Ferðalangur

EasyJet Holidays: Ódýrari sólarferðir - ódýrari borgarferðir

EasyJet Holidays

Við horfum mörg löngunaraugum til sólarlanda eða stuttra borgarferða til að slaka aðeins á í öðru umhverfi. Þó er ekki víst að  allir sem vilja geti leyft sér það um þessar mundir. Sumir geta það þó með því að sýna hagsýni og velja sér ódýrari ferðir og ódýrari gistingu.

Það er nefnilega hægt að njóta lífsins þó að rúmfötin á hótelinu séu ekki úr silki eða satíni og veggirnir séu ekki fóðraðir með listaverkum eftir Miro eða Picasso. Með öðrum orðum: Kannski getum við skroppið til sólarlanda án þess að fjárhagurinn fari á hvolf.

Ferðalangur vill benda þeim sem eru í sparnaðarhugleiðingum á að bera saman við íslenskar ferðaskrifstofur það sem nú býðst hjá EasyJet Holidays.

Flestir þekkja lágfargjaldaflugfélagið EasyJet og nú býður það í samstarfi við fleiri ódýrari sólarlandaferðir og borgarferðir þar sem lagt er upp frá fjölmörgum flugvöllum í Bretlandi. Má þar nefna m.a. London Gatwick, Stansted, Manchester, Glasgow og Edinborg. Það getur t.a.m. verið snjallt að sameina sólarlandaferðina og ferð til London eða Glasgow/Edinborgarmeð EasyJet Holidays og slá þannig tvær flugur í einu höggi. 

• Ódýrari sólarlandaferðir með EasyJet Holidays
• Ódýrari borgarferðir með EasyJet Holidays
• Sérstök ferðatilboð

Edinborg: Ódýr hótel næstu 6 vikur

Ódýr hótel í Edinborg næstu 6 vikur. Upplýsingarnar uppfærast dag frá degi.

ATH: Það getur tekið örfáar sekúndur fyrir þær að birtast.

Ódýr hótel í Edinborg næstu 6 vikur:

Mynd af Wikimedia commons

 

• Ferðahandbækur á pdf formati (líka einstaka kaflar) fyrir Skotland og ferðaforrit fyrir Iphone

Senda á Facebook

London - lifandi borg: Sérvefur Ferðalangs um London

 Það er erfitt að afgreiða stórborgina London í fáeinum bloggpóstum. Sérstaklega þegar borgin sem um ræðir er jafn áhugaverð, fjölbreytt og skemmtileg eins og London. Þess vegna réðst Ferðalangur í það að koma  upp sérstökum vef sem eingöngu er tileinkaður London og nágrenni: London - lifandi borg.

Á vefnum er að finna ótal atriði sem koma sér vel fyrir ferðalanga í London, t.d. ráðleggingar um hvernig best er að finna sem ódýrasta leikhúsmiða, alls konar slóðir varðandi hagstæða og ódýra gistingu í London og  hótel nálægt flugvöllunum. Einnig eru upplýsingar um  ýmsa borgarhluta, dagsferðir frá London, gönguferðir, markaði, neðanjarðarlestirnar, söfnin, lestina Eurosta frá London og ótalmargt fleira.

Loks er smá blogg frá Ferðalangi sjálfum sem dvaldi í mánuð í London fyrir nokkru síðan og hafði mjög gaman af. Vonandi nýtist það fleirum.

Slóðin: http://magga.typepad.com/london

 

Travel Guides

 

Download Lonely Planet London City Guide

 

More London guides

 

Manchester: Ódýr hótel næstu 6 vikur

Ódýr hótel í Manchester næstu 6 vikur. Upplýsingarnar uppfærast dag frá degi.

Glasgow: Ódýr hótel næstu 6 vikur

Ódýr hótel í Glasgow næstu 6 vikur. Upplýsingarnar uppfærast daglega.

London: Ódýr hótel næstu 6 vikur

 Ódýr hótel í London næstu 6 vikur. Upplýsingarnar uppfærast dag frá degi.

 

Að drekka síðdegiste í London

Það að setjast niður milli 3-5 síðdegis og fá sér tesopa og "með því" er svona um það bil sá enskur siður sem gæti talið "enskastur" ... Myndin hér til hliðar er frá Ritz hótelinu en síðdegissopinn gerist vart flottari en einmitt þar.

Ef þú ert í sporum ferðalangsins og hefur t.d. þrammað um stræti London, inn og út úr verslunum og söfnum, þá áttu einfaldlega  skilið að setjast niður og fá þér góðan tebolla. Þú mátt eiga von á góðu úrvali tetegunda, litlum samlokum þar sem búið er að skera skorpuna af, heitum skonsum með rjóma og sultu, úrvali af kökum, smákökum og öðru slíku sætmeti.

Besti staðurinn í London til að fá sér te er auðvitað Buckingham Palace en það er líklega þrautin þyngri að verða sér úti um boð í garðpartíin þar.

Flottustu hótelin í London eru fræg fyrir síðdegistesopann - t.d. Ritz, Savoy og Waldorf hótelin en verðið þar er eftir því. Hinsvegar er ógleymanlegt að leyfa sér að upplifa stemninguna svona einu sinni...

Hér fyrir neðan eru dæmi um nokkra vel valda staði þar sem hægt er að njóta þess að setjast niður og fá sér síðdegiste í London:

Liverpool - ekki bara heimaborg "The Beatles"

Á ferðavef Travel Telegraph má skoða nýjan leiðbeiningarbækling um Liverpool, borgina sem margir tengja fyrst og fremst Bítlunum. Hvað er t.d. markverðast að skoða? Hvar er gaman að borða úti? Hvar er skemmtilegt að versla?

Það kemur í ljós að Liverpool á sér langa sögu. Saga hennar hefst um 1207 en þá er Liverpool einungis lítið þorp og er býsna smátt í sniðum sem slíkt alveg fram undir aldamótin 1700. Verslun og viðskipti af ýmsum toga valda því að litla þorpið stækkar og árið 1699 leggur upp fyrsta þrælaskipið frá Liverpool til Afríku. Einni öld síðar er Liverpool orðin miðstöð þrælaverslunar Breta. Þetta vissi Ferðalangur t.d. ekki.

Þetta og margt fleira í bæklingnum Liverpool Travel Guide.

Hótel og gisting í Liverpool

[Mynd er af "The Three Graces "í Liverpool - fengin af Wikitravel - Liverpool undir skilmálum Creative Commons]

Ódýrir en góðir veitingastaðir í London

Ágætis ábendingar um ódýra matsölustaði í London má finna í greininni Best London Dining Under 20 Quid. Þetta eru eftirfarandi staðir (betri upplýsingar í greininni sjálfri):

Gönguferðir um allan heim

Breskt fyrirtæki, HF Holidays (stofnað 1913) býður gönguferðir um Bretlandseyjar og raunar um heim allan af ýmsum lengdum og gerðum og fyrir alls konar fólk og aldurshópa. Fyrirtækið er afar þekkt og virt í þessum "bransa".

Gengið er á Bretlandseyjum, í Bandaríkjunum, í Karabíska hafinu, Evrópu, Kanada, Suður-Ameríku, Asíu eða Kanada. Verðið er einkar sanngjarnt og má nefna t.d. að 7 nátta ferð sumarið 2008 í Cornwall með gistingu og fullu fæði + leiðsögn kostar 579 pund fyrir manninn sem verður að teljast vel sloppið.

Fyrirtækið hefur hlotið margvíslegar viðurkenningar og verðlaun fyrir ferðir sínar og þjónustu.

Listi yfir alla áfangastaði

Travelodge - ódýrari gisting í Bretlandi

Ferðalangur kynnir til sögunnar sérstaklega hagstæða gistingu í Bretlandi, keðjuna Travelodge, sem stofnuð var árið 1985. Gististaðir á þeirra vegum eru nú 318 talsins í Bretlandi og til stendur að opna 40 í viðbót á árinu 2008.

Verð á gistingu þar er óvenju hagstætt, oftast á bilinu 29 - 59 pund fyrir 2ja manna herbergi fyrir nóttina en ódýrustu gistinguna verður þó að bóka og borga um leið og engu hægt að breyta.

Morgunmat er hægt að bóka á netinu um leið og herbergið (10% ódýrari en að kaupa hann beint á staðnum) en hann fylgir ekki með sjálfkrafa.

Heimsækið Travelodge

Chesterfield Mayfair í London - besta hótelið í UK

Hótelgestir völdu Chesterfield Mayfair hótelið í London sem besta breska hótelið á vefsíðunni Tripadvisor nýlega. Lýsingarorðin sem notuð voru yfir hótelið voru t.d. exquisite, beyond expectations, spotless, great value, peaceful retreat, first class service o.fl. - Ekki amalegt!

 

London: Kort og hlaðvörp (podcasts)

Á síðunni VisitLondon.com er hægt að finna margt nýtilegt fyrir ferðalanga í London. Þar má m.a. nefna eftirfarandi kort og bæklinga:

- Neðanjarðarlestarkerfið í London - London Tube Map
- Strætó, neðanjarðarlestir og lestir í London og nágrenni - Bus, tube and rail
- Samgöngur í London - Transport for London

Einnig er hægt að njóta þess að hlusta á hlaðvörp - "podcasts" þar sem gengið er um mörg skemmtileg hverfi í London s.s. Kew, Dulwich, Primrose Hill og Canary Wharf: http://www.visitlondon.com/maps/podcasts

Íbúðir í stað hótelherbergja?

Sumir kjósa að leigja íbúð í nokkra daga í stað þess að dvelja á hefðbundnu hóteli. Það getur verið góður valkostur, t.d. fyrir fólk með börn eða þá sem kjósa að hafa frjálsari hendur með morgunmat og aðrar máltíðir dagsins. Loks er oft ódýrara að dvelja í íbúð ekki síst ef nokkrir leigja hana saman.

Hér fyrir neðan koma nokkrar vefsíður sem gott er að kíkja á í þessu sambandi.

Styttur og minnisvarðar í London

Hafið þið einhvern tímann staðnæmst í London við einhverja af þeim ótalmörgu styttum og minnismerkjum sem finna má í þessari stóru borg? Velt fyrir ykkur hvaða saga lægi á bak við stytturnar? Hvaða afrek, hetjudáður eða jafnvel hryllingsverk?

Í greininni Monumental journey through London af vefsíðu Telegraph.co.uk segir Christopher Somerville frá merkilegri bók, Discovering London Statues and Monuments, eftir Margaret Baker og heimsækir einar tíu styttur af fólki víðsvegar um London sem hann hafði ýmist aldrei heyrt af áður, þekkti og dáðist að eða styttur sem voru beinlínis áhrifamiklar/furðulegar.

Stórir skór í London

Það eru án efa margar hávaxnar og myndarlegar konur sem kannast við að finna ekki nógu stóra skó á sig í venjulegum skóbúðum á Íslandi (þó vissulega sé ástandið betra en það var hér áður fyrr). En víða erlendis má bæta úr þessum skorti.

Í London er upplagt að gera sér ferð með neðanjarðarlestinni að  Baker Street Station og finna síðan götu við hliðinna á sjálfu Baker Street sem heitir Chiltern Street. Við þessa götu standa a.m.k. 4-5 búðir sem eingöngu bjóða upp á skó í extra stærðum. Má þar nefna Magnus Shoes (Chiltern Street nr. 44), Crispins Shoes (nr. 28 - 30), Elephant Feet (nr. 8) og Totally Large Shoes (nr. 39).

Á slóðum Harry Potter

Aðdáendur Harry Potter geta skemmt sér við að heimsækja nokkra staði í Bretlandi þar sem tökur á myndunum um Harry Potter fóru meðal annars fram.

Í grein frá Fodors.com: Harry Potter's Top 10 Haunts er minnst á tíu staði sem koma við sögu í myndunum. Þeir eru eftirfarandi:

Science Museum í London

Það er veruleg ástæða til að hvetja fólk á öllum aldri til að heimsækja Science Museum í London. Þar er eitthvað fyrir alla aldurshópa og ókeypis aðgangur.

Safnið stendur á bak við Natural History Museum, við Exhibition Road., London SW7. 

Góðir veitingastaðir í London

Tvær ábendingar um góða veitingastaði í London:

Indverskur grænmetisstaður í suðurhluta London: Kastoori. Það er Thanki fjölskyldan sem rekur hann og starfsfólkið ku vera afar liðlegt. Máltíðinni er upplagt að ljúka með kulfis (indverskum ís). Sanngjarnt verð kemur á óvart!

Ef leiðin liggur um Trafalgar Square og the National Gallery, er gott að fá sér hádegisverð eða kaffipásu í Portrait Restaurant sem er í the National Gallery. Þaðan er mjög fallegt útsýni yfir London (Þinghúsið, the Eye og Big Ben)

Ódýr og góð gisting fyrir konur í Oxford

Ef ætlunin er að dvelja miðsvæðis í Oxford á góðum stað án þess að bruðla um of er Rewley House góður möguleiki. Það er rekið af Oxford University's School of Continuing Education og býður einfalda en þægilega gistingu í hjarta Oxford við Wellington Square.

Rewley House er aðeins í 5 mínútna fjarlægð frá stöðinni Gloucester Green.

Gistingin er í göngufæri við allt það helsta í Oxford og einnig steinsnar frá Jericho svæðinu með mörgum skemmtilegum veitingastöðum.

Morgunverður er innifalinn en mæta þarf  í hann fyrir kl. 9:00.

Krá fyrir konur í Cambridge

Fyrir þær konur sem ætla sér að ferðast til Cambridge má til gamans geta þess að þar er skemmtileg krá sem tekur vel á móti konum!

Kráin heitir The Cambridge Blue og þar er starfsfólki sérstaklega ætlað að vera vinalegt við konur sem eru einar á ferð...

Staðurinn er í Gwydir Street, nálægt járnbrautarstöðinni. Afar týpískur "pöbb" með góðu úrvali af bjór og vínum sem og óáfengum drykkjum.

Maturinn þar þykir einnig mjög góður - staðurinn er reyklaus og ef farsíminn þinn skyldi slysast til að hringja þar inni ertu sektuð um 50 pence sem renna til góðgjörðamála!

Ábendingar um Írland

Í héraðinu Donegal á Norður-Írlandi má finna verulega skemmtilega gistingu eins og fram kemur í greininni Secret Hotels: Ireland's County Donegal.

Önnur grein, Every Day is a Winding Road in Ireland, lýsir 10 daga ferðalagi hjóna um Írland á bílaleigubíl, þar sem þau reiddu sig á B&B gistingu. Þau héldu sig á Dingle skaga og í greininni eru margar góðar ábendingar og slóðir.

 

Sellátrið Donna Nook, Englandi

Það eru víðar selir en á Íslandi! Líklega dettur fólki ekki England í hug þegar minnst er á seli en staðreyndin er sú að þar er að finna afar skemmtilegt sellátur, Donna Nook, á ströndinni í Lincolnshire um miðja vegu milli bæjanna Cleethorpes og Mablethorpe.

Áhugavert á Írlandi

The Best of Ireland heitir ágætis grein á Fodors.com. Þar er hægt að lesa sér til um áhugaverðustu náttúrufyrirbærin, fallegustu þorpin á Írlandi, staði sem tengjast bókmenntasögunni og fallegar byggingar.

Stutt og gott yfirlit til að fá svolitla hugmynd um það sem Írland hefur upp á að bjóða.

Myndir, mállýskur og náttúruhljóð

Viltu skoða myndir frá Viktoríanska tímabilinu í Bretlandi? Hlusta á mismunandi mállýskur? Eða heyra bresk náttúruhljóð?

Allt þetta og meira til á vefnum Online Gallery frá British Library.