Kæri ferðalangar!
Mínar bestu óskir um gleðilegt nýtt ár með þakklæti fyrir samfylgdina á síðastliðnu ári.
Ferðalangur hefur verið hljóður um nokkurt skeið, enda mestöll einbeitingin farið í að semja rafræna handbók sem væntanlega verður boðin áhugasömum ferðalöngum skömmu eftir áramótin. Handbókin tekur á sem flestum atriðum sem skipta máli þegar ferðalagið er skipulagt á netinu með það að markmiði að LÆKKA FERÐAKOSTNAÐ eins og hægt er. Fylgist með :)...
Hefur þér einhvern tímann dottið í hug að nota myndavélina þína til að varðveita upplýsingar/hluti sem gætu komið sér vel síðar?
Hér koma fimm slíkar hugmyndir:
Continue reading "Fimm "bestu" ljósmyndirnar sem þú gætir tekið" »
Kannist þið ekki við að vera ávallt í vandræðum með smádót á ferðalögum eins og síma- og myndavélasnúrur, Ipod, myndavél o.fl.? Hér er ágætis lausn á því - lítið veski sem heitir Grid-it. Þau eru raunar til í nokkrum útgáfum. Í veskinu er hægt að festa smáhlutina undir breiðum og góðum teygjum sem halda þeim skikkanlega á sínum stað. Veskin fást hér.
Annar möguleiki er að nota hreinlega hárteygjur til að festa saman snúrur og smáhluti á ferðalögum og sumir nota hreinlega pappahólkana innan úr klósettrúllum fyrir snúrur - vefja þær upp og troða þeim í hólkana!
Síðast en ekki síst er oft hægt að fá glæra poka með rennilás í ýmsum verslunum og geyma smádótið í þeim.
Senda á Facebook
Farangur - skilmálar
Fyrir þá ferðalanga sem ferðast töluvert á eigin vegum og fljúga gjarnan fyrsta legginn með íslenskum flugfélögum og síðan áfram með erlendum félögum, er eiginlega nauðsynlegt að velta fyrir sér hvaða skilmála flugfélög setja varðandi farangur. Er innifalið ein taska sem má tékka inn? Og ef svo er, hvað má hún vera þung? - Hvað með handfarangur? Hvað mega kílóin vera mörg í handfarangri fyrir utan fartölvu?
Og ef einungis handfarandur er innifalinn í flugmiðanum, hvað takmörk gilda þar? Hver er kostnaðurinn við að bæta við ferðatösku sem þarf að tékka inn? Borgar sig e.t.v. að greiða það strax við farmiðakaupin á netinu frekar en á flugvellinum sjálfum?
Myndbandsbútinn hér fyrir neðan mætti eins kalla "Að taka hreinlætið upp á næsta stig..." - Það heitir "A neat freak's guide to a clean suitcase". Einhverjir gætu haft gaman af...
Visit msnbc.com for breaking news, world news, and news about the economy
Oft eru það salernismálin sem eru okkur ofarlega í huga þegar þvælst er um t.d. stórborgir erlendis. Hvernig er hægt að komast á klósett án þess að þurfa að kaupa sér kaffibolla eða annað dýrum dómum á t.d. veitingastöðum?
Það þarf vissulega töluverða sjálfsbjargarviðleitni þegar verið er að bjarga sér undir þessum kringumstæðum...
Regla nr. 1 er að ferðast alltaf með pakka af pappírsþurrkum eða snýtuklútum sem geta komið sér vel þar sem stundum finnst engin klósettpappír...
Regla nr. 2 er að hafa ávallt smápeninga handbæra í veski eða vasa til að grípa til þegar það kostar sérstaklega að fara á klósettið eða þegar greiða þarf smá þjórfé til klósettvarða.
Ferðalangur er loksins mættur fyrir alvöru á Facebook. Það væri aldeilis frábært ef þið lituð á hann þar og smelltuð á eins og eitt stykki "LIKE" :).
Facebook er nefnilega kjörinn staður fyrir stuttar en áhugaverðar tilkynningar um efni sem lifir e.t.v. ekki lengi á vefsíðum en getur gagnast fólki strax s.s. tilboð sem gilda eingöngu í fáeina daga, ábendingar um greinar og annað áhugavert efni. Verið með frá byrjun!
Ferðalangur á Facebook
Þekkir þú þinn rétt sem flugfarþegi?
Rétt er að benda á að lesa má sér til um allt er varðar réttindi flugfarþega á vef Flugmálastjórnar. Þar koma m.a. fram atriði sem varða seinkun á flugi, flugi aflýst, náttúruhamfarir, farþega neitað um far, líf- og líkamstjón, tjón á farangri og fleira.
Sem dæmi má nefna að þegar brottför seinkar um 2 klst. eða meira í styttra flugi og 3 klst. eða meira í lengra flugi (1,500 - 3,500 km) ber flugrekanda að aðstoða farþega á tiltekinn hátt s.s. að bjóða upp á hressingu eftir því hve töfin er löng. Tvö símtöl og tölvupóstur án endurgjalds, gisting auk ferða til og frá flugvelli ef þörf krefur.
Einnig má nefna reglur sem gilda um handfarangur og flugfélög á bannlista. Fróðlegur vefur sem ferðalangar ættu að hafa við hendina. ATH: Sé ágreiningur milli farþega og flugrekstraraðila er nú hægt að skjóta máli sínu til Flugmálastjórnar en breyting var gerð á lögum um loftferðir árið 2010 og hefur nú Flugmálastjórn úrskurðarvald í farþegamálum.
Upplýsingar um sama efni má einnig finna á vef Neytendastofu, www.neytendastofa.is.
[Uppfært í maí 2011]
Það er nauðsynlegt fyrir marga að eiga nafnspjöld og geta afhent þau við ýmis tækifæri, svo sem á ferðalögum, ráðstefnum, á fundum, í viðskiptum og annars staðar þar sem við á.
Sem betur fer þarf ekki ekki að borga fleiri þúsundir fyrir nafnspjöld því hægt er með góðu móti að fá ókeypis - já, frítt 250 stykki af nafnspjöldum með því að panta þau erlendis frá. Mér er ekki kunnugt um þennan möguleika hérlendis.
Hjá Vista Print getur þú pantað 250 ókeypis nafnspjöld og valið úr 42 útlitstegundum. Þú borgar einungis fyrir vinnslu og sendingarkostnaðinn til landsins. Ég hef sannreynt þetta sjálf og það stendur allt eins og stafur á bók.
Kynntu þér möguleikana - þetta gæti verið lausnin fyrir þig
Continue reading "Ókeypis eða ódýr nafnspjöld í ferðalagið" »
Fyrir þá ferðalanga sem nota Ipod eða aðra álíka spilara er upplagt að búa sig undir langar flugverðir, akstur eða lestarferðir með því að hafa hljóðbækur til taks. Og það besta er að ekkert fer fyrir þeim!
Það er mikill misskilningur að hljóðbækur séu eingöngu fyrir börn, eldri borgara eða blinda/sjónskerta. Hljóðbækur eru alveg frábærar við ýmis tækifæri.
Ferðalangur sjálfur hefur ánetjast hljóðbókum af glæsilegum vef frá fyrirtækinu Audible sem býður upp á eitt mesta úrval hljóðbóka á ensku, yfir 30.000 titla af öllu tagi. Og þeim er hægt að hala umsvifalaust niður og hlusta á í tölvunni, brenna á geisladisk eða nota í Itunes og setja á Ipod eða í aðra mp3 spilara. Hægt er að prófa frítt í 14 daga. Það sem er hvað skemmtilegast er að geta hlustað á kafla úr hverri einustu bók áður en hún er keypt.
Er fjölskyldan að ferðast saman? Vinahópurinn? Vinnustaðurinn? Afhverju ekki að fá ódýra en vandaða áprentaða boli svo einfaldara verði að þekkja meðlimi hópsins frá öðrum í mannþröng, á lestarstöðvum og flugvöllum?
Eða bara áletraðan bol fyrir þig með skemmtilegri mynd eða texta sem vakið getur forvitni annarra og jafnvel skapað samræður á ferðalaginu! Til dæmis með setningu á íslensku...
Áletraður bolur með íslenskum texta eða mynd frá Íslandi getur líka verið prýðisgjöf til vina og kunningja erlendis. Sparaðu og hannaðu bolinn sjálf/sjálfur!
Continue reading "Þú hannar bolinn fyrir ferðina og sparar í leiðinni!" »
Frá Amadeus.net kemur þessi þægilega og bráðnauðsynlega síða Subway Maps. Hér er hægt að fletta upp kortum af neðanjarðarlestarkerfum borga í öllum heimsálfum. Taka má dæmi eins og Búdapest, Köln, Barcelona, Berlín, London og ótal aðrar borgir.
Ferðalangur vill vekja athygli lesenda sinna á pistli sem birtist í Morgunblaðinu í dag, fimmtudaginn 13. mars 2008 og heitir Ferðaflugur - Debetkrot og reiðufé ódýrasta leiðin. Pistillinn er liður í samstarfi Ians Watson, sem hefur m.a. langa reynslu sem ferðahandbókahöfundur og fararstjóri og Ferðalangs - Margrétar Gunnarsdóttur. Pistillinn er aðgengilegur í Greinasafni Morgunblaðsins.
Eins og nafn pistilisins ber með sér fjallar hann um gjaldeyrismál erlendis - hvað best er að gera í þeim efnum á erlendri grund. Niðurstaðan er í stuttu máli sú að langheppilegast er að nota debetkortið til að greiða fyrir vörur, hótel o.fl. erlendis en kemur svipað út að kaupa svolítið reiðufé hérlendis áður en lagt er í'ann og að taka reiðufé út úr hraðbanka erlendis með debetkorti. Meira um þetta í pistlinum:
http://www.mbl.is/mm/gagnasafn/grein.html?radnr=1199803
Það er komið haust, senn líður að jólum og ekki ólíklegt að einhverjir taki sig upp og heimsæki jólamarkaði í löndum mið-Evrópu í desember.
Á jólamörkuðunum ríkir afskaplega notaleg og afslöppuð stemming eins og margir þekkja nú þegar. Markaðirnir eru haldnir utandyra, þar sem sölumenn koma sér fyrir í básum, fagurlega skreyttum þar sem hillur svigna undan gjafavöru, jólabakkelsi af ýmsu tagi, handverki o.fl.
Loks er upplagt að bragða á jólaglöggi og fá sér pylsur þegar maginn segir til sín!
Oftast eru markaðirnir haldnir á torgum nálægt kirkjum, bæði í bæjum og borgum. Fyrir þá sem vilja forvitnast meira um hvar svona markaði er að finna má benda á eftirfarandi vefi:
Mynd: Jólamarkaður í Rothenburg, Þýskalandi
Rómverjar til forna voru duglegir að stunda heilsuböð og þarf ekki annað en að skoða Caracalla böðin í Róm til að sannfærast um það (sbr. mynd hér til hliðar).
Nútímamaðurinn gerir sér sem betur fer líka grein fyrir gildi heilsulinda og heilbrigðs lífernis. Sífellt fjölgar þeim sem ferðast sér til heilsubótar og þar koma hvers kyns heilsuhæli og heilsulindir sterkar inn. Á vef Frommers.com er hægt að hlusta á podcast, Doing a Spa on Any Budget, þar sem fjallað er um margvíslega möguleika til heilsuferða um víða veröld, meðferðarmöguleika fyrir bæði menn og konur o.fl.
Hægt er að gerast áskrifandi að "podcast" hjá Frommers hér: www.frommers.com/podcast/
Ferðalangur hefur löngum ætlað sér að ná því markmiði að koma til þeirra landa Evrópu sem minnst eru og þarf með einhverju móti að komast til Möltu og Andorra til að standa við það...
Í greininni Europe's Tiniest Nations af vefsíðu Fodors.com, má fá ágætis yfirlit yfir Andorra, Monakó, San Marino, Liechtenstein, Vatikanið og Möltu.
Öll eru þessi ríki afar smá, Malta hefur aðeins rúmlega 400.000 íbúa og Vatikanið nákvæmlega 557 íbúa!
Lítið á www.coolcapitals.com! Þar gefur að líta nýstárlega og skemmtilega síðu um Amsterdam, Antwerpen, Valencia, Vín og Zürich með öllum mögulegum upplýsingum sem ferðamenn gætu þarfnast, s.s. upplýsingar um listir, arkítektúr, tísku, matarmenningu, verslanir, viðburði o.fl.
Það sem gerir þessa síðu skemmtilega er hversu sjónræn hún er!
Hér kemur ágætur tékklisti fyrir gleymna ferðalanga, sem hægt er að hlaða niður og prenta út. Hvað þarf að muna áður en haldið er í ferðalag? Ýmislegt varðandi frágang heimilis, ferðagögn, farangur, aukahlutir sem tæknin kallar á, lyf, snyrtivörur og margt fleira.
Sækja tékklista fyrir ferðalanga
Uppfært nóv. 2010
