Ferðalangur

Berlín - ódýrara í Friedrichshain

Berlín er endalaus uppspretta þeirra sem skrifa um ferðalög. Ferðalangur rakst nýlega á ábendingu sem vert er að deila með lesendum.

Hverfið Friedrichshain í Berlín er að verða nokkuð þekkt sem skemmtilegt verslunarhverfi. Þar er lítið um verslunarkeðjur en meira um óhefðbundnar, sjálfstæðar verslanir sem selja vörur sínar mun ódýrara en hægt er að finna í öðrum hverfum.

Aðal lífið í hverfinu er að finna í kringum Boxhagener Platz, garðinum sem hýsir vinsælan bændamarkað á laugardögum og skemmtilegan flóamarkað á sunnudögum.

Næturlífið í Friedrichshain er líflegt - verslanir eru gjarnan opnar til kl. 20.00 á kvöldin og þjóna þá gjarnan viðskiptavinum sem e.t.v. hafa farið seint í háttinn kvöldið áður...

• Hótel í Berlín
• Tilboð á hótelum í Berlín fyrir næstu sex vikur
• Ferðahandbækur á pdf formati (líka einstaka kaflar) fyrir Þýskaland/Berlín og ferðaforrit fyrir Iphone

 

Senda á Facebook

Friedrichshafen: Ódýr hótel næstu 6 vikur

Ódýr hótel í Friedrichshafen næstu 6 vikur. Upplýsingarnar uppfærast dag frá degi.

ATH: Það getur tekið örfáar sekúndur fyrir þær að birtast.

Ódýr hótel í Friedrichshafen næstu 6 vikur:

Mynd af Wikimedia commons

• Ferðahandbækur á pdf formati (líka einstaka kaflar) fyrir Þýskaland og ferðaforrit fyrir Iphone

Senda á Facebook

Hamborg: Ódýr hótel næstu 6 vikur

Ódýr hótel í Hamborg næstu 6 vikur. Upplýsingarnar uppfærast dag frá degi.

ATH: Það getur tekið örfáar sekúndur fyrir þær að birtast.

Ódýr hótel í Hamborg næstu 6 vikur:

Mynd af Wikimedia commons

Ferðahandbækur á pdf formati (líka einstaka kaflar) fyrir Þýskaland og ferðaforrit fyrir Iphone

Senda á Facebook

Að komast frá flugvellinum í München inn í borg

Það er mikið annríki á flugvellinum í München en hann er vel skipulagður og auðvelt að komast inn í borg.

Flugvöllurinn skiptist í tvo hluta (tvo "terminala") og er stutt að fara á milli þeirra.  Á milli terminal 1 og 2 er miðlægt svæði þar sem finna má margvíslega þjónustu og aðstöðu. Þar er m.a. upplýsingaþjónusta fyrir komufarþega (opin 24 tíma á sólarhring).

 

Senda á Facebook

Hótel í Friedrichshafen

Það er vinsælt að fljúga til Friedrichshafen á sumrin. Það getur verið gott að vita af hótelum til að gista á í eina nótt (nú eða fleiri!) við komu eða brottför í nágrenni flugvallarins. Það má reyndar geta þess að svæðið í kringum Friedrichshafen er afar fallegt og hreint ekkert sem mælir á móti því að dvelja þar í nokkrar nætur. Íslendingar hafa m.a. gist á eftirfarandi hótelum:

Hotel Schöllhorn
Aðeins um 10 mín. akstur frá flugvellinum. Zeppelin-Haus og safn eru í 5 mín. fjarlægð. Járnbrautarstöðin í 300 m fjarlægð. Internet. Ókeypis bílastæði.

Hotel-Restaurant Traube***
Staðsett í útjaðri Friedrichshafen í 3ja km fjarlægð frá Bodensee og miðbæ Friedrichshafen. Internet. Ókeypis bílastæði.

Hacienda Hotel Restaurant
Lítið, fjölskyldurekið hótel nálægt miðbæ Friedrichshafen og aðeins 1.2 km frá Bodensee. Aðeins 3ja mín. akstur frá flugvellinum. Ekkert Internet.  Ókeypis bílastæði.

• Fleiri gistimöguleikar í nágrenni Friedrichshafen flugvallar
• Ferðahandbækur á pdf formati (líka einstaka kaflar) fyrir Þýskaland og ferðaforrit fyrir Iphone

Senda á Facebook

Hótel hjá Frankfurt Hahn flugvelli

Það eru margir sem nýta sér flug til Frankfurt Hahn - en ekki allir sem átta sig í fyrstu á að þetta er ekki flugvöllurinn við stórborgina Frankfurt am Main. Vinsælt er að gista í grennd við flugvöllinn, t.d. síðustu nóttina áður en flogið er heim. Hér má lesa um tvo gististaði sem Íslendingar hafa notað og tenglar í fleiri.

Airport-Hotel Fortuna***
Fjölskyldurekið hótel rétt við flugvöllinn, 5 mín. gangur/hægt að hringja eftir „skutlu“. Gjaldfrjáls bílastæði. Hljóðeinangraðir gluggar. Morgunverður ekki innifalinn. Hótelið fær mjög góða einkunn.

Landhotel Airport-Inn***
Staðsett í 1.2 km fjarlægð frá flugvellinum. Flugvallarskutla. Hljóðeinangruð herbergi. Veitingastaður. Internet.  Morgunmatur ekki innifalinn.  Gjald tekið fyrir bílastæði. Hótelið fær ágæta einkunn.  

• Fleiri gistimöguleikar í nágrenni Hahn flugvallar
• Ferðahandbækur á pdf formati (líka einstaka kaflar) fyrir Þýskaland og ferðaforrit fyrir Iphone

Senda á Facebook

Hótel í Frankfurt am Main

Eftirfarandi hótel/íbúðir eru meðal þeirra sem Íslendingar hafa gist á í Frankfurt am Main.

Apartments Duval
Sex góðar íbúðir í virðulegri byggingu á bökkum Main (sjá mynd hér til vinstri). Aðaljárnbrautarstöðin í göngufæri og stutt í neðanjarðarlest. Stutt í góða veitingastaði hinum megin við ána. Fín aðstaða. Internet í sumum íbúðum. (Ferðalangur hefur sjálfur dvalið þarna)

Concorde****
Staðsett í hjarta Frankfurt gegnt aðaljárnbrautarstöðinni. Allt það helsta í göngufæri, t.d. 800 m frá sýningarsvæðinu (bókamessunni) og einungis 15 mín. lestarferð á flugvöllinn.

Hotel Miramar Golden Mile****
Lítið hótel í hjarta Frankfurt, stutt í Römer Platz þar sem jólamarkaðurinn er haldinn á aðventunni. 100 m í hús Goethe og 80 m í bankahverfið. Internet.

Hótel í Berlín

Nokkur hótel sem lesendur Ferðalangs hafa gist á í Berlín:

ArtHotel Connection (Gay Hotel/Hetero Friendly)
Vinsælt „gay hverfi“, örstutt frá Kurfürstendamm.  Internet. Club Connection næturklúbburinn er í sömu byggingu, einnig kvikmyndahús. Ókeypis kaffi, te og sætabrauð er ávallt á boðstólum allan daginn í morgunverðarsalnum. Internet. Hótelið fær góða einkunn (sjá mynd til vinstri).

Adina Apartment Hotel Berlin Checkpoint Charlie****
Íbúðahótelið er í gamla Mitte hverfi mið-Berlínar. Aðeins 5 mín. gangur að Friedrichstrasse, Checkpoint Charlie og Gendarmenmarkt torgi. Heilsurækt, sundlaug. Internet. Íbúðirnar fá glæsilega einkunn.

Skemmtileg "miðaldahljómsveit" - Spekulatius á jólamarkaði í Köln

Ferðalangur brá sér á jólamarkaði í Þýskalandi fyrir skömmu og rakst þar á skemmtilegan "miðaldajólamarkað" rétt utan við hið svokallaða Súkkulaðisafn í Köln sem stendur rétt við ána Rín. Þar spilaði hljómsveitin Spekulatius (held ég fari rétt með nafnið!) og flutti e.k. miðaldatónlist sem áhorfendur kunnu vel að meta þrátt fyrir sudda og rigningu.

Senda á Facebook

München: Ódýr hótel næstu 6 vikur

Mynd frá paspog á Flickr

 Ódýr hótel í München næstu 6 vikur. Upplýsingarnar uppfærast dag frá degi.

Frankfurt am Main: Ódýr hótel næstu 6 vikur - tilboð

Mynd frá zacke82á Flickr

 Ódýr hótel í Frankfurt am Main næstu 6 vikur. Upplýsingarnar uppfærast dag frá degi.

Berlín: Ódýr hótel næstu 6 vikur - tilboð!

 Einstök tilboð - Ódýr hótel í Berlín næstu 6 vikur. Upplýsingarnar uppfærast dag frá degi.

Íbúð í Berlín

Íslensk hjón vilja vekja athygli á íbúð sem þau geta leigt íslenskum ferðalöngum á besta stað í Berlín. Slóðin er: www.simnet.is/tabla og þar stendur m.a.:

"Íbúðin er í Lychener strasse í Prenzlauer Berg sem er líflegt og vinalegt hverfi og tilheyrir hinum gamla borgarhluta Berlínar. Flest húsin í hverfinu eru fallega uppgerð í gamla andanum og þau hreinlega skína af nýrri málningu. - Í hverfinu er mikið úrval af skemmtilegum verslunum, börum, kaffihúsum og klúbbum. Um leið og komið er út úr íbúðinni er gengið inn í fjölbreytt og áhugavert mannlífið. Frábær bakarí eru í næsta nágrenni."

Ódýr og þægileg gisting í Frankfurt

Apartments Duval heitir ágætis gistimöguleiki í Frankfurt.

Um er að ræða íbúðir í venjulegu íbúðarhúsi við ána Main í hverfi sem heitir Bahnhofsviertel.

Íbúðirnar eru í göngufjarlægð frá járnbrautarstöðinni, Óperan í Frankfurt er rétt hjá og sömuleiðis gyðingasafnið "Jewish Museum" í fárra skrefa fjarlægð. Stutt í U-bahn (neðanjarðarlest) og yfir í Sachsenhausen hverfið.

Þetta er ódýr og þægileg gisting fyrir þá sem kjósa að hafa eldhúsaðstöðu og ráða sér svolítið sjálfir.

Góður veitingastaður í Frankfurt

Mynd frá markusbaumgartnerá Flickr

Óhætt er að mæla með  veitingastað í Frankfurt sem Ferðalangur prófaði sjálfur nú á dögunum. Það er lítill franskur staður sem heitir Coq au Vin og liggur á horni Schweizerstrasse og Textorstrasse í borgarhlutanum Sachsenhausen.

Það er líkast til vissara að panta ef fólk vill vera öruggt um að fá pláss t.d. um helgar.

Ódýr gisting miðsvæðis í Köln

Ferðalangur brá sér í stutta heimsókn til Þýskalands á dögunum og lenti fyrir einskæra tilviljun í merkilegu hótelherbergi í borginni Köln. Þarna var um að ræða einstaklega vel staðsett hótel í hjarta borgarinnar, við Altmarkt sem heitir CityClass Hotel Europa am Dom. 

Ferðalangur kom seint að og fékk trúlega síðasta 2ja manna herbergið sem laust var uppi á hanabjálka. Fyrst þurfti að taka lyftu upp á 4. hæð, ganga síðan upp á 5. hæð. Þar blöstu við hefðbundnar hótelhurðir merktar 501, 502 o.s.frv. nema hvað á einum stað blöstu við kolsvartar dyr sem litu út eins og þeim hefði verið troðið með valdi á milli 2ja annarra - alveg út úr kortinu.

Hjólað í Þýskalandi

Þann 2. ágúst 2007 birtist í Morgunblaðinu grein um íslensk hjón sem fóru í hjólaferð um Rínardalinn. Þau voru á eigin vegum að öðru leyti en því að þýsk ferðaskrifstofa sá um alla skipulagningu hjólaferðarinnar.

Ferðalangur rak augun í að það var greinilega mikil ánægja með þessa ferðaskrifstofu sem heitir Velociped og er staðsett í Marburg í Þýskalandi. Þar er einnig hægt að velja upplýsingar á ensku.

Berlín - stutt heimsókn

Best er að skoða Berlín "á tveimur hjólum" segir í litlum 2ja síðna bæklingi frá Lonely Planet sem ber nafnið Two Days in Berlin.

Þar eru ágætis ábendingar um áfangastaði, byggingar og leiðir innan Berlínar sem gott er að vita af, ekki síst ef heimsóknin er í styttri kantinum.

Skírlífi, næturgögn og páskahérar í München!

Í þýsku borginni München er afar skemmtilegt safn sem kallað er ZAM eða Zentrum für außergewöhnliche Museen sem þýða mætti sem miðstöð óvenjulegra safna.

Í safninu eru stöðugt í gangi 7 sýningar, þar á meðal 2000 eintök af koppum eða "næturgögnum", páskahérar í gegnum tíðina, "ilmsafn", hundruðir lása og þar með talin skírlífisbelti (!), og fleira.

Safnið er staðsett í nágrenni dómkirkjunnar, að Westernriederstrasse 41, milli Isator og Viktualienmarkt. Það er opið frá 10 - 6 daglega.

Snjór og snjódýpt á skíðasvæðum í Evrópu

Snjór, skíði og aðstæður á skíðastöðum í Evrópu eru áreiðanlega ofarlega í huga margra um þessar mundir. Það hefur verið óvenju snjólétt á hefðbundnum skíðastöðum undanfarið, svo ekki er úr vegi að vísa á ágæta vefsíðu þar sem sjá má aðstæður á þekktum skíðastöðum:

http://www.schneehoehen.de/schneehoehen/4/8

Síðan er á þýsku, en það ætti ekki að vefjast fyrir neinum að lesa út úr þeim prýðis upplýsingum sem þarna er að fá:

Schneehöhen cm = snjóhæð í cm
Pisten in km = Skíðabrautir í km
Liftanlagen = Skíðalyftur (gesamt = samtals)
Offen = opið
Tal = dalur
Berg = fjall

"Bargain" í Berlín

Fyrir þá sem hafa gaman að gramsa í búðum sem selja notuð föt, koma hér upplýsingar um nokkra slíka staði í Berlín. 

Garage (Ahornstrasse 2, Schoeneberg) er ein stærsta "second hand" verslunin í Berlín og selur föt á kílóverði.

Einnig er hægt að fá glitrandi ballkjóla frá þriðja áratug 20. aldar í Sterling Gold (Oranienburger Strasse 32, Heckmann-Hoefe).

Gönguferðir í Berlín

Ferðalangur rakst á afar góð meðmæli með gönguferðum í Berlín sem hægt er að skoða á vefsíðunni Original Berlin Walks. Ekki er nauðsynlegt að panta fyrirfram heldur nóg að mæta á staðinn þar sem lagt er af stað og greiða þar. Það er þó  hægt að kaupa miða á vefsíðunni ef fólki sýnist svo.

Gönguferðirnar eru alls sex sem farnar eru reglulega og sumar oftar en einu sinni á dag. Einnig er hægt að sérpanta ferðir fyrir litla sem stóra hópa.

Með börnin og unglingana til Þýskalands

Trúlega eru þeir margir sem ætla að fljúga til Þýskalands með fjölskylduna í sumar og taka bílaleigubíl. Hér koma nokkrar tillögur að viðkomustöðum sem ættu að geta gert ferðina skemmtilega fyrir yngri kynslóðina.

Würzburg
Ef flogið er til Frankfurt am Main er upplagt að aka til Würzburg sem jafnframt er n.k. upphafspunktur rómantísku leiðarinnar svokölluðu. Í Würzburg er gaman að skoða Residenz, risastóra 18. aldar höll þar sem biskupaprinsar höfðu aðsetur.

Einn stærsti dýragarður í Evrópu, Wildpark, liggur skammt Würzburg í Bad Mergentheim (tæplega klst. akstur). Mörg dýranna búa í náttúrulegu umhverfi, ekki í búri.

Friedrichsbad - Baden-Baden

Ferðalangur ætlaði eitt sinn að heimsækja Baden Baden á leið sinni í bílaleigubíl "niður" Þýskaland en það fór ekki betur en svo að bílskömmin rataði ekki inn á réttu hraðbrautina og Ferðalangur missti af Baden Baden. Þar er hins vegar eftir ýmsu að sækjast, m.a. mikilli "baðparadís", Friedrichsbad, sem er baðstaður frá 19. öld með gufuböðum og heitum pottum sem taka á í tiltekinni röð...

Það er sér inngangur fyrir hvort kyn en þau hittast "í miðjunni" eftir að hafa dýft sér í mismunandi heita og kalda potta. Ef ferðalangar vilja síður rölta um naktir með gagnstæðu kyni þá er best að mæta á mánudögum eða fimmtudögum. Aðgangur er ekki heimill fyrir yngri en 14 ára.

Nánari upplýsingar: http://www.carasana.de/roemisch.html

Leipzig - stutt heimsókn

Mynd frá Grüni á Flickr

 Leipziger Gose heitir sérkennilegur bjór sem kryddaður er með kóreander og salti og einkennandi fyrir Leipzig,  þýsku borg sem fyrrum lá handan járntjaldsins. Enginn annar bjór þykir líkjast honum nema ef vera skyldi Berliner Weisse að sögn bjóráhugamanna. En Leipzig er þekkt fyrir annað og meira en bjór - þar fæddist tónskáldið Richard Wagner og þar bjuggu einnig þeir Robert Schumann og J. S. Bach.

Ef farið er í stutta heimsókn til Leipzig gæti verið góð hugmynd fyrir listunnendur að gista á Galerie Hotel Leipziger Hof. Þar er að finna meira en 200 listmuni, málverk og höggmyndir, bæði frá Leipzig og héraðinu í kring. Verðið sanngjarnt og vinalegur veitingastaður og bjórgarður líka. Það tekur einungis 15 mínútur að rölta í miðbæinn og sporvagnar stansa rétt við hótelið.