Ferðalangur

Lestarferðir á Ítalíu

Háhraðalestarkerfið á Ítalíu hefur tekið miklum framförum á undanförnum árum og samgöngur milli annarra borga en eingöngu þeirra stærstu verða sífellt betri. Það er því hreint ekki svo galið að notfæra sér lestirnar þar sem við á.

Það er hins vegar ágætt að vita eitthvað um ítalska lestarkerfið áður en farið er af stað og hvernig best er að haga sér í því sambandi.

Reyndu að ferðast "létt"

Reyndu að hafa sem minnstan farangur - þetta er raunar góður siður burtséð frá ferðamátanum. En ef þú ert ekki á bílaleigubíl, þá þarf að hugsa málið öðruvísi.

TGV - með háhraðalest um Evrópu

Það getur í mörgum tilvikum verið góður kostur að skoða lestarferðir í stað flugs þegar komast þarf á milli staða á meginlandinu. Aðstæður ráða því hins vegar hvort þetta er ákjósanlegur valkostur, s.s. verð, fjarlægð, tímalengd ferðar o.s.frv.

TGV háhraðalestirnar  (í eigu frönsku lestanna) gera okkur kleift að bóka í gegnum vefinn sinn, eitthvað sem ekki er alltaf hægt fyrir okkur Íslendinga. Þeir sinna ferðum út um alla Evrópu og hægt að skoða hjá þeim kort yfir lestarnetið þeirra. Ýmis er miðinn sendur með pósti, hægt að nálgast hann hjá frönsku lestunum ef ferðin hefst í Frakklandi en einnig er í sumum tilvikum hægt að prenta hann út sjálfur.

Ekki er ólíklegt að verðið sé oft dýrara en með hefðbundnum lestum - en með góðum fyrirvara og smá sveigjanleika ætti oft að vera hægt að fá miða á ágætu verði.

 

Senda á Facebook

Kort af neðanjarðarlestarkerfi í öllum heimsálfum

Frá Amadeus.net kemur þessi þægilega og bráðnauðsynlega síða Subway Maps. Hér er hægt að fletta upp kortum af neðanjarðarlestarkerfum borga í öllum heimsálfum. Taka má dæmi eins og Búdapest, Köln, Barcelona, Berlín, London og ótal aðrar borgir. 

Slóðin: http://www.amadeus.net/home/new/subwaymaps/en/.

International Train Planner - lestarferðir

Þeir sem vilja skipuleggja og plana sínar lestarferðir sjálfir, taka sjálfsagt fagnandi á móti eftirfarandi síðu: International Train Planner. Þarna er hægt að skoða lestarferðir í Evrópu á alla enda og kanta.

Tillögur að lestarferðum um Evrópu

Í greininni Four rail routes to follow in Europe af vefsíðu Times Online má lesa um fjórar skemmtilegar hugmyndir að lestarferðum um Evrópu fyrir ferðalanga sem vilja njóta þess að skoða Evrópu á þann hátt. Lestirnar eru nefnilega til "ennþá" - hvað sem líður öllum lágfargjaldaflugfélögum :-)...

Miða má t.d. kaupa hjá EuropeonRail.

Leiðirnar eru eftirfarandi:

Ódýrari lestarmiðar - stundum

Það getur verið býsna gaman að ferðast um í lestum í Evrópu. Oftast setur maður "hugann"  í ákveðnar stellingar þar sem uppskriftin að rétta hugarfarinu innifelur m.a. aukaskammt af þolinmæði, ásetning um að vera tilbúinn að spjalla við samferðafólkið, jafnaðargeð þó e.t.v. fáist ekki alltaf sæti og svo loks nóg af lesefni!

Með þessum hætti nálgast maður oft landið sem ferðast er um á allt annan og skemmtilegri hátt en á sínum "einkabíl". - En... á að kaupa einstaka miða eða lestarpassa?

Að nota "Métro" í París

Hér er góð hjálp fyrir þá sem þurfa að nota "Metro" - neðanjarðarlestirnar í París. Vefsíðan Paris Métro frá Europeforvisitors.com veitir afar hagnýtar upplýsingar um hvernig best er að kaupa miða, hvernig best er að "haga sér" þegar í lestirnar er komið - og loks góðir tenglar um neðanjarðarlestarkerfið almennt.

Að rata á milli staða í París

Hvernig er best fyrir ferðalanginn að koma sér á milli hverfa og borgarhluta í París?

Ratp.info er afar gagnlegur vefur fyrir ferðalanga til Parísar og veitir upplýsingar um allar almenningssamgöngur í París, þ.e. neðanjarðarlestir - öðru nafni jarðlestir (Metro), hraðlestirnar (RER), almenningsvagna og sporvagna.

Einnig er að finna upplýsingar um ferðir að næturlagi, ferðir til og frá flugvöllum Parísar og farmiða.

Hótel og fjölbreytt gisting í París

 Uppfært nóv. 2010

Samgöngur í London

Hér kemur frábær síða fyrir Lundúnafara - London Transportation.  Allt um ferðir innan London (í víðustu merkingu) hvort sem um er að ræða lestir, neðanjarðarlestir, strætisvagna, báta eða sporvagna. Þú velur ferðamátann, slærð inn brottfararstað og ákvörðunarstað í Journey Planner og skoðar síðan tillögur um ferðatilhögun, kort, tímasetningar, tímalengd o.fl.

Á síðunni birtast einnig ýmis konar tilkynningar um umferðina í London og vandamál á einstaka leiðum.

Dæmi: Ég sló inn brottfararstað "Marble Arch" og áfangastað "London Heathrow". Valdi síðan "airport central" og fékk m.a., auk nákvæmra upplýsinga, uppgefið að það væru vandamál á þessari leið í augnablikinu.

Hótel í London og fjölbreyttir gistimöguleikar

Uppfært nóv. 2010

Að eyða nóttinni í lest...

Það hentar ekki öllum að ferðast með lestum. Yngra fólk er trúlega duglegra við það en eldra en kannski snýst málið fyrst og fremst um góða skipulagningu og að hafa ekki of mikinn farangur! Ef spara á gistikostnað þegar ferðast er um Evrópu, er einn möguleiki sá að ferðast með næturlestum af og til ef fara þarf langar vegalengdir á einu bretti.

Í greininni Save money overnight on a train eru gefnar ýmsar ábendingar í þessum efnum varðandi ferðalög í Evrópu.

Glacier Express - frá St. Moritz til Matterhorn

Ferð með Glacier Express um svissnesku alpana er án efa ein markverðasta og minnistæðasta lestarferð sem hægt er að hugsa sér.

Síðastliðin 75 ár hefur lestin, sem stundum er kölluð "hægasta" hraðlest í heimi, flutt ferðamenn frá hinum heimsfræga skíða- og ferðamannastað St. Moritz og skilað þeim til Zermatt við rætur Matterhorn. Lestarferðin tekur um 7 1/2 tíma ef ekki er stansað sérstaklega á neinum stað.

Raunar er hægt er að fara með öðrum lestum þessa sömu leið á ódýrari hátt, ef menn vilja losna við aðra ferðamenn ;-) þó þær heiti ekki þessu virðulega nafni "Glacier Express".

Kort yfir neðanjarðarlestir í ýmsum borgum

Neðanjarðarlestarkerfi geta verið fádæma þægilegur ferðamáti í stórborgum. En þegar komið er í nýja borg getur vissulega gætt smá óöryggis hjá ferðalöngum þegar verið er að læra á nýtt kerfi. Það getur því komið sér vel að vera búinn að skoða fyrirfram kort af neðanjarðarlestarkerfi viðkomandi borgar.

 

Lítið á neðanjarðarlestarkerfi í ýmsum borgum Evrópu og raunar út um allan heim.