Ferðalangur

Hjólað í París - ókeypis bæklingur á ensku

Velib stöð í París (hjól til útláns/leigu)

Í París er að finna um 400 km af hjólastígum - gerist það betra? Búið er að skipuleggja um 200 km til viðbótar sem eiga að vera komnir í gagnið árið 2013.

En þó hjólastígarnir séu fyrir hendi, þá þarf að fara að öllu með gát, því stundum hafa stærri bílar s.s. strætisvagnar aðgang að sömu akrein og hjólreiðamenn.

Það eru mörg hjólastæði víða um borgina (sameiginleg fyrir hjól og mótorhjól) og um að gera að taka sér Parísarbúa til fyrirmyndar varðandi læsingu á hjólinu: Nota tvo lása og festa þá við eitthvað óhreyfanlegt, s.s. ljósastaura o.s.frv.

Sumar götur eru lokaðar fyrir bílaumferð á sunnudögum og almennum hátíðisdögum og þá geta hjólreiðamenn notið sín til fulls. Sem dæmi um það má nefna hægri bakka Signu frá quai des Tuileries (í 1. hverfi) til Pont Charles de Gaulle (í 12. hverfi).

Allt um hjólreiðar í París í ókeypis bæklingi frá Lonely Planet/Book Depository.

Mynd af Wikimedia commons

Látlaust hótel á frábærum stað í París

Það er ekkert einfalt að finna þokkalegt hótel í París á viðráðanlegu verði. Hér kemur eitt slíkt. Mjög látlaust, lítið hótel (32 herb.)  á frábærum stað á Signubökkum, Hotel du Quai Voltaire, gegnt Louvre safninu. Hótelið er hreint og fallegt, herbergi eru lítil, ekkert sjónvarp, engin ísskápur en góð sturta, sími og hárblásari.

Stutt er í allar áttir, t.d. 600 m í d'Orsay safnið og Jardin des Tuileries auk Louvre eins og áður er nefnt.

Viltu skoða fleiri hótel í París?

Senda á Facebook

París - að kynnast nýju fólki

Hvað gerir maður í París til að kynnast nýju fólki?  - Ferðalangur dvaldi í París um nokkurra vikna skeið s.l. haust og velti því stundum fyrir sér hvaða leiðir væri færar án þess að gera nokkuð í því þá...

Hér koma hins vegar tvær ábendingar af vefsíðunni Journeywoman, sem vert væri að skoða fyrir þá sem eru einir á ferð í París og langar í félagsskap eða óhefðbundnari leiðir til að kynnast París.

Til er hópur sjálfboðaliða sem kallast Paris Greeters og þeir eru tilbúnir að deila París með gestum. Þannig er t.d. hægt að fara í gönguferðir með þeim og fá fyrirlestur um sögu hverfa o.fl. Þetta kostar að nafninu til ekkert þó að það sé vel þegið fyrir félagsskapinn að leggja til eitthvað til að halda starfi þeirra gangandi. http://www.parisiendunjour.fr/

Annar möguleiki er að hafa samband við The Paris Convention and Visitors Bureau sem einnig býður upp á ýmsa spennandi möguleika til að komast í tæri við Parísarbúa. Til að mynda bjóða þeir prógram sem heitir Meet the Parisians at work þar sem hægt er að heimsækja t.d. handverksfólk og skyggnast svolítið bak við tjöldin.

Það er a.m.k. engin ástæða til að láta sér leiðast í París...

• Hótel í París
• Tilboð á hótelum í París fyrir næstu sex vikur
• Ferðahandbækur á pdf formati (líka einstaka kaflar) fyrir Frakkland/París og ferðaforrit fyrir Iphone

 

Senda á Facebook

EasyJet Holidays: Ódýrari sólarferðir - ódýrari borgarferðir

EasyJet Holidays

Við horfum mörg löngunaraugum til sólarlanda eða stuttra borgarferða til að slaka aðeins á í öðru umhverfi. Þó er ekki víst að  allir sem vilja geti leyft sér það um þessar mundir. Sumir geta það þó með því að sýna hagsýni og velja sér ódýrari ferðir og ódýrari gistingu.

Það er nefnilega hægt að njóta lífsins þó að rúmfötin á hótelinu séu ekki úr silki eða satíni og veggirnir séu ekki fóðraðir með listaverkum eftir Miro eða Picasso. Með öðrum orðum: Kannski getum við skroppið til sólarlanda án þess að fjárhagurinn fari á hvolf.

Ferðalangur vill benda þeim sem eru í sparnaðarhugleiðingum á að bera saman við íslenskar ferðaskrifstofur það sem nú býðst hjá EasyJet Holidays.

Flestir þekkja lágfargjaldaflugfélagið EasyJet og nú býður það í samstarfi við fleiri ódýrari sólarlandaferðir og borgarferðir þar sem lagt er upp frá fjölmörgum flugvöllum í Bretlandi. Má þar nefna m.a. London Gatwick, Stansted, Manchester, Glasgow og Edinborg. Það getur t.a.m. verið snjallt að sameina sólarlandaferðina og ferð til London eða Glasgow/Edinborgarmeð EasyJet Holidays og slá þannig tvær flugur í einu höggi. 

• Ódýrari sólarlandaferðir með EasyJet Holidays
• Ódýrari borgarferðir með EasyJet Holidays
• Sérstök ferðatilboð

París - gerðu góða ferð enn betri

París og nokkur hernaðarleyndarmál sem gera góða Parísarferð enn betri

1. Heitt kakó...Fáðu þér bolla af heitu, frönsku kakói. Þetta á einkum við á haustin. Það er fátt meira afslappandi en bolli af heitu og vel löguðu súkkulaði á notalegu kaffihúsi og horfa á mannlífið fyrir utan. "Chocolat chaud" er fáanlegt út um allt en hér mætti t.d. nefna lítið og huggulegt kaffihús, Ragueneau, rétt handan við hornið frá hinni fallegu höll Palais Royal. Kakóið er verulega gott og skammturinn rausnarlegur. Spurðu eftir Viennoise ef þú vilt þeyttan rjóma með. Þarna er á ferðinni ekta mjólk og súkkulaði - ekkert "gervi" því Parísarbúar taka súkkulaðið sitt hátíðlega: Ragueneau, 220 rue St Honore, 75001; París.

2. Skemmtu þér konunglega við að skoða París í 2 CV. Feneyjar hafa sína rómantísku gondóla, London 2ja hæða strætisvagna en í París geturðu pantað þér 2 CV. Það er sannarlega ekki þægilegasti ferðamátinn og ekki hægt að flokka undir lúxuskerru. Þetta er hins vegar ósköp franskt! Það er engin hætta á að þú sofnir og missir af útsýni úr þessum frumstæða bíl - en þú munt klárlega njóta þess í botn. Hægt er að panta bíl með bílstjóra frá 30 mínútum - 4 klst. Ýmis konar leiðir eru í boði. Smelltu hér.

Ferðir til og frá flugvöllum Parísar og inn í miðborgina

 

Það eru tveir aðalflugvellir í París: 

• Charles de Gaulle (CDG) sem er alþjóðlegi flugvöllurinn sem mest er notaður
• Orly (ORY)

Báðir flugvellirnir bjóða góðar almenningssamgöngur inn í borg. Hér eru nokkrar ábendingar:

Tveir notalegir veitingastaðir í Mýrinni - Le Marais í París

Hér koma tveir veitingastaðir sem Ferðalangur heimsótti sjálfur í París fyrir nokkru - vinalegir og heimilislegir og einnig ódýrir. Þeir eru báðir í 4. hverfi.

Le Bistrot Beaubourg,
25, rue Quincampoix
París
Góður og heimilislegur franskur matur - ódýr.


Pizza Sant Antonio
1 rue de la Verrerie,
(Place du Bourg-Tibourg)
París
Ljómandi góð ítölsk pizza og aðrir ítalskir réttir

• Hótel og fjölbreytt gisting í París
• Ódýr hótel næstu 6 vikur í París
• Ferðahandbækur á pdf formati (líka einstaka kaflar) fyrir París og ferðaforrit fyrir Iphone

 

Senda á Facebook

Í heimsókn hjá Victor Hugo í París

Ferðalangur brá sér í heimsókn til rithöfundarins Victors Hugo fyrir skömmu. Nánar tiltekið heimsótti hann gamla íbúð hans á torginu fallega Place des Vosges í París sem heitir einfaldlega Maison Victor Hugo.

Í íbúðinni er safn tileinkað honum og ævi hans. Á veggjum safnsins má líta ýmsa fjölskyldumeðlimi  s.s. móður og föður, afa og ömmur og börn hans. Og náttúrulega hjákonuna.  Með henni átti hann ástarævintýri í heil 50 ár. FIMMTÍU ÁR.  Juliette Drouet hlýtur að hafa verið óvenjuleg kona. A.m.k. ástfangin kona. Annars þýðir líklega lítið 21. aldar konu að ætla sér að setja sig inn í þankagang 19. aldar í Frakklandi og þaðan af síður að setjast í dómarasæti.

Reyndar er sagt er að sumar franskar hefðarfrúr hafi verið ósköp fegnar að þurfa ekki að sinna vissum skyldum sínum og jafnvel valið fyrir menn sína ástkonur. Svo var þó ekki í þessu tilviki. Victor sá um það sjálfur.

Ferðalangur í Louvre

Ferðalangur átti stefnumót við Mónu Lísu í Louvre safninu í París fyrir nokkru síðan í októbermánuði. Það hafði svo sem lengi staðið til að skoða hjá henni stofurnar og stássið en svolítið kveið Ferðalangur fyrir og vissi sem var að líklega yrðu gestirnir margir. Og það reyndist rétt. Hvernig er það þá um hásumar?

 

Senda á Facebook

París: Ódýr hótel næstu 6 vikur

Ódýr hótel í París næstu 6 vikur. Upplýsingarnar uppfærast dag frá degi.

Haust í Normandí

Haustið er góður tími til að heimsækja Normandí, t.d. þann hluta þess sem Orne heitir - a.m.k. heldur Brian Jackson því fram á vefsíðu Telegraph Travel í grein sinni: Normany: Land of mellow fruitfulness and Gallic Charms.

Á haustin fara sveppasafnarar af stað í skóginum Forest d'Écouves og njóta litadýrðar náttúrunnar sem skrýðist sínu dýrasta litaskrúði á þessum tíma.

Nú fer líka í hönd uppskerutími eplanna og gerð eplasafa (cider) ber höfuð og herðar yfir allt annað á þessum tíma. Eplasafinn er gerður úr litlum, súrum eplum sem heita m.a. tegundanöfnum eins og Antoinette, Calville og Noel des Champs. Eplasafi er konunglegur drykkur og Normannar hafa drukkið hann síðan á 11. öld.

Meira um Orne, eplasafa og Normandí.

Skemmtileg tískuverslun fyrir konur í París

Ferðalangur rakst á umfjöllun um skemmtilega og áhugaverða tískuverslun fyrir konur í París. Verslunin er kennd við Anne-Elisabeth sem hannar fötin og hana er að finna á Rue des  Rue des Rosiers nr. 36 í Marais hverfinu. Hönnunin er óvenjuleg og skemmtileg (ef marka má umfjöllunina!).

Vefsíða verslunarinnar http://www.anne-elisabeth.com/
Kort: http://www.anne-elisabeth.com/uk/boutique.htm

Hús til leigu í Frakklandi - Pays de la Loire

Ferðalangur hefur verið beðinn um að koma eftirfarandi á framfæri til íslenskra ferðalanga:

Paradís í frönsku smáþorpi

Í Pays de la Loire er til leigu um 300 ára gamalt hús fyrir fólk sem vill fara 100 til 200 ár aftur í tímann og njóta lífsins í litlu sveitaþorpi ...þar sem tíminn stendur kyrr.

Húsið er íbúð- vinnustofa í friðsælli sveit en samt mjög miðsvæðis. Tilvalið fyrir fólk sem sinnir sköpunarstörfum eða þeim sem þurfa góða hvíld. Einnig kjörið fyrir fólk, sem vill bara njóta og kynnast Frakklandi eins og það er, blíða Frakklandi eins og Frakkar segja sjálfir: "Douce France".

Nánari upplýsingar og myndir:
http://margretjonsdottir.blogspot.com/

Íbúðir í stað hótelherbergja?

Sumir kjósa að leigja íbúð í nokkra daga í stað þess að dvelja á hefðbundnu hóteli. Það getur verið góður valkostur, t.d. fyrir fólk með börn eða þá sem kjósa að hafa frjálsari hendur með morgunmat og aðrar máltíðir dagsins. Loks er oft ódýrara að dvelja í íbúð ekki síst ef nokkrir leigja hana saman.

Hér fyrir neðan koma nokkrar vefsíður sem gott er að kíkja á í þessu sambandi.

Hjólað í París

Í júlí s.l. (2007) hófu Parísarbúar að nota nýja þjónustu sem hlotið hefur nafnið Velib og felst í því að íbúar Parísar sem og ferðalangar geta fengið sér hjól á einum 750 Velib stöðvum um alla París og skilið þau eftir á einhverri annarri stöð í borginni.  Í lok árs 2007 er áætlað að stöðvarnar verði orðnar tæplega 1500 og hjólin rúmlega 20.000.

Góð leiðsögn í París

Ferðalangur rakst í grúski sínu á afar góða umsögn um leiðsögumann í París: Laurent Guariglia. Hann er sagður tala mjög góða ensku og vera afar vel að sér. Hægt er að senda honum tölvupóst á laurent.guariglia@free.fr eða hringja í GSM: (33) 6 77 49 27 37.

Upplýsingar um góða leiðsögumenn víðar.

Fyrirtaks leiðarvísir um tvö söfn í París

Fyrir stuttu síðan kom út á vefnum ágætis grein frá Frommers.com sem lýsir bæði Louvre safninu og Musee d'Orsay í París: Why the Louvre and Musee d'Orsay are Paris' Best Museums.

Ferðalangur mælir eindregið með því að fólk gefi sér smá tíma til undirbúnings áður en svona stórkostleg söfn eru heimsótt - með því móti er hægt að fá mun meira út úr heimsókninni!

Snjór og snjódýpt á skíðasvæðum í Evrópu

Snjór, skíði og aðstæður á skíðastöðum í Evrópu eru áreiðanlega ofarlega í huga margra um þessar mundir. Það hefur verið óvenju snjólétt á hefðbundnum skíðastöðum undanfarið, svo ekki er úr vegi að vísa á ágæta vefsíðu þar sem sjá má aðstæður á þekktum skíðastöðum:

http://www.schneehoehen.de/schneehoehen/4/8

Síðan er á þýsku, en það ætti ekki að vefjast fyrir neinum að lesa út úr þeim prýðis upplýsingum sem þarna er að fá:

Schneehöhen cm = snjóhæð í cm
Pisten in km = Skíðabrautir í km
Liftanlagen = Skíðalyftur (gesamt = samtals)
Offen = opið
Tal = dalur
Berg = fjall

Hús (2 íbúðir) og bóndabær til leigu í Frakklandi

Í Frakklandi býr Íslendingurinn Ármann Örn Ármannsson ásamt Nathalie eiginkonu sinni og leigir út tvenns konar gistingu á yndislegum stöðum.

Annars vegar er um að ræða stórt hús með tveimur íbúðum (og tveimur píanóum!) og upphitaðri sundlaug rétt fyrir utan þorpið Esparron de Verdon í Provence héraði og hins vegar uppgerðan bóndabæ í fjalllendi í héraðinu Auvergne.

• Húsið í Esparron de Verdon rúmar 7-9 manns í stærri íbúðinni og 4-5 í þeirri minni. Frábær aðstaða!
• Bóndabærinn rúmar 7-11 manns, einnig með afar góðri aðstöðu.

Nánar á www.festival.is og hjá armann@festival.is.

Glæsilegur veitingastaður í París

Fyrir þá sem vilja gera sér glaðan dag í París og halda veglega upp á t.d. afmæli eða annað... er upplagt að fara á Brasserie Julien, sem hefur staðið sína "pligt" frá því á 19. öldinni, með innréttingum í glæsilegum Art Nouveau stíl.

Heimilisfang:

Julien
16, rue du Faubourg Saint-Denis
75010 Paris
Sími: +33(0)1 47 70 12 06
Fax : +33(0)1 42 47 00 65

7 veitingastaðir í 7 borgum: 37 réttir á 5 dögum

Það eru nýjar bylgjur á ferðinni í franskri matargerð - nú gera ungir franskir kokkar ekki einungis út á mat sem þarf nokkrar stundir til að njóta og Michelin-stjörnu veitingastaði.

Í greininni An adventure in 37 courses segir Lesley Brenner frá ferð sinni um Suðvestur-Frakkland á milli 7 veitingastaða í 7 borgum á 5 dögum. Veitingastaðirnir eru oft á tíðum ósköp látlausir, jafnvel bara bistro og á skikkanlegu verði.

Skemmtileg grein fyrir áhugafólk um franska matargerð!

Siglingar á ám og vötnum í Skotlandi og Frakklandi

Ferðalangi barst bréf frá fjölskyldu sem hefur mjög gaman af bátasiglingum á ám og vötnum í Evrópu. Þau hafa m.a. siglt í Skotlandi á Caledonian Canal, um vötnin þrjú milli austur- og vesturstrandar Skotlands. Einnig hafa þau siglt í Burgundy í Frakklandi. Ferðirnar voru pantaðar á netinu.

Fjölskyldan var svo vinsamleg að vilja deila með lesendum þeim vefsíðum sem notaðar voru og eftirfarandi upplýsingar eru teknar beint upp úr bréfi fjölskyldunnar:

Þrjár gönguleiðir í Suður-Frakklandi

Walking Through Paradise: The South of France nefnist grein af vefsíðu Fodors.com. Hún fjallar um þrjár einstakar gönguleiðir í Provence héraði sem sameina það tvennt að upplifa töfra þessa fallega héraðs og forðast hina ferðamennina :-).

Lýst er eftirfarandi leiðum:

• The Calanques
• The Corniche de L'Estérel
• Les Gorges du Verdon

[Myndin er frá gönguleiðinni The Calangues, af vefsíðunni france-for-visitors.com]

Fimm smáþorp í Provence héraði

5 Provençal Towns heitir grein á Fodors.com sem dregur saman helstu upplýsingar um eftirfarandi þorp í Provence:

*Les Baux-de-Provence, The Alpilles
*Vaison-la-Romaine, The Vaucluse
*L'Isle-sur-la-Sorgue, The Vaucluse
*Moustiers-Ste-Marie, Alpes de Haute Provence
*Le Barroux, The Vaucluse

Heimagisting í Bourgogne-héraði

Ferðalangur fékk skemmtilega ábendingu um litla heimagistingu skammt frá bænum Sens sur Seille í suð-austurhluta Bourgogne-héraðs sem bresk hjón reka, þau Carolyn og John Scallan sem hér sjást á myndinni í garði sínum.

Á heimasíðu þeirra, http://www.bandb-burgundy.com/, eru upplýsingar m.a. á íslensku. Boðið er upp á "gistingu í fjórum rúmgóðum tveggja manna herbergjum. Morgunverður fylgir gistingunni. Herbergin eru öll með góðri baðaðstöðu, sturtu og klósetti. Allt er mjög heimilslegt. Gestir hafa aðgang að stofum húsins og notalegum garði. Ef menn vilja bjóða Scallan hjónin upp á ríkulegan fjórréttaðan kvöldverð. Þá njóta menn rétta héraðsins, osta og vína. " (Orðrétt af heimasíðu).