Ferðalangur

Ferðahandbækur á pdf formati - Loksins, loksins!

Ferðalangur er alsæll með að hafa fundið afar skemmtilega síðu þar sem kaupa má og hlaða niður ferðaforritum og upplýsingum fyrir Iphone - ferðahandbókum frá Lonely Planet og loks einnig einstaka köflum ferðahandbóka á pdf- formati sem getur komið sér afar vel þegar ætlunin er e.t.v. að sækja heim tiltekið hérað eða borg.

Þetta er einfaldlega kjörin leið fyrir íslenska ferðalanga sem hafa verið að kaupa ferðahandbækur hér dýrum dómum í verslunum eða panta jafnvel sjálf frá útlöndum með tilheyrandi viðbótarkostnaði (tolli + vsk.). Síðan er hægt að prenta út tilteknar síður, eða hafa þær í tölvunni ef hún er tekið með í ferðina.

Dæmi:

Travel Guides

 

Download Lonely Planet Barcelona

 

More Barcelona guides

 

Ókeypis ferðahandbækur

Ágætur lesandi Ferðalangs lét vita af skemmtilegri danskri síðu, onLibri.dk þar sem finna má nokkrar ókeypis ferðahandbækur og enn fleiri á leiðinni. Tilvalið tækifæri fyrir ferðalanga að hrista rykið af dönskunni, bretta upp ermar og skoða :-)

Bækurnar eru á pdf formi og hægt að hlaða þeim niður. Þegar þetta er skrifað eru komnar út eftirfarandi bækur:

Bentu á það! Fyrir "mállausa" ferðalanga

Margir kannast eflaust við þá óþægilegu tilfinningu að vera hálf mállaus - eða jafnvel gjörsamlega mállaus á erlendri grund, þar sem enskan dugir skammt. Point it: Traveller's language kit heitir pínulítil en afar gagnleg bók sem Ferðalangur fann fyrir tilviljun í Waterstone bókaversluninni í London fyrir skömmu. Hægt er að panta hana frá Amazon í Bretlandi sbr. tengilinn hér að ofan.

Í bókinni eru myndir af öllum mögulegum hlutum og aðstæðum sem upp geta komið hjá ferðalöngum. Ýmsar tegundir matvara, grænmeti, ávextir, áhöld, raftæki, dýrategundir, fisktegundir, drykkjarvörur, húsbúnaður, viðlegubúnaður, samgöngutæki, líkamshlutar, líffæri, landakort og margt, margt fleira! Hér þarf bara að benda...

"Paris revisited"

Þeir sem hafa gaman af að lesa sér til um áfangastaði, geta sannarlega notið þess að glugga í bókina Paris Revisited: The Guide for the Return Traveler eftir bandarískan verðlaunahöfund, Gary Lee Kraut.

Bókin er um 450 síður, stútfull af nýtilegum upplýsingum um þekkta staði í París, en ekki síður staði utan alfaraleiða, hótel, verslanir, flóamarkaði, söfn og margt, margt fleira.

Bókin fær afar góða dóma lesenda á Amazon.com.

Bill Bryson ferðabókahöfundur - engum líkur

Bill Bryson er eflaust mörgum að góðu kunnur fyrir ferðabækur sínar. Ef til vill leynast þó ennþá einhvers staðar þeir sem ekki hafa heyrt hann nefndan né lesið eftir hann bækur og er þá einfaldlega ástæða til að hvetja til þess!

Bækur hans eru engar venjulegar ferðahandbækur. Bryson er afar góður stílisti/rithöfundur og býður lesandanum upp á leiftrandi innsæi og sjónarhorn sem fáum öðrum er gefið.

Italy Out of Hand

Komin er út forvitnileg bók eftir bandaríska rithöfundinn Barböru Hodgson, Italy Out of Hand: A Capricious Tour. Þetta er ekki hefðbundin ferðahandbók í þeim skilningi, heldur óvenjuleg samantekt um Ítalíu eftir héruðum, um ýmislegt sem við vitum ekki, né rekumst á í hefðbundnum ferðahandbókum. Litríkar persónur, lítt þekkt sögubrot, sérkennilegir staðir á Ítalíu og margt fleira. Hér er m.a. að finna frásögn af hinni sérkennilegu ferð skoska rithöfundarins James Boswell's til Ítalíu árið 1765, þar sem markmiðið var að sænga hjá eins mörgum konum og unnt var...

Ferðahandbækur: Time Out Guides

Það er óhætt að mæla með ferðahandbókunum úr seríunni Time Out Guides. Þær eru þægilegar, vel uppsettar og skipulegar og umfram allt gagnlegar. Komnar eru út slíkar bækur fyrir þekktustu ferðamannaborgir Evrópu og víðar.

Sjá t.d.
Time Out Barcelona
Time Out London
Time Out Paris
Time Out Rome
Time Out Venice

Búðu til þína eigin "ferðahandbók"

Á einni af vefsíðum Travelocity.com er hægt að búa til sína eigin ferðahandbók sem kallast Custom Miniguide. Þetta gildir um þekktustu ferðamannastaðina.

Þú velur áfangastað, t.d. Spain - Barcelona, velur hvaða efnisflokka þú vilt hafa í handbókinni þinni, t.d. Attractions & Activities, Getting around, Orientation o.m.fl., tilgreinir nánar hvort þú kemur með flugi, hvort þú vilt gera ráð fyrir upplýsingum sem höfða til barna o.fl. og loks geturðu prentað út eða vistað handbókina þína.

Uppfært nóv. 2010

Athyglisverð bók fyrir ferðalanga: The Travel Book

The Travel Book heitir ný bók (september 2004) eftir Roz Hopkins sem ætti að höfða til ferðalanga. Þetta er heljarinnar doðrantur, 444 síður með 1200 myndum og er hvorki meira né minna en uppflettirit fyrir öll lönd veraldar, 230 talsins!  Það eru höfundar Lonely Planet bókanna sem þarna hafa sett saman tvær blaðsíður um hvert einasta land.

Svo vitnað sé í Brad Hooper, frá American Library Association, þá er í bókinni fjallað  um hvað eigi að upplifa í hverju landi til að kynnast því sem best, hvaða bækur eigi að lesa áður en ferðin hefst, hvaða matur og drykkur er einkennandi fyrir hvert land og hvaða tónlist á að hlusta á í tengslum við ferðina. Síðast en ekki síst er nefnt hvaða óvæntu hlutir bíða ferðalangsins í viðkomandi landi.

Þessi bók fær afar góða dóma og þó hún sé greinilega ekki ætluð til að troða ofan í ferðatösku þá er hér á ferð spennandi bók í ferðahandbókasafnið!

Lonely Planet ferðahandbækur

Það er vel hægt að mæla með ferðahandbókum frá Lonely Planet. Sagt er frá héruðum og borgum/þorpum hvers lands í nokkuð samþjöppuðu formi og hverjum stað fylgja leiðbeiningar um gististaði, veitingastaði og það helsta sem er að sjá og margt fleira. Einnig fylgja léttir og skemmtilegir litlir kaflar um ýmis sérkenni, siði, sögu eða merkar perónur á víð og dreif í bókunum sem gefa efninu skemmtilegan blæ.