrawler á sviði bílaleigu hefur nú staðið í nokkur ár. Fyrirtækið býður viðskiptavinum sínum afar hagstæð kjör á bílaleigubílum frá 450 bílaleigum á 9000 stöðum.

Fram til þessa hefur viðskiptavinum boðist að greiða aðeins staðfestingargjald við pöntun en nú hefur þar orðið breyting á. Í flestum tilvikum greiða viðskiptavinir nú fullt gjald við pöntun og á það að leiða til enn hagstæðari leigusamninga. Fyrir okkur Íslendinga er það töluvert hagsmunamál nú um stundir að vita nákvæmlega hver lokakostnaðurinn er á meðan gengið er ekki stöðugra.

Dæmi um verð á bílaleigubíl (flokkur: Economy) á Frankfurt flugvelli 30. okt - 2.nóv n.k.: 112.02 evrur.

Skoða/panta bíl hjá Cartrawler

Ferðalangur vill einnig vekja athygli á að nú er hægt að kaupa viðbótartryggingu strax við pöntun ef menn vilja, s.k. Excess reimbursement insurance en það ætti í flestum tilvikum að vera hagstæðara en að gera það á staðnum. Athugið þó vel fyrst hvort þið eruð með kreditkort sem felur einhverjar slíkar tryggingar í sér.

Við pöntun á bílaleigubíl gildir að lesa vandlega það sem innifalið er í verði bílsins (Rate details) sem getur verið mismunandi á milli landa og eins hvað felst í bókunarskilyrðum. Þegar bíllinn er tekinn þarf síðan að hafa allar staðfestingar og útprent með og gott er einnig að hafa meðferðis símanúmer þjónustuvers Cartrawler ef spurningar vakna. Sími: +353 (0)1 499 9611.

Skoða/panta bíl hjá Cartrawler

október 16, 2008 in Bílaleiga | Prentvænt

Kort af neðanjarðarlestarkerfi í öllum heimsálfum

Frá Amadeus.net kemur þessi þægilega og bráðnauðsynlega síða Subway Maps. Hér er hægt að fletta upp kortum af neðanjarðarlestarkerfum borga í öllum heimsálfum. Taka má dæmi eins og Búdapest, Köln, Barcelona, Berlín, London og ótal aðrar borgir.

Slóðin: http://www.amadeus.net/home/new/subwaymaps/en/.

október 16, 2008 in Handbók Ferðalangs, Lestarferðir, Ýmislegt | Prentvænt

Tíu góð ráð um myndatökur á ferðalögum

Hér fyrir neðan má sjá stutt myndband á ensku með tíu góðum ráðum varðandi myndatökur á ferðalögum. Myndbandið heitir: 10 top tips for travel photographers og er fengið af YouTube.com.

október 13, 2008 in Handbók Ferðalangs | Prentvænt

Góð ráð við að pakka farangrinum

Það eru til margar aðferðir við að pakka ofan í ferðatösku og skipuleggja sig... hér kemur ágætis myndband af Youtube.com sem heitir Pack it up travel tips eftir Anne McAlpin. Það er ekki ólíklegt að myndbandið geti gefið mörgum góðar hugmyndir.

október 13, 2008 in Handbók Ferðalangs | Prentvænt

Sumarhús - árið um kring. "Last minute" tilboð

Hægt er að leigja sumarhús erlendis á hvaða árstíma sem er.

Hjá E-domizil er hægt að skoða tilboð sem bjóðast með skömmum fyrirvara, s.k. "Last minute" tilboð. Hjá þeim er völ á sumarhúsum í yfir 50 löndum, gjarnan á einstaklega hagstæðu verði.