Kæri ferðalangar!
Mínar bestu óskir um gleðilegt nýtt ár með þakklæti fyrir samfylgdina á síðastliðnu ári.
Ferðalangur hefur verið hljóður um nokkurt skeið, enda mestöll einbeitingin farið í að semja rafræna handbók sem væntanlega verður boðin áhugasömum ferðalöngum skömmu eftir áramótin. Handbókin tekur á sem flestum atriðum sem skipta máli þegar ferðalagið er skipulagt á netinu með það að markmiði að LÆKKA FERÐAKOSTNAÐ eins og hægt er. Fylgist með :)...
Hverjar eru algengustu ástæður þess að farangur týnist? Skv. grein af mnsbc.com - Travel tips, eru aðallega fjórar ástæður fyrir því týndum farangri:
1. Miðinn með nafni ákvörðunarstaðar (sem settur er á af flugvallarstarfsmanni þegar töskur eru tékkaðar inn) hefur prentast illa út - er ólæsilegur eða rifnar af einhvers staðar á leið í gegnum "kerfið". Ef til vill er taskan ný í þokkabót og eigandinn hefur gleymt að merkja hana...
Ferðalangur hefur sérstakt dálæti á pistlum um hvernig skuli pakka fyrir ferðalög. Hér kemur einn dulítið stolinn og stældur (frá About.com).
Það ku vera snjallt að safna saman öllu sem á að fara í ferðina og skipta því í þrjár hrúgur:
1) Nauðsynlegur farangur
2) Ekki eins nauðsynlegur farangur
3) "Gæti komið sér vel" farangur
Þegar því er lokið er kemur að erfiða hlutanum: Taktu nauðsynlegu hrúguna og u.þ.b. helminginn af "ekki eins nauðsynlegu" hrúgunni og láttu það duga. Þetta kann að hljóma yfirmáta dramatískt en er samt byrjunin á þeim því að taka ekki allt of mikið með sér.
Ef þú fylgir þessum ráðleggingum, þá ætti einungis að standa eftir farangur sem rúmast í einni handfarangurstösku. Stærð hennar kann að fara svolítið eftir því um hvaða flugfélag er að ræða en það er um að gera að halda sig við þá stærð sem öll flugfélög geta sætt sig við. - Þú átt margsinnis eftir að þakka sjálfum þér fyrir að hafa ekki tekið meira þegar þú arkar upp þrjár hæðir til að komast í ódýra hótelherbergið þitt; treðst inn í neðanjarðarlestina og síðast en ekki síst lítur ÞÚ mun betur út þegar þú ert bara með eina litla tösku heldur en t.d. nokkrar eða eina níðþunga!
Ferðalangur er alsæll með að hafa fundið afar skemmtilega síðu þar sem kaupa má og hlaða niður ferðaforritum og upplýsingum fyrir Iphone - ferðahandbókum frá Lonely Planet og loks einnig einstaka köflum ferðahandbóka á pdf- formati sem getur komið sér afar vel þegar ætlunin er e.t.v. að sækja heim tiltekið hérað eða borg.
Þetta er einfaldlega kjörin leið fyrir íslenska ferðalanga sem hafa verið að kaupa ferðahandbækur hér dýrum dómum í verslunum eða panta jafnvel sjálf frá útlöndum með tilheyrandi viðbótarkostnaði (tolli + vsk.). Síðan er hægt að prenta út tilteknar síður, eða hafa þær í tölvunni ef hún er tekið með í ferðina.
Dæmi:
Hefur þér einhvern tímann dottið í hug að nota myndavélina þína til að varðveita upplýsingar/hluti sem gætu komið sér vel síðar?
Hér koma fimm slíkar hugmyndir:
Continue reading "Fimm "bestu" ljósmyndirnar sem þú gætir tekið" »
Kannist þið ekki við að vera ávallt í vandræðum með smádót á ferðalögum eins og síma- og myndavélasnúrur, Ipod, myndavél o.fl.? Hér er ágætis lausn á því - lítið veski sem heitir Grid-it. Þau eru raunar til í nokkrum útgáfum. Í veskinu er hægt að festa smáhlutina undir breiðum og góðum teygjum sem halda þeim skikkanlega á sínum stað. Veskin fást hér.
Annar möguleiki er að nota hreinlega hárteygjur til að festa saman snúrur og smáhluti á ferðalögum og sumir nota hreinlega pappahólkana innan úr klósettrúllum fyrir snúrur - vefja þær upp og troða þeim í hólkana!
Síðast en ekki síst er oft hægt að fá glæra poka með rennilás í ýmsum verslunum og geyma smádótið í þeim.
Senda á Facebook
Ný og endurbætt ferðastika Ferðalangs er tilbúin til niðurhals fyrir vafrana Internet Explorer, Firefox og Google Chrome
http://ferdastikan.ourtoolbar.com/
Þeir sem eiga hana fyrir (1. útgáfu) ættu ekki að þurfa að hala henni niður aftur - ef hún endurnýjast ekki sjálfkrafa er gott að smella á "Refresh Toolbar" undir örinni hjá Ferðalangur út við vinstri enda stikunnar.
Á ferðastikunni er allt það sem ferðalangar þurfa á að halda (tjah - allavega flest!) þegar ferðalagið er skipulagt, gistimöguleikar, tilboð á gistingu, íbúðaskipti, bílaleiga og allsherjar verkfærakista sem gott er að hafa við hendina.
Ferðalangur varð sér nýlega úti um bókina Homeopathic Guide for Travelers sem fyrst kom út í Þýskalandi árið 1983 en var síðan gefin út í Bandaríkjunum 2010.
Í henni eru gefin eftirfarandi ráð við flugveiki, eyrnaverk, höfuðverk og ógleði í tengslum við flug: Taka skal einn skammt af Belladonna 200 sex - tólf stundum áður en flugið hefst og annan skammt rétt fyrir flugtak. Sagt er að þessi remedía verki mjög fljótt og hægt að taka hana líka í flugvélinni ef einkenni gera vart við sig.
Að auki er er þeim sem glíma við flugkvíða og hræðslu, ráðlagt að taka Gelsemium 200, einn skammt daglega í viku fyrir flugverð. Og til að varna hræðslu ásamt tilfinningunni fyrir þungri tilfinningu í maga við lendingu eða í ókyrrð í lofti, er hægt að taka einn skammt daglega af Borax 200 í þrjá daga fyrir flugtak. Ef þetta dugar ekki til má taka skammt í vélinni sjálfri.
ATH: Einn skammtur er það sem venjulega er tekið af remedíum í hvert sinn, oftast 2-3 töflur eða dropar.
Þetta er sett hér til gamans - Ferðalangur hefur ekki prófað þetta ennþá á sjálfum sér en hyggst gera það við fyrsta tækifæri!
Að ferðast eða ekki?
Hjá sumum ferðalöngum er staðan einfaldlega þannig að eingöngu er hægt að ferðast til annarra landa með heilmikilli útsjónarsemi. Ferðalangur hefur hins vegar oft heyrt eftirfarandi setningu: "Ef ég get ekki farið til útlanda með stæl, þá sleppi ég því frekar". En kannski er þarna einhver millivegur - veröldin er nú einu sinni hvorki svört né hvít.
Hér fyrir neðan koma nokkur sparnaðarráð og eru mörg þeirra fengin að láni af vefsíðunni journeywoman.com. Sum lúta að því hvernig spara má í tengslum við gistingu (enda oftast dýrasti þáttur ferðarinnar) en önnur varða t.d. mat, netið, söfn, flug og fleira.
Farangur - skilmálar
Fyrir þá ferðalanga sem ferðast töluvert á eigin vegum og fljúga gjarnan fyrsta legginn með íslenskum flugfélögum og síðan áfram með erlendum félögum, er eiginlega nauðsynlegt að velta fyrir sér hvaða skilmála flugfélög setja varðandi farangur. Er innifalið ein taska sem má tékka inn? Og ef svo er, hvað má hún vera þung? - Hvað með handfarangur? Hvað mega kílóin vera mörg í handfarangri fyrir utan fartölvu?
Og ef einungis handfarandur er innifalinn í flugmiðanum, hvað takmörk gilda þar? Hver er kostnaðurinn við að bæta við ferðatösku sem þarf að tékka inn? Borgar sig e.t.v. að greiða það strax við farmiðakaupin á netinu frekar en á flugvellinum sjálfum?
Eitt af því sem ferðalangar óttast hvað mest er að farangurinn skili sér ekki á færibandinu á áfangastað. Hver þekkir ekki kvíðann sem hríslast um huga og líkama þegar lengi er beðið? Flestir farþegarnir e.t.v. farnir úr farangurssalnum og svo LOKSINS birtist taskan og léttirinn er ólýsanlegur.
Hvað getur þú gert fyrirfram til að stuðla að því að farangurinn þinn skili sér, heill og óskemmdur?
Continue reading "Tíu heilræði og gott betur um farangur og flug" »
Myndbandsbútinn hér fyrir neðan mætti eins kalla "Að taka hreinlætið upp á næsta stig..." - Það heitir "A neat freak's guide to a clean suitcase". Einhverjir gætu haft gaman af...
Visit msnbc.com for breaking news, world news, and news about the economy
Oft eru það salernismálin sem eru okkur ofarlega í huga þegar þvælst er um t.d. stórborgir erlendis. Hvernig er hægt að komast á klósett án þess að þurfa að kaupa sér kaffibolla eða annað dýrum dómum á t.d. veitingastöðum?
Það þarf vissulega töluverða sjálfsbjargarviðleitni þegar verið er að bjarga sér undir þessum kringumstæðum...
Regla nr. 1 er að ferðast alltaf með pakka af pappírsþurrkum eða snýtuklútum sem geta komið sér vel þar sem stundum finnst engin klósettpappír...
Regla nr. 2 er að hafa ávallt smápeninga handbæra í veski eða vasa til að grípa til þegar það kostar sérstaklega að fara á klósettið eða þegar greiða þarf smá þjórfé til klósettvarða.
Það vita allir sem eitthvað ferðast að það er hreint ekki sama hvar setið er í flugvélum og hér er ekki verið að tala um muninn á t.d. Saga class og almennu farrými.
Sæti við ganginn eru almennt talinn heilsusamlegust því þar er auðvelt að standa upp og teygja úr sér sem getur skipt máli í löngu flugi. Gluggasætin eru hins vegar þægilegust fyrir þá sem ætla að fá sér "kríu" á leiðinni.
Það er oft hægt að finna kort af sætum flugvélanna á vefsíðum flugfélaga, en einnig er hægt að skoða vefsíðuna Seatguru.com sem býr raunar yfir margvíslegum öðrum upplýsingum.
Continue reading "Hvaða sæti er best að velja í flugvélinni?" »
Þekkir þú þinn rétt sem flugfarþegi?
Rétt er að benda á að lesa má sér til um allt er varðar réttindi flugfarþega á vef Flugmálastjórnar. Þar koma m.a. fram atriði sem varða seinkun á flugi, flugi aflýst, náttúruhamfarir, farþega neitað um far, líf- og líkamstjón, tjón á farangri og fleira.
Sem dæmi má nefna að þegar brottför seinkar um 2 klst. eða meira í styttra flugi og 3 klst. eða meira í lengra flugi (1,500 - 3,500 km) ber flugrekanda að aðstoða farþega á tiltekinn hátt s.s. að bjóða upp á hressingu eftir því hve töfin er löng. Tvö símtöl og tölvupóstur án endurgjalds, gisting auk ferða til og frá flugvelli ef þörf krefur.
Einnig má nefna reglur sem gilda um handfarangur og flugfélög á bannlista. Fróðlegur vefur sem ferðalangar ættu að hafa við hendina. ATH: Sé ágreiningur milli farþega og flugrekstraraðila er nú hægt að skjóta máli sínu til Flugmálastjórnar en breyting var gerð á lögum um loftferðir árið 2010 og hefur nú Flugmálastjórn úrskurðarvald í farþegamálum.
Upplýsingar um sama efni má einnig finna á vef Neytendastofu, www.neytendastofa.is.
[Uppfært í maí 2011]
Það er segin saga að þegar farið er að skoða stafrænu ljósmyndirnar úr draumaferðinni, þá má oftast ýmislegt að þeim finna, t.d. ójafnvægi í birtu og ljósi innan myndarinnar.
Í PC Magazine er að finna grein fyrir lengra komna - þá sem fikta við Photoshop og Photoshop Elements og vilja læra nokkur undirstöðuatriði til að laga myndirnar. Greinin heitir einfaldlega Four Ways to Improve Your Digital Photos.
Myndin hér að ofan hefur ekkert með efni greinarinnar að gera að öðru leyti en því að Ferðalangur var mikið að velta fyrir sér hvernig best væri að stilla myndavélina og birtuskilyrðin þegar þessi mynd var tekin fyrir nokkrum dögum í Römish Germanisches Museum í Köln af vagni sem hefur verið endurbyggður að hætti Rómverja.
Frá Amadeus.net kemur þessi þægilega og bráðnauðsynlega síða Subway Maps. Hér er hægt að fletta upp kortum af neðanjarðarlestarkerfum borga í öllum heimsálfum. Taka má dæmi eins og Búdapest, Köln, Barcelona, Berlín, London og ótal aðrar borgir.
Hafið þið ekki stundum tekið myndir á merkilegum og frægum stöðum og óskapast yfir öllum "túristunum" sem þvælast fyrir á myndunum? Nú er komin lausn á því þó Ferðalangur sjálfur hafi ekki prófað enn :-). Tourist Remover heitir það og er hluti af þjónustu (ókeypis) sem vefsíðan Snapmania.com veitir en þar er hægt að geyma myndir á vefnum (100 mb ókeypis) og skipuleggja þær og raða.
Þið takið nokkrar myndir af viðfangsefninu, hlaðið þeim inn á ykkar svæði hjá Snapmania.com og Tourist Remover blandar þeim saman og lætur "túristana" hverfa. Áhugasamir geta skráð sig fyrir eigin notendasvæði hér: https://my.snapmania.com/en/signup/.
Ert þú einn af þeim fjölmörgu ferðalöngum sem gjarnan bregða sér inn á Internet Café til að skoða tölvupóst, fara í heimabanka o.s.frv. í útlöndum?
Það kann að vera að stundum séu óprúttnir aðilar að nýta sér slíkar heimsóknir saklausra ferðalanga til að nálgast aðgangsorð að öllu mögulegu... en við getum gert sitt hvað til að takmarka líkurnar á því. Nánar um það í greininni 5 Tips Every Traveler Should Know About Internet Security á blogginu Brave New Traveler.
Hvað á að taka með í ferðina? Hvað á að skilja eftir? Hvenær ertu að fara og hvaða hitastigi má búast við? Hvað fara margir og verður farið með flugvél eða skipi?
Mats Henricson hefur dundað við vefsíðuna The Universal Packing List undanfarin 15 ár. Eiginlega mætti kalla síðuna hálfgert gagnasafn. Þar er hægt að setja inn upplýsingar og fá niðurstöður... tillögur um hvað gæti verið hentugt að taka með í ferðina. Listann er síðan hægt að prenta út eða fá í tölvupósti.
Ferðalangur vill vekja athygli lesenda sinna á pistli sem birtist í Morgunblaðinu í dag, fimmtudaginn 13. mars 2008 og heitir Ferðaflugur - Debetkrot og reiðufé ódýrasta leiðin. Pistillinn er liður í samstarfi Ians Watson, sem hefur m.a. langa reynslu sem ferðahandbókahöfundur og fararstjóri og Ferðalangs - Margrétar Gunnarsdóttur. Pistillinn er aðgengilegur í Greinasafni Morgunblaðsins.
Eins og nafn pistilisins ber með sér fjallar hann um gjaldeyrismál erlendis - hvað best er að gera í þeim efnum á erlendri grund. Niðurstaðan er í stuttu máli sú að langheppilegast er að nota debetkortið til að greiða fyrir vörur, hótel o.fl. erlendis en kemur svipað út að kaupa svolítið reiðufé hérlendis áður en lagt er í'ann og að taka reiðufé út úr hraðbanka erlendis með debetkorti. Meira um þetta í pistlinum:
http://www.mbl.is/mm/gagnasafn/grein.html?radnr=1199803
Eftirfarandi ráðleggingar eru þýddar og staðfærðar úr greininni 12 Lessons Learned from a Life on the Road af vefsíðu Frommers.com. Þær koma frá þaulvönum ferðamönnum sem þurfa mikið að ferðast vinnu sinnar vegna.
Þessir vönu ferðalangar segja sem svo "Það er engin skemmtun að ferðast..." Skrýtin fullyrðing en kannski ekki svo fráleit þegar hún er skoðuð betur. Það getur einfaldlega verið býsna erfitt að ferðast og mikil vinna. Ferðalög snúast ekki bara um brosandi flugfreyjur og notalegt starfsfólk í gestamóttöku... brosið er oft fljótt að hverfa eða í það minnsta að "stirðna" þegar einhver aukakostnaður kemur ferðafólki á óvart...
Journeywoman heitir vefsíða sem helgar sig ferðalögum kvenna víða um heim. Á einni síðu þeirra, An Expert's Safety Tips for Female Travellers, eru nokkur heilræði fyrir konur sem vilja gjarnan minnka líkurnar á að lenda í klónum á vasaþjófum á ferðum sínum um ókunnar slóðir.
Á síðunni er m.a. mælt með því að konur klæðist svipuðum fötum og aðrir þarlendir vegfarendur, að þær séu ekki í þröngum, áberandi fötum (!), beri poka með merki nálægrar matvörubúðar eða stórmarkaðar (og geymi jafnvel myndavélina þar...) o.s.frv. Fróðleg lesning og eitthvað til að velta fyrir sér.
