Ferðalangur

Látlaust hótel á frábærum stað í París

Það er ekkert einfalt að finna þokkalegt hótel í París á viðráðanlegu verði. Hér kemur eitt slíkt. Mjög látlaust, lítið hótel (32 herb.)  á frábærum stað á Signubökkum, Hotel du Quai Voltaire, gegnt Louvre safninu. Hótelið er hreint og fallegt, herbergi eru lítil, ekkert sjónvarp, engin ísskápur en góð sturta, sími og hárblásari.

Stutt er í allar áttir, t.d. 600 m í d'Orsay safnið og Jardin des Tuileries auk Louvre eins og áður er nefnt.

Viltu skoða fleiri hótel í París?

Senda á Facebook

Hvernig pakkar þú fyrir ferðalagið?

Ferðalangur hefur sérstakt dálæti á pistlum um hvernig skuli pakka fyrir ferðalög. Hér kemur einn dulítið stolinn og stældur (frá About.com).

Það ku vera snjallt að safna saman öllu sem á að fara í ferðina og skipta því í þrjár hrúgur:

1) Nauðsynlegur farangur
2) Ekki eins nauðsynlegur farangur
3) "Gæti komið sér vel" farangur

Þegar því er lokið er kemur að erfiða hlutanum: Taktu nauðsynlegu hrúguna og u.þ.b. helminginn af "ekki eins nauðsynlegu" hrúgunni og láttu það duga. Þetta kann að hljóma yfirmáta dramatískt en er samt byrjunin á þeim því að taka ekki allt of mikið með sér.

Ef þú fylgir þessum ráðleggingum, þá ætti einungis að standa eftir farangur sem rúmast í einni handfarangurstösku. Stærð hennar kann að fara svolítið eftir því um hvaða flugfélag er að ræða en það er um að gera að halda sig við þá stærð sem öll flugfélög geta sætt sig við. - Þú átt margsinnis eftir að þakka sjálfum þér fyrir að hafa ekki tekið meira þegar þú arkar upp þrjár hæðir til að komast í ódýra hótelherbergið þitt; treðst inn í neðanjarðarlestina og síðast en ekki síst lítur ÞÚ mun betur út þegar þú ert bara með eina litla tösku heldur en t.d. nokkrar eða eina níðþunga!

Ferðahandbækur á pdf formati - Loksins, loksins!

Ferðalangur er alsæll með að hafa fundið afar skemmtilega síðu þar sem kaupa má og hlaða niður ferðaforritum og upplýsingum fyrir Iphone - ferðahandbókum frá Lonely Planet og loks einnig einstaka köflum ferðahandbóka á pdf- formati sem getur komið sér afar vel þegar ætlunin er e.t.v. að sækja heim tiltekið hérað eða borg.

Þetta er einfaldlega kjörin leið fyrir íslenska ferðalanga sem hafa verið að kaupa ferðahandbækur hér dýrum dómum í verslunum eða panta jafnvel sjálf frá útlöndum með tilheyrandi viðbótarkostnaði (tolli + vsk.). Síðan er hægt að prenta út tilteknar síður, eða hafa þær í tölvunni ef hún er tekið með í ferðina.

Dæmi:

Travel Guides

 

Download Lonely Planet Barcelona

 

More Barcelona guides

 

Fimm "bestu" ljósmyndirnar sem þú gætir tekið

Hefur þér einhvern tímann dottið í hug að nota myndavélina þína til að varðveita upplýsingar/hluti sem gætu komið sér vel síðar?

Hér koma fimm slíkar hugmyndir:

1. Settu á blað upplýsingar um eiganda myndavélarinnar - nafnið þitt og síma/heimilisfang svo að hægt sé að hafa samband við þig ef myndavélin týnist. Ekki sakar að fram komi að fundarlaun séu í boði ef svo ber undir... Þetta gæti verið fyrsta myndin á minniskubbinum þínum og jafnvel "read-only" svo erfitt sé að eyða henni.


2. Hvar var þessi staður aftur? Taktu mynd af staðnum þar sem þú lagðir bílaleigubílnum þínum... eða af hóteldyrunum með herbergisnúmerinu. Það gæti komið upp sú staða að þú þyrftir á þessu að halda...