Ferðalangur

Bílaleiga: Samstarf Ferðalangs og Cartrawler

Samstarf Ferðalangs og umboðsfyrirtækisins Cartrawler á sviði bílaleigu hefur nú staðið í nokkur ár. Fyrirtækið býður viðskiptavinum sínum oft afar hagstæð kjör á bílaleigubílum frá 450 bílaleigum á 9000 stöðum.

Við pöntun er mismunandi hvort viðskiptavinum býðst að greiða  staðfestingargjald eða fullt gjald og stundum er hægt að kaupa líka viðbótartryggingu strax við pöntun, s.k. Excess reimbursement insurance ef menn vilja, en það ætti í flestum tilvikum að vera hagstæðara en að gera það á staðnum. Athugið þó vel fyrst hvort þið eruð með kreditkort sem felur einhverjar slíkar tryggingar í sér.

Skoða/panta bíl hjá Cartrawler

Senda á Facebook

Bílaleigubíll fyrir fjóra

Það er oft erfitt að panta rétta bílaleigubílinn, sér í lagi ef um er að ræða fjóra farþega, t.d. tvö pör eða hjón með 2 börn.

Samkvæmt góðum heimildum Ferðalangs er í slíku tilviki best að panta IWMR flokkinn (Intermediate Station Wagon, manual transmission) en það er hagstæðast miðað við stærð og verð. Í þeim flokki er t.d. Opel Vectra station wagon, þó hér sé rétt að taka fram að bílaleigur eru tregar til að "garantera" ákveðna tegund. 

Skoða verð á bílaleigubílum frá CarTrawler.

Bílaleigubíllinn - hvað ber að varast?

Á vefsíðu Fodors.com er ágæt grein um hvað ber að varast þegar bílar eru teknir á leigu: Rental-Car Rip-Offs. 

Þar er m.a. rætt um eftirfarandi:

Afslætti sem hverfa á dularfullan hátt
Gættu þess að prenta út pöntunina þína ef þú pantar í gegnum netið eða láttu senda/faxa hana ef pantað er í gegnum síma. Hafðu hana tiltæka þegar náð er í bílinn.

Bílaleigubílar og viðbótartryggingar

Ferðalangur hefur uppgötvað breskt tryggingafélag, Insurance 4 Car Hire, þar sem hægt er að kaupa viðbótartryggingar fyrir bílaleigubíla sem gilda í eitt ár, óháð því hversu oft bíll er tekinn á leigu - svo framarlega sem leigutíminn fer ekki yfir einn mánuð í senn. Og ef miðað er við leigu í Evrópu, kostar slík trygging einungis 49 pund!

Tryggingin nær yfir skemmdir á bílnum sjálfum (ásamt undirvagni), skemmdir á dekkjum og rúðum ásamt þjófnaði. Hægt er að dagsetja trygginguna allt að þrjá mánuði fram í tímann. Greinargóðar upplýsingar og svör við ýmsum spurningum er að finna á vefsíðu fyrirtækisins. Þar er einnig hægt að lesa umsagnir þekktra dagblaða um tryggingarfélagið.

Nánari upplýsingar
Insurance 4 Car Hire