Ferðalangur

Hvernig á að finna góðan veitingastað á Ítalíu?

Það úir og grúir af veitingastöðum í öllum ítölskum bæjum og borgum. Hvernig á ferðalangurinn að átta sig á því hvernig hægt er að finna góðan veitingastað?

Ferðalangur yfirheyrði ítalska vinkonu sína um daginn og fékk hjá henni nokkur góð ráð:

Ef þú vilt finna góðan veitingastað án þess að eyða um efni fram þá verðurðu að hugsa út í hverfið sem þú ert staddur í. Ertu í miðbænum? Ertu í vinsælu ferðamannahverfi? Þá geturðu nokkurn veginn gengið að því sem vísu að þú borgar meira fyrir matinn í slíku hverfi. Það er líka hætta á því að þú fáir ekki endilega betri mat þó hann kosti meira.

Gott "buffet" í Kaupmannahöfn

Ferðalangur frétti af skemmtilegum veitingastað í Kaupmannahöfn, RizRaz (á tveimur stöðum). Þar er að finna gott "buffet" í hádeginu þar sem boðið er upp ýmsa Miðjarðarhafsrétti. Staðirnir opna kl. 11:30 og það er þægilegt að geta virt fyrir sér allt sem er í boði t.d. salöt, brauð, eftirrétti o.fl. án þess að þurfa að velta vöngum yfir matseðlinum. Hægt er að sitja úti ef veður leyfir.

Staðsetning: Kompagnistræde 20, 1208 København K og St. Kannikestræde 19 1169 København K.

Vefsíða:  www.rizraz.dk

• Ódýr hótel í Kaupmannahöfn næstu vikur
• Hótel og önnur fjölbreytt gisting í Kaupmannahöfn
• Ferðahandbækur á pdf formati (líka einstaka kaflar) fyrir Danmörku/Kaupmannahöfn og ferðaforrit fyrir Iphone

Senda á Facebook

Tveir notalegir veitingastaðir í Mýrinni - Le Marais í París

Hér koma tveir veitingastaðir sem Ferðalangur heimsótti sjálfur í París fyrir nokkru - vinalegir og heimilislegir og einnig ódýrir. Þeir eru báðir í 4. hverfi.

Le Bistrot Beaubourg,
25, rue Quincampoix
París
Góður og heimilislegur franskur matur - ódýr.


Pizza Sant Antonio
1 rue de la Verrerie,
(Place du Bourg-Tibourg)
París
Ljómandi góð ítölsk pizza og aðrir ítalskir réttir

• Hótel og fjölbreytt gisting í París
• Ódýr hótel næstu 6 vikur í París
• Ferðahandbækur á pdf formati (líka einstaka kaflar) fyrir París og ferðaforrit fyrir Iphone

 

Senda á Facebook

Að drekka síðdegiste í London

Það að setjast niður milli 3-5 síðdegis og fá sér tesopa og "með því" er svona um það bil sá enskur siður sem gæti talið "enskastur" ... Myndin hér til hliðar er frá Ritz hótelinu en síðdegissopinn gerist vart flottari en einmitt þar.

Ef þú ert í sporum ferðalangsins og hefur t.d. þrammað um stræti London, inn og út úr verslunum og söfnum, þá áttu einfaldlega  skilið að setjast niður og fá þér góðan tebolla. Þú mátt eiga von á góðu úrvali tetegunda, litlum samlokum þar sem búið er að skera skorpuna af, heitum skonsum með rjóma og sultu, úrvali af kökum, smákökum og öðru slíku sætmeti.

Besti staðurinn í London til að fá sér te er auðvitað Buckingham Palace en það er líklega þrautin þyngri að verða sér úti um boð í garðpartíin þar.

Flottustu hótelin í London eru fræg fyrir síðdegistesopann - t.d. Ritz, Savoy og Waldorf hótelin en verðið þar er eftir því. Hinsvegar er ógleymanlegt að leyfa sér að upplifa stemninguna svona einu sinni...

Hér fyrir neðan eru dæmi um nokkra vel valda staði þar sem hægt er að njóta þess að setjast niður og fá sér síðdegiste í London:

Skemmtilegur matsölustaður í Róm

Ferðalangur hafði spurnir af skemmtilegum matsölustað í Róm sem heitir Gusto. Staðurinn er á torgi sem ber nafnið Piazza Augusto Imperatore (í miðborginni nálægt Via del Corso og Spænsku tröppunum) Á laugardögum og sunnudögum er boðið upp á "brunch" sem kostar €15 og það má borða og borða og borða.... Mikil fjölbreytni!

http://www.gusto.it/

Ódýrir en góðir veitingastaðir í London

Ágætis ábendingar um ódýra matsölustaði í London má finna í greininni Best London Dining Under 20 Quid. Þetta eru eftirfarandi staðir (betri upplýsingar í greininni sjálfri):

Góður veitingastaður í Frankfurt

Mynd frá markusbaumgartnerá Flickr

Óhætt er að mæla með  veitingastað í Frankfurt sem Ferðalangur prófaði sjálfur nú á dögunum. Það er lítill franskur staður sem heitir Coq au Vin og liggur á horni Schweizerstrasse og Textorstrasse í borgarhlutanum Sachsenhausen.

Það er líkast til vissara að panta ef fólk vill vera öruggt um að fá pláss t.d. um helgar.

Góðir veitingastaðir í London

Tvær ábendingar um góða veitingastaði í London:

Indverskur grænmetisstaður í suðurhluta London: Kastoori. Það er Thanki fjölskyldan sem rekur hann og starfsfólkið ku vera afar liðlegt. Máltíðinni er upplagt að ljúka með kulfis (indverskum ís). Sanngjarnt verð kemur á óvart!

Ef leiðin liggur um Trafalgar Square og the National Gallery, er gott að fá sér hádegisverð eða kaffipásu í Portrait Restaurant sem er í the National Gallery. Þaðan er mjög fallegt útsýni yfir London (Þinghúsið, the Eye og Big Ben)

Fimm góðir veitingastaðir í Róm

Í ágætri grein á Fodors.com, Rome Alfresco,  má lesa um fimm góða veitingastaði sem staðsettir eru á þekktum stöðum í Róm.

- ReCafé, Piazza di Spagna

- Il Bacaro, Piazza Navona

- Dal Toscano og Da Gianni í  Vatíkaninu

- Da Fabrizio della Malva í  Trastevere hverfinu.

 

Napólí: Hvernig er hin eina, sanna pizza?

Í greininni Naples: A Passion for Pizza frá Fodors.com er hægt að kynna sér hvernig hin einna sanna pizza frá Napólí á að vera og mælt með góðum veitingastöðum í Napólí þar sem hægt er að gæða sér á "eðalpizzum". 

Nýlega tóku samtök pizzugerðarmanna í Napólí sig saman og settu upp n.k. staðal fyrir pizzuna, þ.e. nú er hægt að tala um pizza doc (denominazione d'origine controllata) og pizza stg (specialità tradizionale garantita).

Ábendingar um veitingastaði í London

Ferðalangur hafði spurnir af tveimur góðum veitingastöðum í London sem ætlunin er að prófa við fyrsta tækifæri.

- Maroush - líbanskur veitingastaður á nokkrum stöðum í London, afar góður!

- Taste of India - indverskur veitingastaður, skammt frá Covent Garden, einnig mjög fínn.

Glæsilegur veitingastaður í París

Fyrir þá sem vilja gera sér glaðan dag í París og halda veglega upp á t.d. afmæli eða annað... er upplagt að fara á Brasserie Julien, sem hefur staðið sína "pligt" frá því á 19. öldinni, með innréttingum í glæsilegum Art Nouveau stíl.

Heimilisfang:

Julien
16, rue du Faubourg Saint-Denis
75010 Paris
Sími: +33(0)1 47 70 12 06
Fax : +33(0)1 42 47 00 65

"Beer in the evening"

Fyrir þá sem hafa gaman af enskum "pöbbum" er vefurinn www.beerintheevening.com alveg bráðnauðsynlegur!

Á vefnum er hægt að skoða "pöbba" út um allt England, skoða umsagnir um þá og fá t.d. upplýsingar um hvar þeir eru staðsettir. Hægt er að leita að tilteknum pöbbum eftir nafni, leita á ákveðnum stöðum o.fl.

Ristorante, trattoria, osteria.... Hver er munurinn?

Þú ert stödd/staddur á Ítalíu og ætlar aldeilis að taka til matar þíns. Hefur enda heyrt að hvergi sé betra að borða en á Ítalíu. En hver er munurinn á ristorante, trattoria, osteria, tavola calda, paninoteca, enoteca o.s.frv.?

Allt eru þetta staðir þar sem hægt er kaupa ýmislegt matarkyns en þó er munur á því hvers konar matur er seldur og hvernig hann er fram borinn.

Ristorante
Ítalskir ristoranti (fleirtala) eru eins mismunandi og landslagið á Ítalíu. Sumir tilheyra þekktum kokkum sem sérhæfa sig í nýstárlegum réttum og óvenjulegum. Aðrir eru einfaldir og bjóða hefðbundna rétti héraðsins. Á ristorante er prentaður matseðill og vínlisti.

7 veitingastaðir í 7 borgum: 37 réttir á 5 dögum

Það eru nýjar bylgjur á ferðinni í franskri matargerð - nú gera ungir franskir kokkar ekki einungis út á mat sem þarf nokkrar stundir til að njóta og Michelin-stjörnu veitingastaði.

Í greininni An adventure in 37 courses segir Lesley Brenner frá ferð sinni um Suðvestur-Frakkland á milli 7 veitingastaða í 7 borgum á 5 dögum. Veitingastaðirnir eru oft á tíðum ósköp látlausir, jafnvel bara bistro og á skikkanlegu verði.

Skemmtileg grein fyrir áhugafólk um franska matargerð!

Grænmetisveitingastaður í Róm - Arancia Blu

Eigandi veitingastaðarins Arancia Blu í Róm hefur þá "köllun" að sanna að grænmetisfæði sé ekki neinn annars flokks matur. Það tekst honum svo sannarlega, með bragðmiklum og fjölbreyttum réttum, enda á hann sinn áhangendahóp sem samanstendur bæði af grænmetis- og kjötætum. Hjá honum er ekki hægt að borga með kreditkorti og ekki er opið í hádeginu.

Heimilisfang
Via dei Latini 55/65 (San Lorenzo).

Grænmetisveitingastaður í London

Einn af elstu grænmetisstöðum í London er Manna Vegetarian Restaurant. Þar er ótrúlegt úrval af freistandi réttum, t.d. Yam Yam bollur, risotto kökur, bambuslauf með tofu fyllingu og núðlum og svo mætti lengi telja. Staðurinn hefur unnið til nokkurra verðlauna.

Heimilisfang
4 Erskine Road, Primrose Hill.

Grænmetisveitingastaður í París

Ekki er hægt að segja að París sé Mecca þeirra sem vilja eingöngu grænmetisrétti. Þó er nokkur fjöldi góðra grænmetisstaða þar, m.a. La Victoire Suprême du Coeur. Þar er hægt að fá grænmetis kebabs, salöt, kartöflurétti, grænmetiskjúkling, grænmetislasagne og alls kyns svepparétti.

Heimilisfang
41 rue des Bourdonnais.

Fræg kaffihús í Evrópu

Hefur þú fengið þér "molasopa" á eftirfarandi kaffhúsum?

Feneyjar
Café Florian
Piazza San Marco (00 39 41 520 5641)
Afar frægt og tilkomumikið kaffihús á Markúsartorginu með skrautlegum innréttingum.
Frægir gestir: Casanova, Byron, Goethe og Proust.
Panta: Eina sneið af "haut-couture" köku.

Kanntu þig á veitingastöðum?

Til gamans má geta þess að fyrir stuttu var gerð könnun í Bretlandi á vegum breska tímaritsins Olive varðandi verstu ósiði (faux pas) veitingahúsagesta.

Vinninginn hafði sá leiði siður sumra gesta að smella fingrum til að ná athygli þjónustufólks (38% af 8,683 manna hópi).

Veggie & Organic London

Hér kemur bók fyrir ferðalanga til London sem vilja gjarnan borða á grænmetisstöðum, veitingastöðum með lífrænan mat, vita af verslunum með heilsufæði og lífrænt ræktaðar vörur, "djúsbari" o.m.fl. í heilsugeiranum.  Veggie and Organic London eftir Russel Rose og Natalie Pecht (ljósmyndari).

Verð bókarinnar er aðeins $10.40 frá Amazon.com.

Veitingastaðir í London, París og Barcelona

Í mörgum helstu ferðamannaborgum Evrópu eru veitingastaðir sem marga dreymir um að borða á a.m.k. einu sinni á ævinni... - Sumir þessara staða eru einfaldlega klassískir og hafa verið til árum saman. En skv. sérfræðingum Fodors.com rísa ekki allir staðirnir undir nafni lengur, þó að hópferðamennska dugi einatt til að halda nafni þeirra á lofti. Fodors.com bað "sína menn" í nokkrum vinsælustu borgum heims að kveða upp úr með það hvaða klassískir veitingastaðir stæðu ENNÞÁ undir nafni og hér fyrir neðan má sjá afraksturinn í Barcelona, London og París.

• Barcelona
• London
• Paris

Fimmtíu bestu veitingastaðir í heimi

Tímaritið Restaurant Magazine velur árlega 50 bestu veitingastaði í heimi. Árið 2005 eru um fjórðungur þeirra staða, sem rötuðu inn á listann, staðsettir í London. Á vefsíðu Fodors.com er hægt að kynna sér listann og lesa umsagnir um veitingastaðina.

Í London eru m.a. nefndir eftirfarandi staðir:

• Gordon Ramsay
• Tom Aikens
• The Gallery at Sketch
• Angela Hartnett at the Connaught

Forvitnileg lesning fyrir alla þá sem gaman hafa af góðum veitingastöðum.

Veitingastaðir í London (og víðar) og sértilboð

Á vefsíðunni Top Table - www.toptable.co.uk, er hægt að lesa um, skoða myndir af og velja úr miklum fjölda veitingastaða í London og síðan að panta borð yfir netið ef svo ber undir. Ástæða er til að vekja sérstaka athygli á Special Offers þar sem hægt er að sjá hvaða veitingastaðir bjóða afslætti (oft verulega!) og ýmis tilboð.

Hvar í borginni á veitingastaðurinn að vera? Hvers konar matargerð?

Vefsíðan nær yfir veitingastaði í  London og í 30 öðrum borgum í Bretlandi en gefur einnig möguleika á að leita uppi veitingastaði í París. Oft fylgja umsagnir gesta.

Veitingahús í Prag

Til gamans verða nefndir hér nokkrir veitingastaðir sem gaman er að heimsækja í Prag.

La Perle de Prague
Það er ákaflega fallegt útsýni frá þessum rómantíska, franska veitingastað í byggingu sem kölluð er "Fred and Ginger" (líkist hinu fræga danspari). Biðjið t.d. um borð við gluggann og lítið endilega upp á þaksvalirnar.
La Perle de Prague, Rasinovo nabrezi 80 (sími 00420 221 984 160).

U modré ruze
Þeir eru þykkir veggirnir á þessum veitingastað enda kjallarinn sem hýsir hann orðinn a.m.k. 600 ára gamall og stíllinn gotneskur. Veggirnir eru skreyttir skjaldarmerkjum, herklæðum og styttum. Skemmtilegur staður.
U modré ruze, Rytírská 16 (sími: 00420 224 225 873).

Novomistský Pivovar
Á þessum skemmtilega stað er bæði hægt að borða og fylgjast með meisturunum brugga bjór. Að sjálfsögðu er sá bjór á boðstólum fyrir gesti og gangandi. Harmonikkuleikari spilar á kvöldin.
Novomìstský Pivovar, Vodièkova 20 (00420 222 232 448).