Ferðalangur

Með stórfjölskylduna til Króatíu

Ferðalangur fékk sérlega skemmtilegan pistli frá íslenskri konu um ferð stórrar fjölskyldu til Króatíu nú í sumar og var góðfúslega veitt leyfi til að birta ferðasöguna ef vera kynni að hún gæti gagnast fleirum sem e.t.v. hyggja á ferð til Króatíu í framtíðinni.

Við vorum 7 fullorðin og 6 börn ( við hjónin, börnin okkar, tengdabörn og barnabörn). Við höfum farið nokkrar ferðir til útlanda öll saman og alltaf tekið hús á leigu, m.a. við Gardavatn, í Toscana og á Cape Cod, allt hafa þetta verið frábærar ferðir en við vorum sammála um að Króatíuferðin væri sennilega sú albesta.

Áfangastaðurinn í Króatíu var stórt hús með fínum garði og sundlaug í pínulitlu miðaldaþorpi, Tinjan,  á miðjum Istriaskaganum.

Hluti fjölskyldunnar flaug út 2. júní, til München, þar sem teknir voru tveir stórir bílaleigubílar og ekið suður Austurríki með einni gistinótt í ágætri bændagistingu og síðan suður Slóveníu. Þar var að sjálfsögðu stoppað í Bled.  Hinn hluti fjölskyldunnar flaug til Pula í Króatíu 3. júní, með millilendingu í Osló. Það er nefnilega regla í fjölskyldunni að við fljúgum aldrei öll saman í sömu vél (gamla konan ég fæ að ráða því!).

Zagreb og norðurhluti Króatíu

Norðurhluti Króatíu og höfuðborgin Zagreb verða stundum útundan í umfjöllun um Króatíu. Greinin Northern Croatia: Castles, Character and Wine eftir Kent E. St. John segir frá ferð höfundar til Zagreb og nærliggjandi héraða s.s. héraðsins Slavoniu.

Hann kemur víða við og nefnir m.a. Hravatko Zagorje, héraðið þar sem Josip Broz, öðru nafni Tito, fyrrum Júgóslavíuforseti, fæddist. Einnig kemur höfundur við í bænum Samobor, rétt hjá Zagreb, í borginni Varazdin og í bæjunum Pozewga og Kutjevo í Slavoniu.

Skemmtileg lesning fyrir þá sem hyggja á ferð til Króatíu og vilja sjá eitthvað meira en fjölsóttustu ferðamannastaðina! 

Gisting
Hótel í Zagreb
Hótel í Króatíu og fjölbreyttir gistimögueikar

Ferðamálaráð Króatíu
www.croatia.hr

Króatía - Yfirlit

   Almennur fróðleikur 

Yfirlit: Króatía - land og þjóð
Saga Króatíu
Gagnlegar staðreyndir, kort og tölulegar upplýsingar um Króatíu.

Gisting

Gisting í Króatíu
Yfir 4000 sumarhús og íbúðir frá E-domizil víða í Króatíu.

Að strjúka tær í Split

Það er eitthvað barnslega skemmtilegt við hjátrúna sem fylgir mörgum frægum styttum. Komdu við tána, hendina, brjóstið - nú eða aðra líkamshluta og þá máttu óska þér hvers sem þú vilt.... Ein slík stytta prýðir borgina Split, höfuðstað Dalmatíuhéraðs í Króatíu - styttan mikla af 10. aldar biskupnum Grgur af Nin. Ef þú strýkur tána á biskupnum góða, sem löngu er orðin gullin og slípuð af strokunum gegnum aldirnar, þá máttu óska þér og óskin mun rætast...

Hótel Split í Split
Hótel frá Hotel Club
Ýmsar tegundir gistingar frá Hostelworld

Hum - minnsti bær í heimi?

Hunang og jarðkeppamauk í fallegum krukkum, leirvarningur og lavender, glagíólítiskt letur...og einungis 23 íbúar! Ekki má heldur gleyma hnausþykku samlokunni með heimatilbúna brauðinu, ostinum og skinkunni sem fékkst á eina veitingastaðnum í Hum - en á hana dugði ekkert minna en kjálkar afkomenda norrænna víkinga...

Allt þetta og meira til kemur í hugann þegar rifjuð er upp heimsókn til Hum sem líklega verður að telja einn af minnstu bæjum í heimi.

Myndir frá Króatíu

Ferðalangur heimsótti Króatíu fyrr í sumar og nú er hægt að skoða nokkrar myndir á Ferðalangi frá áfangastöðum eins og eyjunni Krk og samnefndum bæ sem er höfuðstaður eyjarinnar, bænum Opatija, Plitvice þjóðgarðinum o.fl.

Góða skemmtun!

Króatía - ýmsir ferðamöguleikar

Croatia Special: A star is born af vefsíðu timesonline.com lýsir mörgum af þeim möguleikum sem bjóðast ferðafólki í Króatíu. Annars vegar er fjallað um möguleika fyrir fjölskyldufólk og hins vegar fullorðna eingöngu.

Strendur Króatíu eru teknar fyrir, Istriaskaginn, sveitirnar og margt fleira. Skemmtileg grein fyrir þá sem vilja fá yfirlit um ferðamöguleika í Króatíu.

Gisting í Króatíu
HostelWorld, Venere, HotelClub.

Plitvice vötnin og þjóðgarðurinn

Það mætti ætla að það væri að bera í bakkafullan lækinn að bjóða Íslendingum að skoða vötn og fossa á erlendri grund. Óhætt er þó að fullyrða að Plitvice vötnin í samnefndum þjóðgarði í Króatíu, gleðji auga landans svo um munar.

Vötnin liggja um 110 km suður af Zagreb á aðalleiðinni til borgarinnar Split. - Þjóðgarðurinn, sem á króatísku heitir Plitvicka Jezera, komst á heimsminjaskrá UNESCO 1979 og þykir afar sérstakur. Um er að ræða vatnasvæði með rúmlega 16 vötnum og óteljandi fossum sem á sér áreiðanlega fáar hliðstæður hvað varðar litadýrð og fegurð.

Sigling um Dalmatíueyjar Króatíu

Hér er hugmynd fyrir stórfjölskylduna eða vinahópinn. - Vikusigling um Dalmatíueyjar Króatíu á þægilegum bát með "skipstjóra". Stórbrotin náttúra, höfrungar að leik, gömul þorp.... það verður vart betra! Í leiðinni er hægt að læra um bora - norðaustanvindinn sem blásið getur fyrirvaralaust og getur verið viðsjárverður fyrir sjófarendur og einnig hinn heita mistral vind.

Porec

Porec, í Króatíu, er einn af elstu bæjum á Istriaskaganum og jafnframt einn vinsælasti ferðamannabærinn.

Rómverjar gerðu sig heimakomna á þessum slóðum, m.a.s. fyrir Kristsburð svo og Feneyingar sem þarna sátu við völd á 13. - 18. öld og skildu eftir sig ýmiskonar minjar.

Vefsíða ferðamálaráðs
http://www.istra.com/porec/eng/
Netfang: tic@istra.com

Gisting í Porec
Hótel og gististaðir frá Venere

Flug
Með Ryanair frá London Stansted til Trieste á Ítalíu eða með EasyJet frá London Stansted til Ljubliana í Slóveníu.

Istriaskaginn (Istra)

Istria (Istra) heitir þríhyrndur skagi sem gengur út í Adríahafið nyrst í Króatíu og syðst í Slóveníu. Þessi fallegi skagi er eitt vinsælasta ferðamannasvæði Króatíu og þangað hafa streymt gestir síðan á sjöunda áratug 20. aldarinnar til að heimsækja staði eins og Rovinj, Vrsar, Umag, Novigrad og bæinn Porec sem er einna vinsælastur af þeim öllum.

Gisting á Istriaskaganum
Hótel og gististaðir frá Venere