Ferðalangur

Siglingar um heimsins höf - eða á stórfljótum Evrópu

Ferðalangur kynnir skemmtilegan möguleika varðandi siglingar á vegum CruiseCompete. Þú velur á hvaða tíma þér hentar að fara, hvert þú vilt fara og jafnvel með hvaða siglingafélagi (af þeim 29 sem í boði eru) og síðan lætur þú gera þér tilboð í ferð. 

Þú eignast þitt svæði á vef CruiseCompete og færð síðan meldingu um að komin séu tilboð frá sölumönnum ýmissa ferðaskrifstofa. Þú ert ekki bundinn af neinu, heldur getur skoðað tilboðin og metið.

Í boði eru ferðir frá borgum um heim allan, bæði borgir innan Evrópu, í Bandaríkjunum og víðar. Þetta er spennandi leið og gæti þýtt umtalsverðan sparnað ef tilboðin eru góð. Sérstaklega er vert að benda á siglingar milli fegurstu borga Evrópu á stórfljótum eins og t.d. Dóná.

Vefsíður um skemmtiferðaskip og siglingar

Siglingar geta verið afskaplega skemmtilegur ferðamáti sem þó hentar vafalaust ekki öllum. Þess vegna getur verið gott að hafa aðgang að ýmis konar fróðleik og greinum til að geta betur gert sér grein fyrir hvort þessi einstaki ferðamáti henti eður ei!

CruiseMates: The Complete Online Cruise Guide and Community
www.cruisemates.com
Þetta er óháður vefur sem ekki hefur neinna hagsmuna að gæta hjá siglingafélögum. Hér er hægt að finna nýjar og áreiðanlegar upplýsingar og greinar fyrir þá sem ekki þekkja vel inn á þennan "bransa".

Ertu á leiðinni í siglingu í sumar?

Hefurðu einhvern tímann komið um borð í skemmtiferðaskip? Sé svo, er ekki ólíklegt að umhverfi, venjur og hefðir um borð hafi virkað yfirþyrmandi í fyrstu.

Ferðalangur hefur sjálfur ekki orðið svo frægur að sigla með skemmtiferðaskipi en hefur næst komist því með siglingu á risaferju milli Genova og Sikileyjar á Ítalíu og það var kapítuli út af fyrir sig vegna stærðar skipsins!

European Boating Holidays

Ferðalangur hafði spurnir af nýlegu bresku fyrirtæki, European Boating Holidays, sem býður siglingar á leigubátum um skurði, ár og vötn í Evrópu. Fyrirtækið ku vera annað stærsta fyrirtækið á þessu sviði og býður báta í Frakklandi, Hollandi, Ítalíu, Írlandi, Póllandi og í Þýskalandi.

Nánari upplýsingar:
http://www.europeanboatingholidays.co.uk/

Vertu þinn eigin "skipper"

Þeir sem hafa látið sig dreyma um að taka bát á leigu t.d. í Evrópu, ættu að skoða ljómandi góða grein frá Fodors: Take Me to the River -- Or to a Fjord, a Lake, or Bayou. Þar eru nokkrir tenglar sem komið geta að gagni. Sjá t.d. hér fyrir neðan:

Siglingar á ám og vötnum í Skotlandi og Frakklandi

Ferðalangi barst bréf frá fjölskyldu sem hefur mjög gaman af bátasiglingum á ám og vötnum í Evrópu. Þau hafa m.a. siglt í Skotlandi á Caledonian Canal, um vötnin þrjú milli austur- og vesturstrandar Skotlands. Einnig hafa þau siglt í Burgundy í Frakklandi. Ferðirnar voru pantaðar á netinu.

Fjölskyldan var svo vinsamleg að vilja deila með lesendum þeim vefsíðum sem notaðar voru og eftirfarandi upplýsingar eru teknar beint upp úr bréfi fjölskyldunnar:

Bátsferðir um Bretland

Það hefur lengi verið draumur að ferðast um Bretland á bát... fara í síkjasiglingu með meiru. Gaman væri að heyra frá lesendum Ferðalangs ef einhver hefur látið verða af slíku og getur gefið góðar ábendingar.

Bretar kalla þetta "Canal holidays" og hér fyrir neðan eru nefndar nokkrar góðar síður  sem fengust úr grein frá Telegraph um slíkar ferðir.