Eyjan Caprí hefur löngum verið afar vinsæll viðkomustaður ferðamanna. Sumum þykir nóg um allan ferðamannastrauminn en þó er hafið yfir allan vafa að fegurð eyjarinnar er einstök. Gott ráð til að njóta betur er að bregða sér til Caprí og gista, til að njóta megi eyjarninnar eftir að dagsferðamenn eru horfnir á braut.
Hér fyrir neðan má sjá lítið myndband frá Ferðalangi um Caprí.
| | | |
|
Það úir og grúir af veitingastöðum í öllum ítölskum bæjum og borgum. Hvernig á ferðalangurinn að átta sig á því hvernig hægt er að finna góðan veitingastað?
Ferðalangur yfirheyrði ítalska vinkonu sína um daginn og fékk hjá henni nokkur góð ráð:
Ef þú vilt finna góðan veitingastað án þess að eyða um efni fram þá verðurðu að hugsa út í hverfið sem þú ert staddur í. Ertu í miðbænum? Ertu í vinsælu ferðamannahverfi? Þá geturðu nokkurn veginn gengið að því sem vísu að þú borgar meira fyrir matinn í slíku hverfi. Það er líka hætta á því að þú fáir ekki endilega betri mat þó hann kosti meira.
Continue reading "Hvernig á að finna góðan veitingastað á Ítalíu?" »
| | | |
|
Hótel Botticelli heitir gott 3ja störnu hótel í Flórens, aðeins 5 mínútna gangur að safninu Accademia Gallery þar sem frumgerðin af styttunni David eftir Michelangelo er geymd. Að sögn ferðalangs sem þar hefur dvalið eru herbergin mjög þægileg, hreinlæti óaðfinnanlegt og þjónusta og öll aðstoð til fyrirmyndar.
Hótelið er í 16. aldar byggingu með svölum á efstu hæð og ekta freskum. Í nágrenningu er San Lorenzo markaðurinn (leður með meiru - ekki amalegt!) og 500 metrar í Santa Maria Novella járnbrautarstöðina.
| | | |
|
Ef þú ætlar að gista í Róm en ert að spara (!), má nefna ódýrt, látlaust hótel/hostel sem heitir Papa Germano í Róm. Þetta er íburðarlaust en þægilegt og hægt að velja um að dvelja í hótelherbergum eða í stærra herbergi sem tilheyrir hostelinu. Hægt er að komast á netið í andyri hótelsins og ágætt morgunverðarhlaðborð innifalið í verði. Rétt hjá, þ.e. við enda götunnar sem hótelið stendur við, er góð pizzería sem er greinilega vinsæl hjá íbúum í grenndinni.
Um 15 mín. gangur er á hótelið frá járnbrautarstöðinni Roma Termini og stutt er í suma vinsæla staði eins og kirkjurnar Santa Maria Maggiore og Santa Maria degli Angeli sem og böðin "Terme di Diocleziano"
| | | |
|
Háhraðalestarkerfið á Ítalíu hefur tekið miklum framförum á undanförnum árum og samgöngur milli annarra borga en eingöngu þeirra stærstu verða sífellt betri. Það er því hreint ekki svo galið að notfæra sér lestirnar þar sem við á.
Það er hins vegar ágætt að vita eitthvað um ítalska lestarkerfið áður en farið er af stað og hvernig best er að haga sér í því sambandi.
Reyndu að ferðast "létt"
Reyndu að hafa sem minnstan farangur - þetta er raunar góður siður burtséð frá ferðamátanum. En ef þú ert ekki á bílaleigubíl, þá þarf að hugsa málið öðruvísi.
| | | |
|
Hér koma ábendingar um tvö hótel í Róm, annað 4ra stjörnu fyrir þá sem vilja svolítið meira dekur og hitt 2ja stjörnu fyrir þá vilja ekki leggja of mikið í gistinguna. Bæði hótelin fá hins vegar ljómandi góðar umsagnir.
UNA Hotel Roma**** (Meðaleinkunn gesta: 8,9)
Aðeins í 100 metra fjarlægð frá Termini lestarstöðinni, loftkæld, nýmóðins herbergi og trégólf.
Hotel Domus Praetoria** (Meðaleinkunn gesta: 8,6)
Lítið og huggulegt hótel í göngufæri við Roma Termini járnbrautarstöðina. Góðar samgöngur í allar áttir. Hljóðeinangruð herbergi. Loftkæling. Hótelið fær mjög góða einkunn.
| | | |
|
Frá og með janúarmánuði 2011 leggst aukaskattur á gesti til Rómaborgar eftir því hvernig gistingu þeir velja sér.
Þessi skattur á við um gesti 10 ára og eldri.
Þannig þarf fjögurra manna fjölskylda, (t.d. foreldrar með tvö börn 11 og 13 ára) sem dvelur í viku í heimagistingu að greiða aukalega 4x7 evrur, þ.e. 4 evrur pr. nótt aukalega = 28 evrur ofan á hefðbundið verð og all miklu meira eftir því sem gistingin er dýrari.
| | | |
|
Eftirfarandi hótel í Flórens eru á meðal þeirra sem Íslendingar hafa nýtt sér.
Hotel Albani Firenze****
Hótelið stendur við rólega götu í nágrenni Santa Maria Novella lestarstöðvarinnar. Miðbærinn og allar dásemdir Flórensborgar í göngufæri. Hljóðeinangruð herbergi, Internet, líkamsrækt.
Hotel Bellettini**
Staðsett í gamla hluta Flórensborgar, nálægt öllu því markverðasta í Flórens. Internet. Hótelið fær góða einkunn.
| | | |
|
Heitt súkkulaði er vinsæll drykkur yfir vetrartímann á Ítalíu. Það á hins vegar ekkert skylt við kakóið sem við þekkjum og fáum gjarnan á kaffihúsum. Ítalska súkkulaðið er hnausþykkt og ætti helst að fá sér eina dýrindis teskeið í einu af þessum eðaldrykk.
Hér fyrir neðan er myndband sem sýnir hvernig búa skal til ekta heitt súkkulaði að ítölskum hætti.
| | | |
|
Á hverju ári, þann 2. júlí og 16. ágúst, þyrpist aragrúi fólks til ítölsku miðaldaborgarinnar Siena í Toskanahéraði á Ítalíu til að horfa á afar litríkar kappreiðar sem eiga sér forna sögu, Il Palio. Kappreiðarnar eiga sér stað á miðju aðaltorgi Siena, La Piazza del Campo sem þakin er mold og sandi af þessu tilefni.
Þarna keppa mismunandi borgarhlutar Siena sín á milli eftir ákveðnum reglum. Hrossin fara þrjá hringi um torgið og kapphlaupið sjálft tekur ekki nema ca. 90 sekúndur sem er ekki mikið þegar horft er til þess hve mikillar athygli atburðurinn nýtur í fjölmiðlum heima fyrir og erlendis. Dagarnir fyrir hlaupið eru að sjálfsögðu undirlagðir af gleði og spennu fyrir keppnina og ferðamenn í Siena á þessum tíma komast ekki hjá því að anda að sér þessu einstaka andrúmslofti.
Hér fyrir neðan má sjá stutt YouTube myndband af þessu einstæða kapphlaupi.
| | | |
|
Ferðalangur hafði spurnir af skemmtilegum matsölustað í Róm sem heitir Gusto. Staðurinn er á torgi sem ber nafnið Piazza Augusto Imperatore (í miðborginni nálægt Via del Corso og Spænsku tröppunum) Á laugardögum og sunnudögum er boðið upp á "brunch" sem kostar €15 og það má borða og borða og borða.... Mikil fjölbreytni!
| | | |
|
Það eru ekki bara milljónamæringar sem geta notið dásemda ítölsku eyjarinnar Sardiníu eins og Ferðalangur komst sjálfur að raun um fyrir nokkru síðan. Á vefsíðu telegraph.co.uk er ágætis grein um Sardiníu: Enjoy a rich legacy at budget prices þar sem heimsóttir eru margir staðir á norðurhluta eyjarinnar en einnig á vestur og suðurhluta hennar.
Á Sardiníu eru margar af fegurstu ströndum Miðjarðarhafsins og Costa Smeralda ásamt bænum Porto Cervo er með þeim frægustu á Sardiníu. Þar með er þó ekki allt upp talið - því hvar vetna eru fallegir staðir og engin ástæða til að halda sig eingöngu á þekktum stöðum.
Mynd: Austurhluti Sardiníu, S. Lucia
| | | |
|
Haustið er frábær tími til að sækja Ítalíu heim, einkum og sér í lagi vegna litríkra þorpshátíða og uppskeruhátíða (Vendemmia) sem haldnar eru á þessum tíma.
Að þessu sinni (2007) hefst uppskeran óvenju snemma, hefur ekki verið fyrr á ferðinni s.l. 30 ár vegna hitanna í sumar.
Þó að Toscana sýsla (Chianti héraðið) sé líklega þekktasta vínhérað Ítalíu út á við, þá er það Veneto sýsla sem framleiðir mesta vínmagnið á Ítalíu og þar á eftir fylgja Puglia, Sikiley og Emilia Romagna.
Vínhátíðirnar eru margar og má þar nefna Vino al Vino í þorpinu Panzano í Chianti héraði (milli Flórens og Siena) sem haldin er árlega þriðju helgina í september.
Í Piumonte sýslu í Asti (kannist þið ekki við Asti Spumante?) er hin árlega Douja d'Or hátíð og í Impruneta í Toscana er Festa dell'uva.
Við Gardavatnið hýsir þorpið Bardolino hið þekkta Bardolino Grape Festival í lok september.
Af nógu er að taka og á vefsíðu Frommers.com má lesa meira um þorps- og vínhátíðir í greininni How to Be a Part of Italy's Autumnal Wine Harvest
| | | |
|
Í grein frá Fodors.com, A Fool-Proof Amalfi Coast Itinerary, má finna ágætar ábendingar og tengla fyrir ferðalanga sem ætla að heimsækja hina þekktu Amalfi strönd á Ítalíu.
Hvenær er best að fara? Hvar er hyggilegt að dvelja? Minnst er á Positano, Ravello, Sorrento, Amalfi, Capri, Pompei o.fl.
[Myndin hér til hliðar er tekin á Capri].
| | | |
|
Verona er borg sem er mörgum Íslendingum að góðu kunn og auðvelt að gleyma sér þar í nokkra daga. Mátulega lítil/stór, rómantísk og ótrúlega auðug af minjum löngu liðinna tíma.
Ferðalangur átti leið um Verona í sumar og smellti þar af nokkrum myndum.
| | | |
|
Ferðalangur heimsótti eldfjallið Etnu á Sikiley í júní 2006 og 2007 og tók þá nokkrar myndir af þessu fræga fjalli, bæði í þokuveðri og í sól.
Algengt er að ekið sé upp í hlíðar Etnu sunnanmegin. Þá er ekin hraðbrautin A18 (Catania-Messina) og ekið út af henni við borgina Cataniu, tekin stefnan á Gravina og svo þorpið Nicolosi sem margsinnis hefur þurft að "verjast" eldfjallinu. Loks er ekið upp að svæði sem heitir Rifugio Sapienza en það stendur í 1910 m hæð yfir sjávarmáli. Etna er hins vegar um 3200 m há.
| | | |
|
Abano Terme heitir lítill 18.000 manna bær á N-Ítalíu og liggur í um 10 km fjarlægð frá háskólaborginni Padova.
Þessi litli bær hefur nokkra sérstöðu um fram marga aðra vegna þess að þar hafa menn nýtt heitar uppsprettur á svæðinu sér til heilsubótar allt frá tímum Rómverja. Nú á dögum gerir Abano alfarið út á þessa óvenjulegu aðstöðu og nánast öll hótel í Abano bjóða upp á úti- og innisundlaugaaðstöðu, æfingasali, leirböð, heilsunudd og ýmislegt fleira í þeim dúr.
Continue reading "Myndir frá ítalska heilsulindabænum Abano Terme" »
| | | |
|
Rómaraðdáendur verða skilyrðislaust að skoða merkilegan vef sem heitir Rome Reborn en að honum unnu þrír bandarískir háskólar.
Á vefnum má sjá Rómarborg á hátindi frægðar sinnar árið 320 eftir Krist, m.a. hringleikahúsið Colosseum, Foro Romano o.fl. Skoðið t.d. vel myndir og myndbandsbúta undir fyrirsögninni Gallery.
Stórmerkilegt framtak!
| | | |
|
Ertu á leið til Feneyja í lest? Er hitinn og svitinn að plaga þig? Ekkert mál! Á lestarstöðinni í Feneyjum, Santa Lucia, er prýðis sturtuaðstaða sem hægt er að kaupa sig inn á fyrir lítinn pening. Innifalið er heit sturta og handklæði (og m.a.s. hægt að loka vel að sér!) :-).
| | | |
|
Mörg nunnuklaustur (og raunar munkaklaustur líka) á Ítalíu hafa nú opnað dyr sínar fyrir ferðamönnum, klaustur í Róm þar á meðal. Sum klaustur bjóða gistingu sem líkja má við hótel, önnur bjóða afar einfalda gistingu (án sjónvarps, síma o.s.frv.)
Morgunmatur er oft innifalinn og sum klaustur bjóða jafnvel upp á ódýran en staðgóðan kvöldverð sem nunnurnar bera fram.
Gisting sem þessi er t.d. kjörin fyrir konur sem ferðast saman eða jafnvel einar. Látið ykkur þó ekki bregða við reglur sem kunna að gilda um "útivistartíma" :-). Sjá nánar á eftirfarandi síðum:
| | | |
|
Ferðalangur heimsótti Feneyjar fyrir skömmu og tók nokkrar myndir af því tilefni.
Heimsókn til Feneyja er eins og heimsókn inn í annan heim og hjálpast þar allt að; umferðarmenningin (bátarnir á síkjunum), lyktin, byggingarnar og andrúmsloftið í heild.
| | | |
|
Þeir eru ófáir ferðalangarnir sem dreymir um að komast a.m.k. einu sinni til borgarinnar Flórens á ævinni. Og víst er að fáar borgir komast í hálfkvisti við hana hvað varðar sögu og merkisstaði.
Hverjir þekkja ekki nöfn eins og Leonardo da Vinci, Michelangelo, Dante, Machiavelli, Galileo eða Medici? Allt voru þetta menn (og fjölskyldur sbr. Medici) sem komu við sögu í Flórens á blómaskeiði borgarinnar.
Nú á dögum er snjallt að heimsækja borgina að vorlagi eða að hausti til, þegar hitinn er skaplegur og ferðamannastraumurinn einnig.
Myndir frá Flórens
| | | |
|
Ferðalangur átti þess kost að ferðast með heilum karlakór fyrir skömmu til Ítalíu og var þá meðal annars komið við í Feneyjum. Að sjálfsögðu var lagið tekið á hinu fræga Markúsartorgi fyrir mann og annan. Þetta var Karlakórinn Hreimur að norðan og hér fyrir neðan má sjá lítinn myndbút sem tekinn var af því tilefni.
| | | |
|
Tvær íbúðir fást á leigu fyrir ferðamenn í Róm á besta stað í borginni, á sjálfri Via del Corso.
Annars vegar er um að ræða 2ja herbergja íbúð, ca. 55 fm á 2. hæð í glæsilegri byggingu í klassískum stíl. Verð 140 evrur nóttin, vikan á 900 evrur.
| | | |
|
Í ágætri grein á Fodors.com, Rome Alfresco, má lesa um fimm góða veitingastaði sem staðsettir eru á þekktum stöðum í Róm.
- ReCafé, Piazza di Spagna
- Il Bacaro, Piazza Navona
- Dal Toscano og Da Gianni í Vatíkaninu
- Da Fabrizio della Malva í Trastevere hverfinu.
| | | |
|
Senda á Facebook
