Ferðalangur

Búdapest: Ódýr hótel næstu 6 vikur

Ódýr hótel næstu 6 vikur. Upplýsingarnar uppfærast dag frá degi.

Heviz - nærir bæði sál og líkama

Ferðalangur hefur lengi haft mikla trú á heitum böðum og heilsulindum. Því er upplagt að nefna þekktan stað í Ungverjalandi, Heviz (Hévíz), sem liggur skammt frá vestari enda Balatonvatns.

Það ku vera nóg af böðum í Búdapest frá ýmsum tímum, s.s. frá tímum Tyrkja, Habsborgara, kommúnista og kapítalista... en þegar Ungverjar fara í frí, taka þeir lest til Heviz þar sem er að finna stærstu, heitu uppsprettu Evrópu, eins og lítið stöðuvatn. Til Heviz sóttu Rómverjar fyrir 2000 árum og fyrir 200 árum var byggð upp heilsumiðstöð hjá vatninu.

Vatnið er afar steinefnaríkt og á botni þess er þriggja feta þykkt lag af brennisteinsleir sem á að létta lífið hjá þeim sem þjást af ýmis konar gigtarsjúkdómum, húðsjúkdómum o.fl.

Upplýsingar um Heviz

Sparaðu í Búdapest

Sú var tíðin að ferðamenn gátu valsað um í Búdapest og eytt sáralitlu. Þeir tímar eru að mestu liðnir en þó má vel komast af með hæfilega lítið í Búdapest ef tekinn er smá tími í að kynna sér möguleikana.

Í greininni Budapest: Save vs. Splurge er kynnt hvernig komast má í böðin í Búdapest, t.d. Gellért böðin og hvernig hægt er að komast í þokkalega langa siglingu á Dóná fyrir minna verð en innpökkuð ferðamannasigling kostar milli Hotel Gellért og Margaret Bridge...

Einnig er minnst á möguleika til vínsmökkunar í House of Hungarian Wines, tónleika í Liszt Ferenc Zeneakadémia og heimsókn á týpískan ungverskan veitingastað, Bagolyvár.

Fín grein frá Fodors.com.

Vantar leiðsögn í Búdapest?

Ferðalangur sá í grúski sínu einstaklega góða umsögn um ungverskan leiðsögumann sem býður leiðsögn í Búdapest.

Þetta er ung kona að nafni Szusza Somogyi og hún ku vera  einstaklega fróð, hjálpsöm og þolinmóð.

Netfangið hennar: szusza.somogyi@gmail.com

Ungverjaland - Yfirlit

    Almennur fróðleikur

Yfirlitskort um Ungverjaland eða kort af tilteknum svæðum í Ungverjalandi (velja Hungary)

• Yfirlit um Ungverjaland - land og þjóð
• Saga Ungverjalands
• Gagnlegar staðreyndir og tölulegar upplýsingar

Gisting

Gisting í Ungverjalandi
Til leigu sumarhús og íbúðir frá E-domizil

Listahátíðir í Búdapest

Í Búdapest er haldin árleg hausthátíð, Budapest Autumn Festival (BAF). Hátíðin hefur verið haldin árlega síðan 1992 og er afar fjölbreytt. Allar listgreinar fá þar inni og þess má geta að "lifandi list" og nútímalistsköpun er n.k. einkennismerki hátíðarinnar.

Vefsíða haustlistahátíðarinnar
http://bof.hu/

Í leiðinni má geta þess að á vorin er einnig haldin mikil hátíð, Budapest Spring Festival. Næsta vorhátíð verður haldin 17. mars - 2. apríl 2006.

Nánari upplýsingar um hátíðir í Búdapest
www.festivalcity.hu.

Ungverjaland - vítt og breitt

"Heimsókn til Magyarorszag, (eins og Ungverjar kalla landið sitt) er ekki ósvipað því að heimsækja vin sem nýlega hefur keypt sér nýtt hús. Hann er upptekin við að hengja upp myndir, taka upp úr kössum og er enn að raða húsgögnunum - en hann er svo sannarlega glaður yfir því að þú gafst þér tíma til að líta við." Á þessum orðum hefst ágæt grein Moments in Magyar. Hungary is Ready for Visitors eftir Max Hartshorne frá GoNOMAD.com.

Í greininni lýsir Max m.a. heimsókn til Búdapest og stiklar þar á stóru um þá merku borg. Hann kemur síðan víða við, t.d. í Holloko í norðurhluta Ungverjalands, Miskolc, Visegrad, Eger og loks heimsækir hann slétturnar frægu.

Gisting í Ungverjalandi

Tihany við Balatonvatn í Ungverjalandi

Þorpið Tihany við Balatonvatn verðskuldar kafla út af fyrir sig. Þorpið stendur á litlu nesi sem var eitt sinn eyja en nær núna langt út í Balatonvatnið og skiptir því næstum í 2 parta. Það má með sanni kalla Tihany perlu Balatonsvæðisins.

Nesið, sem Tihany stendur á, var fyrsta friðlýsta svæðið í Ungverjalandi (1952). Þar gefur að líta merki um hveri - þar sem hverahrúður hefur safnast upp, nokkuð sem Íslendingar verða hissa á að sjá í útlöndum. Á nesinu er líka mikið af sérstöku plöntu- og dýralífi vegna hins sérstæða veðurfars sem ríkir við Balatonvatn og líka vegna þess að það rennur ekkert úr vatninu.

Balatonvatn - Balatonfüred

Balatonvatn í Ungverjalandi er stundum kallað "ungverska hafið" þar sem það er eina stöðuvatn/haf Ungverja. Það liggur í rúmlega 130 km fjarlægð frá Búdapest (eftir því hvaðan er mælt að sjálfsögðu).

Vatnið og umhverfi þess er mikill unaðsreitur og vinsæll sumarleyfisstaður fyrir bæði Ungverja og gesti sem koma lengra að,  jafnvel Íslendinga. Einstök veðurblíða og umhverfi gerir þetta að sannkölluðum sælureit.

Gisting

Hótel Annabella heitir þriggja stjörnu hótel sem  liggur um 50 m frá vatninu, stórt og glæsilegt. Þar er bæði hægt að nýta baðaðstöðu fyrir gesti niðri við vatnið eða sundlaugar hótelsins (bæði úti og inni). Morgunverðar- og kvöldverðarhlaðborð er mjög fínt og margvísleg aðstaða til dægrastyttingar á kvöldin, s.s. mismunandi tegundir veitingasala: Bjórgarður, píanóbar o.fl.

• Fleiri hótel í Balatonfüred

• Sumarhús í eða við Balatonfüred er afskaplega vænlegur kostur.

Búdapest

Orð eins og virðuleiki og glæsileiki koma fyrst í hugann þegar minnst er á Búdapest. Ekki þarf annað en að standa um stund á Hetjutorginu (Hosök Tere) til að skilja þessi orð og finnast maður mega sín lítils… Kannski ekkert skrítið að Búdapest er gjarnan nefnd "París" Austur-Evrópu.

Lágfargjaldafélög fljúgja gjarnan til Búdapest frá t.d. London. 

Hótel í Búdapest