Ferðalangur

Snjór og snjódýpt á skíðasvæðum í Evrópu

Snjór, skíði og aðstæður á skíðastöðum í Evrópu eru áreiðanlega ofarlega í huga margra um þessar mundir. Það hefur verið óvenju snjólétt á hefðbundnum skíðastöðum undanfarið, svo ekki er úr vegi að vísa á ágæta vefsíðu þar sem sjá má aðstæður á þekktum skíðastöðum:

http://www.schneehoehen.de/schneehoehen/4/8

Síðan er á þýsku, en það ætti ekki að vefjast fyrir neinum að lesa út úr þeim prýðis upplýsingum sem þarna er að fá:

Schneehöhen cm = snjóhæð í cm
Pisten in km = Skíðabrautir í km
Liftanlagen = Skíðalyftur (gesamt = samtals)
Offen = opið
Tal = dalur
Berg = fjall

Á skíði fyrir jól?

Desembermánuður er e.t.v. ekki mánuðurinn sem fólk nýtir almennt til að fara á skíði til útlanda. Þó er hugsanlegt að einn og einn vilji nýta sér rólegheit og næði, viðarilm og arineld, sem finna má í Obergurgl í Tíról á þessum árstíma eins og lesa má um í greininni Where to find snow before Christmas eftir Nick Rufford af vefsíðu Times Online.

Gisting í Hotel Alpenland, Obergurgl

Góð ráð og skíðasvæði fyrir byrjendur

Þeir sem ekki hafa enn kynnst skíðaíþróttinni að ráði, en dreymir um að komast í skíðaferðir til útlanda, ættu að líta á vefsíðuna Ski/snowboard advice af vefsíðu This is Travel.

Á síðunni fást ágæt svör við mörgum spurningum, s.s. hvaða orð eru notuð í skíðaíþróttinni (ski jargon), er hættulegt að fara á skíði, að hverju þarf að huga áður en lagt er í hann og hvaða skíðasvæði erlendis eru góð fyrir byrjendur. Þar eru m.a. nefndir eftirfarandi staðir:

Skíðasvæði í Frakklandi

Í Frakklandi eru mörg afbragðsskíðasvæði og verða nefnd hér nokkur svæði sem henta þeim sem náð hafa góðu valdi á skíðaíþróttinni. Samantektin er byggð a á grein Peters Hardy, Ski resort selection af vefsíðu travel.telegraph.

Les Arcs

www.lesarcs.com

Les Arcs liggur fyrir ofan bæina Moûtiers, Aime og Bourg-St-Maurice. Svæðið tengist La Plagne með kláfi og þar með verður til heljarstórt svæði Paradiski (sem raunar samanstendur af einu svæði í viðbót: Peisey-Vallandry). 

Ætlar þú á skíði í vetur?

Það er ekki úr vegi að rifja upp nokkra pistla sem birst hafa á Ferðalangi um skíðasvæði erlendis og minna á að oft geta menn sett saman ferðir sjálfir með því að nýta sér lágfargjaldaflugfélögin t.d. frá London Stansted, s.s. Air Berlin, Ryanair og EasyJet o.fl. og panta gistingu sér. Sjálfsagt er að bera það saman við pakkaferðir sem bjóðast.

Bæði Hotel Club og Venere bjóða gistingu á þekktum skíðastöðum á Ítalíu, í Sviss og Austurríki.

• Þrír frægir skíðastaðir í Austurríki
  (Innsbruck, Kitzbühl og St. Anton)
• Á skíðum... í Austurríki
  (Zell Am See)
• Á skíðum skemmti ég mér...
  (Madonna di Campiglio, Selva í Val Gardena)
• Ódýrara að fara á skíði nú en fyrir 10 árum
• Vefmyndavélar frá skíðastöðum í Evrópu og víðar
• Veður á skíðaslóðum í Dólómítafjöllum

Ódýrara að fara á skíði nú en fyrir 10 árum

Skíðaáhugafólk fer trúlega senn að huga að framboði skíðaferða fyrir veturinn.

Nýlega gerð var könnun  á kostnaði við skíðaferðir á vegum Chris Gill og Dave Watts, sem eru ritstjórar bókarinnar Where to Ski and Snowboard 2006. Könnun þeirra leiddi í ljós að það er mun ódýrara að fara í skíðaferð nú en fyrir 10 árum síðan. Mestu munar á verði skíðaferða í Sviss, en þar er 20% ódýrara að fara á skíði nú en 1995.

Vefmyndavélar frá skíðastöðum í Evrópu og víðar

Á vefsíðunni Snoweye er búið að safna saman tenglum í yfir 4000 vefmyndavélar á skíðastöðum út um allan heim, alls frá 45 löndum. Þar af eru rúmlega 2500 myndavélar staðsettar í Evrópu.

Hægt er að velja löndin og landsvæðin á einfaldan hátt og skoða myndavélarnar eða nánari upplýsingar um skíðasvæðin.

Ekki er víst að allar myndavélarnar virki alltaf... - sumar eru einungis í gangi yfir skíðatímabilið en aðrar allt árið um kring.

Uppfært nóv. 2010

Veður á skíðaslóðum í Dólómítafjöllum

Uppfært október 2010:

Í framhaldi af klausum um skíðasvæði í Austurríki og á Ítalíu í Dólómítafjöllunum, kom þessi fína ábending um vefsíðu sem gefur upp veður á ýmsum skíðastöðum þar:

Dolomiti Superski

Einnig þessi stórgóða síða frá BBC um "snjófréttir".... http://www.bbc.co.uk/weather/sports/snowsports/snownews.shtml

Á skíðum... í Austurríki

Skíðastaðurinn Zell am See í Austurríki er eitt af þekktustu skíðasvæðum þar í landi.

Bærinn Zell, sem telur um 10.000 íbúa, stendur í Prinzgau dalnum í Salzburgerland, milli Schmittenhöhe og vatnsins sem kennt er við Zell.

Í framhaldi af því er hægt að skoða síðuna http://www.skiaustria.com/ en þar fæst ágætt yfirlit yfir Zell Am See og fleiri vinsæl skíðasvæði í Austurríki. Í Zell Am See er ekki bara hugsað um skíðafólkið – snjóbrettaiðkendur fá líka ýmsilegt við sitt hæfi og gestum er vel sinnt að lokinni skíðaiðkun á daginn!

 

Sjá einnig:

Austurríki - Yfirlit

Á skíðum skemmti ég mér...

Hvert eru Íslendingar að fara á skíði?

Jú, tveir staðir koma meðal annars upp í hugann og báðir í ítölsku Dólómítunum. Annars vegar Madonna di Campiglio sem stendur í dalnum Val Rendena í vesturhluta Trentino héraðsins, rétt við rætur Brenta-Dólómítanna. Þetta ku vera einn af bestu stöðum til skíðaiðkana í Ölpunum og við flestra hæfi, hvort sem um er að ræða byrjendur eða lengra komna. Þarna er ekki síður góð aðstaða fyrir þá sem iðka snjóbrettaíþróttina.