« febrúar 2005 | Main | apríl 2005 »
Á vefsíðunni Snoweye er búið að safna saman tenglum í yfir 4000 vefmyndavélar á skíðastöðum út um allan heim, alls frá 45 löndum. Þar af eru rúmlega 2500 myndavélar staðsettar í Evrópu.
Hægt er að velja löndin og landsvæðin á einfaldan hátt og skoða myndavélarnar eða nánari upplýsingar um skíðasvæðin.
Ekki er víst að allar myndavélarnar virki alltaf... - sumar eru einungis í gangi yfir skíðatímabilið en aðrar allt árið um kring.
Uppfært nóv. 2010
| |
|
Á vefsíðunni World Climate er hægt að fletta upp meðalhita yfir árið á helstu stöðum í heiminum. Sláið inn nafn borgar/bæjar, veljið úr rétta staðinn ef um fleiri en einn er að ræða og smellið loks á Average temperature eða aðrar forvitnilegar upplýsingar um veðurfar.
| |
|
Vikurnar tvær í kringum páska eru með annasömustu vikum ársins í Róm. Tugir þúsunda pílagríma koma langt að til að taka þátt í páskahátíðahöldunum sem eru með mikilvægustu atburðum hjá kaþólskum.
Triduum - dagarnir þrír frá kvöldi skírdags til páskadags, gefa góða mynd af kaþólsku kirkjunni í önnum og sér í lagi páfanum sem þarf að fylgja býsna erfiðri dagskrá. En hefðirnar eru á þessa leið:
| |
|
Það er vandfundin jafn gagnleg síða og Michelin kort og vegvísar.
Á síðunni er að finna margs konar hjálpartól fyrir ferðalanga, svo sem Routes, Maps, Weather og marga aðra gagnlega hluti.
Loks má nefna að hægt er að skrá sig og fá notendanafn og þar með er hægt að vista upplýsingar á "eigin svæði" eftir leitir.
Þetta er síða sem óhætt er mæla með.
Uppfært nóv. 2010
| |
|
Ferð með Glacier Express um svissnesku alpana er án efa ein markverðasta og minnistæðasta lestarferð sem hægt er að hugsa sér.
Síðastliðin 75 ár hefur lestin, sem stundum er kölluð "hægasta" hraðlest í heimi, flutt ferðamenn frá hinum heimsfræga skíða- og ferðamannastað St. Moritz og skilað þeim til Zermatt við rætur Matterhorn. Lestarferðin tekur um 7 1/2 tíma ef ekki er stansað sérstaklega á neinum stað.
Raunar er hægt er að fara með öðrum lestum þessa sömu leið á ódýrari hátt, ef menn vilja losna við aðra ferðamenn ;-) þó þær heiti ekki þessu virðulega nafni "Glacier Express".
| |
|
"Hvernig lítur austurríski fáninn út? Tja... eða fáni Portúgal?" Þessum spurningum og fleirum í svipuðum dúr fæst svarað á vefsíðunni World Flag Database.
Einnig er vert að benda á CIA The World Factbook - Flags of the World
| |
|
Einstaka sinnum getur komið upp sú staða að hringja þurfi í upplýsingar Símans (118) frá útlöndum. Númerið sem þá þarf að nota er eftirfarandi: + 354 80 90 118. Þetta númer er snjallt að setja inn í símaskrá farsímans svo fljótlegt sé að grípa til þess þegar á þarf að halda.
| |
|
Þarftu að áætla kostnað við akstur í Frakklandi? Ekkert mál. Á vefsíðunni http://www.autoroutes.fr (hægt að smella á English version) er hægt að setja inn brottfararstað og áfangastað og láta reikna út vegatolla miðað við stærð bíls og leið sem valin er.
| |
|
Balatonvatn í Ungverjalandi er stundum kallað "ungverska hafið" þar sem það er eina stöðuvatn/haf Ungverja. Það liggur í rúmlega 130 km fjarlægð frá Búdapest (eftir því hvaðan er mælt að sjálfsögðu).
Vatnið og umhverfi þess er mikill unaðsreitur og vinsæll sumarleyfisstaður fyrir bæði Ungverja og gesti sem koma lengra að, jafnvel Íslendinga. Einstök veðurblíða og umhverfi gerir þetta að sannkölluðum sælureit.
Gisting
Hótel Annabella heitir þriggja stjörnu hótel sem liggur um 50 m frá vatninu, stórt og glæsilegt. Þar er bæði hægt að nýta baðaðstöðu fyrir gesti niðri við vatnið eða sundlaugar hótelsins (bæði úti og inni). Morgunverðar- og kvöldverðarhlaðborð er mjög fínt og margvísleg aðstaða til dægrastyttingar á kvöldin, s.s. mismunandi tegundir veitingasala: Bjórgarður, píanóbar o.fl.
| |
|
Rómarborg verða ekki gerð skil í einum litlum pistli. En það er hins vegar full ástæða til að benda á Rómarvefinn, glæsilegan íslenskan vef, þar sem hægt er að fræðast um Róm frá ýmsum sjónarhornum og raunar Ítalíu almennt líka.
| |
|
