Ferðalangur

Gönguferðir í Skotlandi

 Vert er að vekja athygli á vefsíðunni www.skotganga.co.uk sem býður skipulagðar gönguferðir fyrir fólk á öllum aldri um Skotland. Boðið er upp á nokkurra daga gönguferðir um West Highland Way eða meðfram Hadrian's Wall en einnig hálfsdags og heilsdags skoðunarferðir fyrir hópa frá Edinborg og Glasgow. Þá er gjarnan farið um Stirling, Trossach hérað og Loch Lomond.

Það eru Íslendingarnir Inga og Snorri sem taka á móti fólki og skipuleggja þessar gönguferðir.

Nánari upplýsingar á www.skotganga.co.uk.

 

 

Gongufri.com - Gönguferðir á Spáni

Íslendingarnir Ingibjörg Þórhallsdóttir og Rúnar Karlsson bjóða löndum sínum upp á fjölbreyttar gönguferðir á suð-austur Spáni frá mars - maí og september - nóvember.

Þau hafa gengið með Íslendingum s.l. 2 ár og fengið mjög góðar undirtektir enda gengið í bæði fallegu og fjölbreyttu landslagi þar sem fólk upplifir náttúru, menningu og fáfarnar slóðir Spánar í yndislegu veðurfari. Flogið er til Alicante.

Nánari upplýsingar eru á vefsíðu þeirra Ingibjargar og Rúnars: www.gongufri.is

Gönguferðir um allan heim

Breskt fyrirtæki, HF Holidays (stofnað 1913) býður gönguferðir um Bretlandseyjar og raunar um heim allan af ýmsum lengdum og gerðum og fyrir alls konar fólk og aldurshópa. Fyrirtækið er afar þekkt og virt í þessum "bransa".

Gengið er á Bretlandseyjum, í Bandaríkjunum, í Karabíska hafinu, Evrópu, Kanada, Suður-Ameríku, Asíu eða Kanada. Verðið er einkar sanngjarnt og má nefna t.d. að 7 nátta ferð sumarið 2008 í Cornwall með gistingu og fullu fæði + leiðsögn kostar 579 pund fyrir manninn sem verður að teljast vel sloppið.

Fyrirtækið hefur hlotið margvíslegar viðurkenningar og verðlaun fyrir ferðir sínar og þjónustu.

Listi yfir alla áfangastaði

Þrjár gönguleiðir í Suður-Frakklandi

Walking Through Paradise: The South of France nefnist grein af vefsíðu Fodors.com. Hún fjallar um þrjár einstakar gönguleiðir í Provence héraði sem sameina það tvennt að upplifa töfra þessa fallega héraðs og forðast hina ferðamennina :-).

Lýst er eftirfarandi leiðum:

• The Calanques
• The Corniche de L'Estérel
• Les Gorges du Verdon

[Myndin er frá gönguleiðinni The Calangues, af vefsíðunni france-for-visitors.com]

Gönguferðir í Berlín

Ferðalangur rakst á afar góð meðmæli með gönguferðum í Berlín sem hægt er að skoða á vefsíðunni Original Berlin Walks. Ekki er nauðsynlegt að panta fyrirfram heldur nóg að mæta á staðinn þar sem lagt er af stað og greiða þar. Það er þó  hægt að kaupa miða á vefsíðunni ef fólki sýnist svo.

Gönguferðirnar eru alls sex sem farnar eru reglulega og sumar oftar en einu sinni á dag. Einnig er hægt að sérpanta ferðir fyrir litla sem stóra hópa.

Eyjan Madeira

Eyjan Madeira er stærsta eyjan í eyjaklasa sem kenndur er við Madeira og tilheyrir Portúgal. Hún er ekki nema 55 km löng og breiðust 22 km. Miðhluti eyjarinnar rís hátt, þar sem hæsti tindur er Ruivo de Santana, 1861 m.

Inn til landsins er eyjan að mestu óbyggð og ræktað land er ekki að sjá þegar komið er yfir 900 m hæð.

Madeira er kjörin til gönguferða af ýmsum þyngdargráðum og eftir hressandi gönguferð er hægt að láta fara vel um sig á heilsuhóteli ef fólk er í þeim gírnum.

Göngu-Hrólfur

Göngu-Hrólfur heitir íslenskur félagsskapur sem stofnaður var fyrir nokkrum árum og telur nú um tvö þúsund meðlimi. Á vefsíðu félagsins, www.gonguhrolfur.is segir:

"Markmiðið var fyrst og fremst að koma til móts við þá sem vilja taka þátt í skipulögðum gönguferðum erlendis og kynnast á þann hátt náttúru og mannlíf í fjarlægum löndum.

Þetta var svo sannarlega spor í rétta átt því að nú þegar hafa um tvö þúsund "göngugarpar" skráð sig í klúbbinn og hátt á þriðja hundrað gengu með okkur í útlöndum í fyrra. Við höfum verið einstaklega heppin með samstarfsaðila. Ferðirnar og skipulag þeirra hafa líka tekist í alla staði frábærlega vel og verið sannkölluð ævintýri. Þeir eru æ fleiri sem njóta þess að ganga um stórbrotið landslag og kynnast um leið náttúru og mannlífi fjarlægra landa."

 

Tvær gönguferðir í London og nágrenni

Times Online hefur undanfarið birt mánaðarlegar greinar um tilteknar gönguleiðir í London. Nákvæmar leiðarlýsingar fylgja og hægt að smella á kort sem sýnir vel hvar gengið er. Hér koma þrjár þeirra:

An Olympic walk - Heimsókn í austurhluta London áður en hróflað verður við þessum borgarhluta fyrir Ólympíuleikana 2012. Lengd leiðarinnar er um 12 km (7.5 mílur) og tekur u.þ.b. þrjár klst.

"Le vie ferrate" og Dólómítarnir

Ítölsku Dólómítarnir gefa göngugörpum kost á ægifögrum göngu- og klifurleiðum eftir slóðum sem gjarnan eru nefndar "le vie ferrate" eða "járnvegirnir" (ferro=járn), en ýmis hjálpargögn og járntól auðvelda göngumönnum klifrið á slíkum slóðum.

Í greininni Iron and mighty af vefsíðu The Guardian gefur Alf Alderson greinargóða mynd af möguleikum sem bjóðast á svæðinu Alta Badia í Dólómítunum. Ef ekki væri þessum "vie ferrate" fyrir að fara, gætu ekki nema þjálfuðustu göngu- og klifurgarpar nýtt sér þessar dramatísku leiðir en eins og staðan er í dag eru leiðirnar gjarnan merktar frá A - G, þar sem "A" leiðir eru auðveldastar og "G" þyngstar.

Dingle Way - gönguleið á Írlandi

Afhverju ekki að fara í gönguferð á Írlandi? Fyrir göngugarpa er upplagt að skoða t.d. eina af 30 nafntoguðum og löngum gönguleiðum sem nefnist Dingle Way og liggur nánar tiltekið á milli Anascaul og Dingle í West Kerry á Írlandi. Ef leiðin er gengin öll, er hún um 179 km og best að ætla sér a.m.k. 8 daga til að ljúka henni. Síðan er auðvitað hægt að taka styttri leggi.

Meiri upplýsingar um gönguleiðina m.a. hjá fyrirtækinu South West Walks Ireland.

 

Nokkrir góðir göngustaðir í Evrópu

Nokkrir skemmtilegar staðir til gönguferða í Evrópu:

• Hadrian's Wall í Bretlandi
• Gran Paradiso þjóðgarðurinn á Ítalíu
• Korsíka
• Bernese Oberland í Sviss
• Julian alparnir í Slóveníu

Meira um hvern stað fyrir sig í greininni Hikes in Europe, With Your Boots on the Ground and Your Bed Above It úr The New York Times.

 

Gönguferð um hálendi Skotlands

Misty Mountain Hop heitir skemmtileg grein sem segir frá sex daga gönguferð um hálendi Skotlands; gönguferðin kallaðist raunar "High Cairngorm Backpacking" og var farin á vegum Mountain Innovations.

Í ferðinni var ýmist dvalið í tjöldum, kofum, eða gist á "hosteli". Lagt var upp frá bænum Achlean og í ferðinni lögðu menn að velli fjallstoppa eins og Sgor Gaioith (1,118 m), Mullach Clach à Bhlair (1,019 m), Ben Macdui (1,309 m) og Cairn Toul (1,291 m).

Hótel og fjölbreytt gisting í Skotlandi

Uppfært nóv. 2010

Gönguferðir, malt wiskey og hafragrautur í Skotlandi

Undiscovered Scotland heitir skemmtileg vefsíða sem gefur góðar upplýsingar fyrir ferðalanga á leið til Skotlands. Hún veitir ekki bara aðgang að kortum og greinargóðum upplýsingum um borgir og bæi, heldur einnig að ýmiskonar fróðleik eins og t.d. hvernig Skotar búa til "Malt Wiskey", hvernig búa á til góðan hafragraut "porridge", ævi Maríu Skotadrottingar auk frábærra mynda.

Göngugarpar geta þar að auki fundið leiðarlýsingar ýmissa gönguleiða.

Hótel og fjölbreyttir gistimöguleikar í Skotlandi

Gönguferðir í Sviss

Sviss er ekki eingöngu paradís hjólreiðamanna heldur einnig göngufólks. Fjölbreyttar gönguleiðir gera það að verkum að allir geta fundið eitthvað við sitt hæfi hvort sem það er í aflíðandi hæðum, þröngum eða víðum dölum eða í snarbröttum fjallshlíðum.

Stólalyftur og kláfar létta göngufólki lífið og flytja það til gönguleiða sem annars væri ekki svo auðvelt að finna. Hæfilega frumstæðar veitingastofur og fjallakofar prýða leiðirnar svo að sjaldnast eru nema 3-4 tímar í kaldan bjór og heita máltíð.

Hótel í Sviss

Gönguferðir um Bretland

 Það eru ótal spennandi möguleikar til gönguferða í Bretlandi hvort sem um er að ræða gönguferðir með fylgdarmanni, gönguferðir þar sem farangur er fluttur á milli með bíl eða einfaldlega sjálfstæðar gönguferðir þar sem ferðalangurinn ræður sér fullkomlega sjálfur. Athugið reglur fyrir England, Wales og Skotland um "right of way" fyrir göngugarpa.

Gönguferðir - langar og stuttar

Gönguferðir erlendis verða sífellt vinsælli. Íslenskar ferðaskrifstofur bjóða gjarnan slíkar ferðir, t.d. vikuferðir, bæði með íslenskum og þarlendum fararstjórum. Sumir vilja hins vegar fara á eigin vegum og þá getur verið gott að byrja á Netinu og skoða möguleika og leiðarlýsingar.

Á upplýsingavef  European Ramblers Association er hægt að skoða kort og upplýsingar um lengri gönguleiðir, jafnvel gönguleiðir milli landa fyrir þá allra hörðustu.

Peak to Peak heitir ágæt síða sem haldið er úti af áhugasömum göngugarpi.

Vefir upplýsingamiðstöðva ferðamála í hverju landi, veita oftast einhverjar upplýsingar um gönguleiðir (walking, hiking, trekking o.s.frv.) sjá t.d. Tourism Offices Worldwide Directory eða yfirlit um einstök lönd hér á Ferðalangi. Einnig er hægt að senda þeim tölvupóst og biðja um að fá senda bæklinga um gönguferðir. Þannig má á ódýran hátt fá greinargóðar upplýsingar.

DiscoverItalia er fjölbreyttur vefur um Ítalíu og þar má finna lýsingar á ýmsum stuttum og löngum gönguleiðum.

Til er gott safn ferðahandbóka á ensku sem fjalla sérstaklega um vinsælar gönguleiðir í hverju landi fyrir sig:

• Gönguleiðir á Ítalíu
• Gönguleiðir í frönsku og ítölsku ölpunum
• Gönguleiðir í Frakklandi
• Gönguleiðir á Spáni
• Gönguleiðir í Austurríki
• Gönguleiðir í Sviss

Uppfært nóv. 2010