Ferðalangur

Gisting í Madrid, nálægt Prado safninu

Hostal er ekki það sama og hostel. Á Spáni og í nokkrum öðrum spænskumælandi löndum þýðir hostal einfaldlega fjölskyldurekið gistiheimili. Ferðalangur fékk ábendingu um tvö slík, góð og notaleg, í miðborg Madrid, nálægt Prado safninu. Annað þeirra heitir Hostal Sardinero, 16 Calle Prado, í u.þ.b. 7 mín. fjarlægð frá safninu og aðeins 5 mín. gangur til Plaza Santa Ana og Puerta del Sol, hjarta Madridborgar. - Eigendur gisitheimilisins búa sjálfir þarna og vart hægt að hugsa sér betri og vinalegri þjónustu. Allt mjög hreinlegt og öruggt. Í nágrenninu eru síðan góðir veitingastaðir.

Hitt heitir Hostal Jaén einnig á svipuðum slóðum. Það fær mjög góðar umsagnir, er hreint, hljóðlátt og öruggt. Eigendurnir tala ekki ensku en dóttir þeirra hins vegar og þau þykja afar hjálpsöm t.d. með að panta ferðir o.fl. Herbergin eru lítil en að öðru leyti mjög góð. Einnig er boðið upp á litlar íbúðir sem gæti komið sér vel fyrir fjölskyldur.

• Hostal Sardinero
• Hostal Jaen

• Ódýr hótel í Madrid næstu sex vikur
• Fjölbreytt úrval hótela og gistimöguleika í Madrid
• Ferðahandbækur á pdf formati (líka einstaka kaflar) fyrir Spán/Madrid og ferðaforrit fyrir Iphone

 

Senda á Facebook

EasyJet Holidays: Ódýrari sólarferðir - ódýrari borgarferðir

EasyJet Holidays

Við horfum mörg löngunaraugum til sólarlanda eða stuttra borgarferða til að slaka aðeins á í öðru umhverfi. Þó er ekki víst að  allir sem vilja geti leyft sér það um þessar mundir. Sumir geta það þó með því að sýna hagsýni og velja sér ódýrari ferðir og ódýrari gistingu.

Það er nefnilega hægt að njóta lífsins þó að rúmfötin á hótelinu séu ekki úr silki eða satíni og veggirnir séu ekki fóðraðir með listaverkum eftir Miro eða Picasso. Með öðrum orðum: Kannski getum við skroppið til sólarlanda án þess að fjárhagurinn fari á hvolf.

Ferðalangur vill benda þeim sem eru í sparnaðarhugleiðingum á að bera saman við íslenskar ferðaskrifstofur það sem nú býðst hjá EasyJet Holidays.

Flestir þekkja lágfargjaldaflugfélagið EasyJet og nú býður það í samstarfi við fleiri ódýrari sólarlandaferðir og borgarferðir þar sem lagt er upp frá fjölmörgum flugvöllum í Bretlandi. Má þar nefna m.a. London Gatwick, Stansted, Manchester, Glasgow og Edinborg. Það getur t.a.m. verið snjallt að sameina sólarlandaferðina og ferð til London eða Glasgow/Edinborgarmeð EasyJet Holidays og slá þannig tvær flugur í einu höggi. 

• Ódýrari sólarlandaferðir með EasyJet Holidays
• Ódýrari borgarferðir með EasyJet Holidays
• Sérstök ferðatilboð

Öðruvísi ferð til Barselóna

Barcelona - öðruvísi heimsókn

Ferðalangar til Barselóna þekkja allflestir La Sagrada Familia, Las Ramblas (Römbluna), Santa Maria del Mar og Picasso safnið. Allar ferðahandbækur mæla með heimsókn til þessara staða og víst er að þeir eru áhugaverðir. En það eru til fleiri markverðir staðir í Barcelona, sumir e.t.v. svolítið utan alfaraleiðar.

Flestir ferðalangar stefna á hótelherbergi í gamla miðbæ Barselóna því þar er auðveldast að nálgast þekktustu staðina. En ef þið eruð að koma í annað sinn til Barselóna eða hafið áhuga á öðruvísi ferð en þessari hefðbundnu, hvernig væri þá að leigja íbúð í Barselóna í hverfum utan miðborgarinnar?

Gracia
Gracia er best þekkt sem hverfið sem hýsir Guell garðinn sem hannaður var af sérvitringnum og séníinu Antoni Gaudi. Í Gracia er þó að finna mun meira en garðinn, s.s. skemmtilegar verslanir, alþjóðlega veitingastaði og fjölskrúðugt næturlíf með börum og klúbbum á hverju horni og á hverju torgi. Dvöl í Garcia hverfinu hjálpar ferðalanginum líka til að lifa í þeirri blessunarlegu sjálfsblekkingu að ferðamenn í Barselóna séu tiltölulega fáir.. . Miðborg Barcelona er hins vegar aðeins í 2ja-3ja stoppa fjarlægð með jarðlestunum.

Al Andalus - Spænskuskóli á Spáni

Spænska verður sífellt vinsælla tungumál meðal Íslendinga og það er freistandi tilhugsun að sameina frí og nám og bregða sér til Spánar að læra spænsku. Ekki er verra að það er Íslendingur sem heldur um taumana í þessu tilviki.

Arna er íslenskur eigandi spænskuskólans Al Andalus í Tarifa á Spáni og býður mörg spennandi námskeið vor, sumar og haust. Sér í lagi er ástæða til að vekja athygli á samsettu námskeiðunum sem skólinn býður, t.d.  námskeið í spænsku og matargerð, spænsku og seglbrettaþjálfun og spænsku og dansi svo einhver dæmi séu nefnd.

Tarifa er bær syðst á  Spáni við Gíbraltarsundið. Alþjóðlegir flugvelli í nágrenni Tarifa eru t.d. í Jerez, Sevilla og Malaga.

Allar nánari upplýsingar er að finna á vefsíðu Al Andalus en skólinn er líka á Facebook.

Ferðahandbækur á pdf formati (líka einstaka kaflar) fyrir Spán/Andalúsíu og ferðaforrit fyrir Iphone

Senda á Facebook

Madrid: Ódýr hótel næstu 6 vikur

Ódýr hótel í Madrid næstu 6 vikur. Upplýsingarnar uppfærast dag frá degi.

ATH: Það getur tekið örfáar sekúndur fyrir þær að birtast.

Ódýr hótel í Madrid næstu 6 vikur:

 

Mynd af Wikimedia commons 

• Ferðahandbækur á pdf formati (líka einstaka kaflar) fyrir Madrid og ferðaforrit fyrir Iphone

Senda á Facebook

Alicante: Ódýr hótel næstu 6 vikur

 Ódýr hótel í Alicante næstu 6 vikur. TILBOÐ. Upplýsingarnar uppfærast dag frá degi.

Barcelona: Ódýr hótel næstu 6 vikur

Ódýr hótel í Barcelona næstu 6 vikur. TILBOÐ. Upplýsingarnar uppfærast dag frá degi.

Gongufri.com - Gönguferðir á Spáni

Íslendingarnir Ingibjörg Þórhallsdóttir og Rúnar Karlsson bjóða löndum sínum upp á fjölbreyttar gönguferðir á suð-austur Spáni frá mars - maí og september - nóvember.

Þau hafa gengið með Íslendingum s.l. 2 ár og fengið mjög góðar undirtektir enda gengið í bæði fallegu og fjölbreyttu landslagi þar sem fólk upplifir náttúru, menningu og fáfarnar slóðir Spánar í yndislegu veðurfari. Flogið er til Alicante.

Nánari upplýsingar eru á vefsíðu þeirra Ingibjargar og Rúnars: www.gongufri.is

Íbúðir í stað hótelherbergja?

Sumir kjósa að leigja íbúð í nokkra daga í stað þess að dvelja á hefðbundnu hóteli. Það getur verið góður valkostur, t.d. fyrir fólk með börn eða þá sem kjósa að hafa frjálsari hendur með morgunmat og aðrar máltíðir dagsins. Loks er oft ódýrara að dvelja í íbúð ekki síst ef nokkrir leigja hana saman.

Hér fyrir neðan koma nokkrar vefsíður sem gott er að kíkja á í þessu sambandi.

Myndir frá Kanaríeyjum

Ferðalangur vill vekja athygli á nokkrum myndum frá Kanaríeyjum sem nú eru komnar í myndasafnið.

Myndasöfn Ferðalangs eru aðgengileg neðarlega á hægri stikunni.

Podcast: Spánn og Barcelona

Barcelona, hellar og töfrar fjallahéraða á Spáni eru meðal efnis í Spánar-podcast frá Frommers.com. Afhverju er Barcelona ein af mest spennandi borgum Spánar?

Sjá nánar: Exploring Spain, MTV Style

Ibiza fyrir fjölskyldufólk

Eyjan Ibiza er aðeins 32 km löng en sagt er að þar séu sjö af bestu klúbbum veraldar. En þegar klúbbfélagarnir hafa yfirgefið eyjuna, þá hefst tími fjölskyldufólksins, t.d. seinni hluta septembermánaðar þegar hitinn er ennþá þægilegur skv. David Baddiel í greininni Loving Ibiza's sound of silence.

Meðalhitinn á þessum tíma er um 25°C og andrúmsloftið allt orðið miklu rólegra.  Sumum kann að þykja það dapurlegt (?) en fyrir þá sem kjósa rólegheit er það hið ákjósanlegasta andrúmsloft og oft hægt að fá frábæra gistiaðstöðu fyrir minni pening en ella.

Meira um Ibiza í þessari skemmtilegu grein Loving Ibiza's sound of silence.

 

Toledo - í hjarta Íberíuskagans

Það tekur einungis hálftíma að ferðast með nýlegri hraðlest frá Madrid til borgarinnar Toledo sem liggur eina 70 km suður af Madrid.

Borgin stendur á kletti í  529 m hæð yfir sjávarmáli og er nánast umkringd fljótinu Tajo.  Sagt er að fáar spænskar borgir gefi jafn glöggan vitnisburð um fjölbreytileika spænskrar menningar og byggingarlistar eins og Toledo og í gamla miðbæ borgarinnar er að finna yfir eitt hundrað söguleg minnismerki frá ýmsum tímum.  Það er ekki að undra þegar haft er í huga að íbúar borgarinnar hafa  í gegnum tíðina aðhyllst þrenns konar mismunandi trúarbrögð og í kringum þau hefur skapast fjölbreytileg menning og mannlíf.

Toledo  komst á heimsminjaskrá UNESCO árið 1987.

Nautaat á Spáni

Það eru afar skiptar skoðanir um þá hefð Spánverja að halda nautaöt. Ýmist þykir það frumstæður og grimmilegur siður, listræn hefð eða einfaldlega forvitnilegur hluti af menningu Spánverja.

Nefna má að í Barcelona er búið að banna nautaöt og dýraverndunarsinnar á Spáni hafa sig mjög í frammi gegn þessari gömlu hefð.

Eitt er víst: Nautin lifa ekki "leikinn" af - svo þeir sem viðkvæmir eru ættu að halda sig fjarri.

Spánn - Yfirlit

Almennur fróðleikur 

Yfirlitskort um Spán eða kort af tilteknum svæðum á Spáni

• Yfirlit: Spánn - land og þjóð
• Saga Spánar
• Gagnlegar staðreyndir og tölulegar upplýsingar um Spán

Gisting

Gisting á Spáni á hótelvef Ferðalangs
Sumarhús á Spáni á sumarhúsavef Ferðalangs

Galicia - ósnortnar strendur við Atlantshafið

Það tekur ekki nema tvær stundir að fljúga með Ryanair frá Stansted til borgarinnar Santiago de Compostela á Spáni. Gavin McOwan mælir með því að breyta til, láta strendur Miðjarðarhafsins eiga sig og aka frá Santiago de Compostela til að skoða ósnortnar strendur Atlantshafsins í héraðinu Galiciu, nálægt portúgölsku landamærunum. Í greininni Spain unplugged kemur hann m.a. við í bæjunum Pontevedra,Vigo og Baiona. Eitthvað fyrir þá sem kjósa fáfarnari staði...

Alicante, ekki bara flugvöllur!

Alicante á Spáni er ekki bara flugvöllur fyrir ferðalanga til Benidorm og Costa Blanca - heldur einkar viðkunnaleg 300.000 manna borg sem íbúar Madrid hafa heimsótt af kappi s.l. 150 ár eftir að járnbraut var lögð þangað 1858 frá Madrid.

Madrid on Sea heitir grein úr The Guardian sem lýsir helgarheimsókn til þessarar notalegu borgar þar sem lítið ber á öðrum gestum en Spánverjum sjálfum.

Gisting í Alicante
HostelWorld, Venere, HotelClub - Sjá einnig hótelvef Ferðalangs - Spán.

Ósnortin þorp á Costa Brava ströndinni

Fyrir þá sem vilja flýja mestu ferðamannastaðina á Costa Brava og leita eftir einhverju sem enn er að kalla ósnortið af "mass tourism" er greinin Beauty behind the Costa Brava af vefsíðu Times Online ágætis lesning. Þar er lesandinn leiddur í gegnum falleg fiskiþorp þar sem vissulega er að finna einhverja ferðamenn, en upp til hópa eru það Spánverjar sjálfir.

Minnst er á þorpin Calella de Palafrugell, Llafranc, Tamariu, Aigua-blava, Begur, Cadaques o.fl.

Gisting
Gisting á Costa Brava frá Venere - Sjá einnig hótelvef Ferðalangs - Spán.

Hin "villta" hlið Spánar

Þegar íslenskir sóldýrkendur liggja dasaðir á sólbekkjum undir glampandi sól á Spánarströndum er erfitt að ímynda sér að Spánn eigi sér aðrar og áhugaverðar hliðar. Þannig er það nú samt og náttúra Spánar býður upp á meiri fjölbreytileika en okkur kannski grunar.

Madrid og espadrillur

Espradrillur eru með þægilegasta skótaui í hita sem hægt er að hugsa sér. Espadrilles in Madrid heitir grein úr The New York Times og segir frá pínulítilli og afar vinsælli búð Casa Hernaz í Madrid, rétt hjá Plaza Mayor, þar sem viðskiptavinurinn getur látið sérhanna á sig espadrillur.

Þær eru orðnar fimm kynslóðir Hernanz fjölskyldunnar sem hafa sinnt þessari iðju... svo ætla mætti að gæðin væru í lagi!

La Tomatina - Kasti nú hver sem betur getur!

La Tomatina heitir árleg hátíð í Bunyol á Spáni en bærinn stendur í um 40 km fjarlægð frá borginni Valencia.

Á hverju ári, einn dag í ágúst,  fyllist þetta rólega þorp af þúsundum utanaðkomandi gesta, þegar sérkennilegur og fremur "klístraður" viðburður á sér stað: Tómataslagur eða tómatakast.

Hótel og fjölbreytt gisting á Spáni

Námsefni í spænsku fyrir ferðalanga

Hér er skemmtilegur vefur með námsefni í spænsku fyrir Spánarfara frá BBC Languages bæði fyrir byrjendur í spænsku og lengra komna. Gagnvirkar æfingar, vídeóbútar o.fl. en líka Quick Fix fyrir þá sem eru að leggja í'ann...

Hótel og fjölbreytt gisting á Spáni

Uppfært nóv. 2010

Hvað er á döfinni? Hvenær og hvar?

Það er nauðsynlegt að vita hvað er á döfinni á þeim slóðum sem ætlunin er að heimsækja. Eru einhverjar hátíðir í gangi á þeim tíma sem þú ætlar að ferðast? Eitthvað sem gaman væri að sjá og fylgjast með? Eða forðast? :-) Þessu má fletta upp á eftirfarandi slóð:

http://www.whatsonwhen.com/

Barcelona

Það er auðvelt að fljúga á eigin vegum til Barcelona frá London Stansted. Air Berlin og EasyJet fljúga beint til Barcelona og Ryanair flýgur til Girona. Frá Girona er aðeins rúmlega klst. ferð til Barcelona með rútu þar sem farið er út við Passeig Sant Joan.

Nóg er af hótelum á góðu verði t.d. frá Booking.com. Ferðalangur dvaldi í nokkra daga í miðju hverfinu El Raval, skammt frá La Rambla sem er aðalgöngugata Barcelona.

Í El Raval fer fram mikil uppbygging, mikil endurnýjun húsakosts og víða er verið að smíða og gera við hús. Þetta hverfi hafði áður ekkert sérstakt orð á sér, en það er mjög skemmtilegt að því leyti að þarna býr venjulegt fólk - ekki bara túristar... (hversu gáfulega sem það nú hljómar!). Á morgnana heyrðist í frúnum í kring kalla á milli húsa, krakkar léku sér í húsasundum og andrúmsloftið var einkar skemmtilegt.

Barcelona er feikna fjölbreytt borg og þar geta allir fundið eitthvað við sitt hæfi.