Ferðalangur

Würzburg

Háskólaborgin Würzburg er afskaplega notalegur áfangastaður þegar leiðin liggur um Bæjaraland í Þýskalandi. Ekki nema rétt um 130.000 íbúar og því mátulega stór fyrir Íslendinga á bílaleigubíl...

Borgin er til að mynda góður upphafspunktur áður en ekið er um hina þekktu og fallegu "Rómantísku leið" - Die Romantische Strasse og ekki tekur nema 1 1/2 tíma að aka þangað frá flugvellinum við Frankfurt am Main.

Borgin er sömuleiðis orðin mörgum Íslendingum að góðu kunn fyrir jólamarkaðinn sem þar er hægt að heimsækja á aðventunni.

Jólamarkaður í Rothenburg

Stollen, Lebkuchen, Schneeballen... að ekki sé minnst á Glühwein og Würst. Allt þetta virkar sem segull á íslenskan ferðalang á jólamarkaðinum Reiterlesmarkt í Rothenburg, dag einn snemma í desember.

Myndir frá Rothenburg og jólamarkaði

Það er eins og komið sé inn í ævintýraheim að heimsækja þetta 12.000 manna þorp á þessum árstíma. Frost og stillur, leifar af snjósköflum eftir kuldakast síðustu viku, fallega skreyttar götur og jólamarkaðurinn með sínum heimilislegu viðarbásum, vendilega prýddum.

Á markaðaninum skiptast á básar með alls konar jólaskrauti og jólavörum í bland við bása þar sem hægt er að kaupa bolla af heita jólavíninu Glühwein og pylsur af ýmsum stærðum og gerðum, sumar svo langar að Íslendingurinn horfir hlægjandi á og veltir fyrir sér hvernig í veröldinni sé hægt að torga þessu. Með jólapúnsið í hendi læðist að ferðalanginum sá grunur að í það hafi verið blandað einhverju sterkara en einungis rauðvíni...

Berlín og jólamánuðurinn

Það er skrautlegt um að litast í Berlín í jólamánuðinum þegar ljósin kvikna fyrir framan Brandenburgarhliðið og hinir 40 jólamarkaðir sem haldnir eru í Berlín prýða stræti og torg. Þeir hefjast flestir í nóvember og eru opnir sjö daga vikunnar.

Þeir sem heimsækja jólamarkað í Berlín mega búast við að "detta inn í" sérkennilega og töfrandi jólaveröld þar sem glerblástursmenn, tréskurðarmenn og dúkkugerðarmenn sýna vörur sínar og vinna jafnvel að þeim fyrir framan gestina í upphituðum trébásum sem minna helst á ævintýrið um Hans og Grétu.

Gisting
Hótel í Berlín og aðrir fjölbreyttir gistimöguleikar

Þýskaland - Yfirlit

 Almennur fróðleikur

Kort af Þýskalandi
Gagnlegar staðreyndir um Þýskaland

Gisting

Hótel og fjölbreyttir gistimöguleikar í Þýskalandi
Sumarhús og íbúðir í Þýskalandi

Bílaleiga

Bílaleigubílar á mjög góðu verði

Rithöfundurinn Mark Twain og ferðir hans

Mark Twain er trúlega þekktastur sem höfundur bókanna um Stikilsberja-Finn og Tom Sawyer. Kannski vita þó ekki allir að hann var einnig vel þekktur ferðabókahöfundur og skrifaði m.a. bókina A Tramp Abroad sem var fyrst útgefin árið 1880. Í bókinni lýsir hann ferðum sínum um Þýskaland á einstaklega skondinn og skemmtilegan hátt, eins og honum er einum lagið.

Góðu fréttirnar eru þær að bókin er aðgengileg ókeypis á netinu á ensku, fyrir tilstilli Project Gutenberg og henni fylgja 328 myndir, hver annarri skemmtilegri.

Íbúð skammt frá Bremen

Í Grasberg, sem er lítill bær, 20 km fyrir austan Bremen, er til leigu björt, tveggja herbergja íbúð, 45 fm. Íbúðin er tilvalin fyrir ferðamenn á leið um Norður-Þýskaland, litla hópa á leið á Cebit, Hannovermesse, FIFA 2006 eða frábæra jólamarkaðinn í Bremen og fólk sem vill bæta þýskukunnáttuna.

Köln, "Kölsch" og karnival

Það er erfitt að ímynda sér að Köln (íbúar rúml. 1 milljón), þessi líflega og glæsilega borg, hafi nánast verið jöfnuð við jörðu af bandamönnum við lok seinni heimstyrjaldarinnar. En sú var raunin - aðeins lítill hluti gamla borgarhlutans stóð eftir. Það er ekki að sjá í dag. Endurbygging tók skamman tíma og þessi fallega borg iðar af mannlífi, menningu og skemmtilegheitum.

Gisting
Sjá hótelvef Ferðalangs - hotelvefurinn.net - Þýskaland.

Lágfargjaldaflugfélög
Frá London Stansted má oft fá afar ódýra flugmiða með Germanwings til Kölnar eða Air Berlin til Düsseldorf.

Á slóðum stærstu gauksklukku veraldar

Skemmtileg grein, Totally Cuckoo, af vefsíðu TimesOnline.co.uk segir frá ferð á slóðir gauksklukkna í Svartaskógi. Hvað er gauksklukka, hvaðan er hún upphaflega og hvar er að finna stærstu klukkuna?

Leiðin liggur um Badenweiler, Badische Weinstrasse, Staufen, Breisach, Keiserstuhl, Ihringen, Bickensohl og loks til Freiburg. Síðan áfram til Glottertal, St Märgen, Titisee, Triberg, Schonachbach og Schonach. Skemmtileg frásögn hjá Anthony Peregrine um 4ra daga ferð á þessum fallegu slóðum.

Gisting í Þýskalandi
Sjá hótelvef Ferðalangs - hotelvefurinn.net - Þýskaland.

Jólamarkaðir í Þýskalandi

Jólamarkaðir í Þýskalandi, Weihnachtsmärkte eða Christkindlmärkte hafa verið hluti aðventunnar þar í landi í meira en 500 ár. Sagt er til að mynda að jólamarkaðurinn í Dresden hafi verið haldinn frá 1434 og margir aðrir séu ekki mikið yngri.

Heidelberg

Það hljóta beinlínis að vera forréttindi að vera einn af hópi 32.000 námsmanna í borginni fögru, Heidelberg (íbúar ca. 140.000). Að minnsta kosti horfði Ferðalangur með öfund á þá námsmenn sem sjá mátti skokka og hjóla meðfram ánni Neckar eða í vinahópi á "pöbbum" miðbæjarins með hinn stórfenglega Heidelbergkastala í baksýn.

Þegar fyrst er ekið inn í borgina er auðvelt að álykta sem svo að þetta sé hálfgerð stórborg. Sú tilfinning er fljót að hverfa þegar bílnum er lagt og haldið af stað fótgangandi inn í miðbæinn, "Altstadt".

Myndir frá Heidelberg

Fjölbreytt gisting á góðu verði í Heidelberg

München - Oktoberfest

Stærsta árlega "partý" eða hátíð í Evrópu er án efa Oktoberfest í München sem árlega dregur að sér um 6 milljón gesti og hefur verið haldin í 172 ár. Hátíðin í ár hefst þann 17. september og endar 3. október.

Árið 1810 kvæntist Ludwig prins af Bæjaralandi Therese nokkurri prinsessu og borgarbúum í München var boðið til mikillar hátíðar. Henni var valinn staður á svæði utan borgarhliðsins sem síðan hefur verið nefnt í höfuðið á prinsessunni, Theresienwiese. Borgarbúar kalla svæðið hins vegar einfaldlega "Wies'n". Hátíðahöldin tókust svo vel að ákveðið var að gera þetta að árvissum viðburði...

Wartburgkastali í nágrenni Eisenach

"Wart' Berg, Du sollst mir eine Burg werden..."… Sögur herma að þessi fræga setning hafi verið upphafið að byggingu Wartburgkastala,en það var Ludwig der Springer greifi sem þetta mælti árið 1067 þegar hann var á veiðum og sá til fjallsins þar sem kastalinn stendur í dag.

Hvað skyldu þau Elísabet prinsessa af Ungverjalandi, Martin Luther og tónskáldið Richard Wagner eiga sameiginlegt? Jú - öll koma þau við sögu, þó á ólíkan hátt sé, þegar Wartburgkastala ber á góma.

Á Bachslóðum í Eisenach

 "... Meine liebe Stadt" - sagði Martin Luther um Eisenach í Thüringenhéraði, þar sem hann dvaldi um tíma sem skólastrákur og Goethe skrifaði 250 árum síðar "... die Gegend ist überherrlich". Og rétt er að borgin er falleg og allt umhverfi hennar líka. Og það er ekki að undra þó að fegurðinni fylgi andlegur innblástur á ólíkum sviðum.

Ekki liggja neinar fleygar setningar í þessum stíl eftir tónskáldið Johann Seb. Bach, en þeir sem unna tónlist hans láta það ekki aftra sér frá því að heimsækja staðinn, því tónskáldið fæddist í Eisenach árið 1685 og bjó þar fyrstu ár ævi sinnar.

Buchenwald, rétt hjá Weimar

Í miðjum Buchenwald-búðunum stendur "Goethe-eikin", eða öllu heldur leifar hennar, frá því að bandamenn skutu hana niður árið 1944. Eikin, þar sem skáldið Goethe sat og fékk ljúfan innblástur frá vinkonu sinni, frú Stein, fyrir margt löngu síðan. Eikin, sem löngu síðar varð þögult vitni að einum mesta hryllingi mannkynssögunnar.

Það er vart hægt að heimsækja borgina Weimar án þess að votta fórnarlömbum fyrrum útrýmingarbúða í Buchenwald virðingu sína. Búðirnar voru meðal þeirra fyrstu sem nazistar reistu á þýskri grund og einnig með þeim stærstu.

Weimar

Þeir eru virðulegir kapparnir Goethe og Schiller þar sem þeir standa hlið við hlið á Theaterplatz í Weimar. Enda hafa þeir ástæðu til að bera sig vel í þessari fallegu og merku borg þar sem sagan bókstaflega talar til manns á hverju götuhorni.

Það er ekki alltaf sem færi gefst til að heimsækja stað þar sem svo margar þekktar og mætar persónur hafa búið og dvalist í gegnum tíðina. Enda var erfitt að fá stúlku í Ferðamálaráði Weimar, sem var að gera könnun á ástæðum heimsóknar Ferðalangs, til að skilja að hún væri ekki eingöngu til komin vegna sérlegs áhuga á 200 ára dánarafmæli Schillers í ár (2005)...

• Hótel og gisting í Weimar

Ódýr og skemmtileg gisting í Erfurt

Þeir sem koma á bíl til borgarinnar Erfurt í Thüringenhéraði í Þýskalandi, gætu haft gaman af því að gista í útjaðri borgarinnar, nánar tiltekið í Kühnhausen. Þar er Pension Kastanienhof í gömlum bóndabæ og herra Geier  tekur vel á móti gestum með kaldhæðnislegum gálgahúmor.

Erfurt - borg sem kemur á óvart

Heimsókn til borgarinnar Erfurt í Þýskalandi minnir svolítið á þá tilfinningu að spila í Lottó og fá óvænt fjóra rétta. Borgin kemur einfaldlega skemmtilega á óvart.

Erfurt tilheyrði áður Austur-Þýskalandi og þó að athugulir ferðalangar horfi vel í kringum sig þá er lítið að sjá sem minnir á það tímabil annað en háar og kannski svolítið óaðlaðandi blokkir í útjaðri borgarinnar.

 

• Hótel og gisting í Erfurt

 

Koblenz - þar sem mætast Mósel og Rín

Koblenz (um 109.000 íb.) - nútímaleg borg, sem leynir á sér. Við Koblenz mætast árnar frægu, Mósel og Rín, þar sem heitir Deutsches Eck. Heimamenn kalla borgina verslunarparadís en ég held raunar stundum að flestar erlendar borgir séu n.k. "verslunarparadís" fyrir verslunarglaða Íslendinga :o).

Hótel og fjölbreytt gisting í Koblenz

Námsefni í þýsku fyrir ferðalanga

Ferðalangar á leið til Þýskalands geta spreytt sig á stórskemmtilegri síðu frá BBC  og skoðað BBC Languages þar sem finna má námsefni í þýsku bæði fyrir byrjendur og lengra komna. Fyrir þá sem eru á hraðferð má benda á Quick Fix- German essential phrases.

Hótel og fjölbreytt gisting í Þýskalandi

Uppfært nóv. 2010

Bernkastel-Kues

Það þættu tíðindi ef hægt væri að aka út á land hér á Fróni og heimsækja stað þar sem smakka mætti allt að 150 víntegundir og greiða fyrir sem svaraði 9 evrum eða um 700 krónur íslenskar. Þetta er hins vegar hægt þegar bæirnir Bernkastel og Kues í Móseldalnum eru heimsóttir.

Þessi fallegi og vinsæli staður (tæpl. 8000 íb.) stendur í miðjum Móseldalnum, u.þ.b. 70 km frá Trier. Um er að ræða tvo bæi sem standa sín hvoru megin árinnar, Bernkastel og Kues. Bernkastel er þekktastur fyrir markaðstorgið sitt og vel varðveitt bindiverkshús frá miðöldum sem standa í kringum torgið. Í Kues fæddist Nicolaus Cusanus, merkur vísindamaður með meiru.

Þjórfé eða ekki?

Það veldur oft miklum vangaveltum hjá íslenskum ferðalöngum hvort og hvernig eigi að gefa þjórfé. Um það eru stundum skiptar skoðanir en þó gilda nokkur almenn lögmál í þessu sem öðru. Ekki viljum við skera okkur úr á ferðalögum fyrir nánasarhátt!

Hér á eftir fer smá umfjöllun um venjur í þessum málum á Ítalíu, í Þýskalandi, Frakklandi og í Bretlandi.

Trier - Augusta Treverorum

Elsta borg Þýskalands (ásamt Worms), hvergi eins margar rómverskar rústir norðan Alpafjalla, níu staðir og byggingar innan borgarinnar á heimsminjaskrá Unesco, einn af fallegustu jólamörkuðum Þýskalands... og svona mætti lengi telja. Borgin Trier (íbúar um 100.000) við ána Mósel hefur svo sannarlega mikið aðdráttarafl.

Hótel og fjölbreytt gisting í Trier

Veður og hitastig í Trier

Cochem við ána Mósel

Sagt er að fyrir mörgum árum síðan hafi geit nokkur í þorpinu Cochem í Móseldalnum verið grunuð um að sötra ótæpilega vín staðarins. Að stela víni var alvarlegur glæpur og hinir eldri og ráðsettari íbúar bæjarins ákvaðu að taka yrði á málinu. En hvernig átti að sanna sekt geitarinnar? Menn vissu að aðeins var framleitt hvítvín á svæðinu og þeir duttu niður á lausn sem þeim þótti augljós. Best væri að setja geitina í vínpressuna og athuga hvort út kæmi ljósleitur vökvi…

Hótel og fjölbreytt gisting í Cochem
Hótel og fjölbreytt gisting í Móseldalnum

Móseldalurinn

Móseldalurinn í Þýskalandi er með fallegri héruðum að sækja heim, þar sem áin Mósel liðast um dalinn eins og slanga og lítil, falleg og litrík þorp skreyta bakka árinnar með vissu millibili.

Áin Mósel á upptök sín í Frakklandi en fallegasti hluti hennar liggur milli borganna Trier og Koblenz, um 193 km leið,  áður en hún sameinast ánni Rín.

Hótel og fjölbreyttir gistimöguleikar í Móseldalnum

Kastalaleiðin: Frá Mannheim til Prag

Það eru til fleiri fallegar leiðir en "rómantíska leiðin" í Þýskalandi. Burgenstrasse heitir ca. 1000 km löng leið sem liggur alla leið frá Mannheim í Þýskalandi til Prag í Tékklandi.

Leiðin liggur framhjá frægum köstulum á stöðum eins og Heidelberg, Heilbronn, Rothenburg ob der Tauber, Nuremberg, Bayreuth and Karlovy Vary í Tékklandi. Þessi leið hefur það einnig sér til ágætis að vera ekki eins fræg og fjölfarin eins og sú rómantíska en engu að síður ákaflega falleg.

Grein frá Frommer's lýsir leiðinni einnig ágætlega: Of Kings and Castles: The German Road Less Traveled.

Hótel og fjölbreytt gisting í Þýskalandi
Hótel og fjölbreytt gisting í Tékklandi

Uppfært nóv. 2010