« mars 2005 | Main | maí 2005 »
Hefur þig ekki alltaf dreymt um að gista í gömlum kastala? Nú - eða í gömlum vita, á lögreglustöð eða jafnvel í fangelsi? Í hesthúsi, hlöðu eða á prestsetri? Möguleikarnir eru margir - skoðaðu þessa skemmtilegu síðu Distinctly Different frá Bretlandi.
Uppfært nóv. 2010
| |
|
Það hentar ekki öllum að ferðast með lestum. Yngra fólk er trúlega duglegra við það en eldra en kannski snýst málið fyrst og fremst um góða skipulagningu og að hafa ekki of mikinn farangur! Ef spara á gistikostnað þegar ferðast er um Evrópu, er einn möguleiki sá að ferðast með næturlestum af og til ef fara þarf langar vegalengdir á einu bretti.
Í greininni Save money overnight on a train eru gefnar ýmsar ábendingar í þessum efnum varðandi ferðalög í Evrópu.
| |
|
Hér er tilvalið sumarhús í Villars í Sviss, sem stór-fjölskyldan getur sameinast um að sumarlagi eða um vetur.
Átta svefnherbergi á fjórum hæðum, pláss fyrir 28 manns. Húsið stendur í nágrenni Genfarvatns í stórkostlegu umhverfi. Leigist frá laugardegi til laugardags.
Uppfært nóv. 2010
| |
|
Það veldur oft miklum vangaveltum hjá íslenskum ferðalöngum hvort og hvernig eigi að gefa þjórfé. Um það eru stundum skiptar skoðanir en þó gilda nokkur almenn lögmál í þessu sem öðru. Ekki viljum við skera okkur úr á ferðalögum fyrir nánasarhátt!
Hér á eftir fer smá umfjöllun um venjur í þessum málum á Ítalíu, í Þýskalandi, Frakklandi og í Bretlandi.
| |
|
Fyrir nokkrum árum lenti ég í smá ævintýri við komu til Stansted flugvallar frá Keflavík. Ég hafði eytt fleiri klukkutímum á Netinu í leit að ódýrri gistingu í nágrenni Stansted og ákvað loks að panta hjá Bonningtons Guest House vegna þess að þar var bæði gistingin ódýr og innifaldar ferðir til og frá flugvelli. - Þegar ég hringdi hins vegar af flugvellinum, kannaðist enginn neitt við neitt og pöntunin mín fannst hvergi.
Mér var þó leiðbeint um það hvernig finna mætti annan stað og til að gera langa sögu stutta, endaði ég í yndislegu herbergi ennþá nær Stansted (5 mín.) og enn ódýrara en hitt. Gistingin var í High Trees (B&B) hjá afskaplega notalegri konu, Jean Jennings. Allt var óskaplega snyrtilegt og morgunverðurinn indæll.
Þarna hef ég síðan gist mörgum sinnum og kann vel að meta hversu stutt þetta er frá flugvellinum og herbergin snyrtileg og á góðu verði.
Fleiri hótel og gistimöguleikar við Stansted flugvöll
Uppfært nóv. 2010
| |
|
Elsta borg Þýskalands (ásamt Worms), hvergi eins margar rómverskar rústir norðan Alpafjalla, níu staðir og byggingar innan borgarinnar á heimsminjaskrá Unesco, einn af fallegustu jólamörkuðum Þýskalands... og svona mætti lengi telja. Borgin Trier (íbúar um 100.000) við ána Mósel hefur svo sannarlega mikið aðdráttarafl.
Hótel og fjölbreytt gisting í Trier
Veður og hitastig í Trier
| |
|
Evrópskt sjúkratryggingakort
Evrópskt sjúkratryggingakort gildir í flestum löndum Evrópu.
Mjög einfalt er að sækja um kortið á vefsíðu Sjúkratrygginga Íslands. Þar má einnig lesa leiðbeiningar um hvar kortið gildir o.fl. Mikilvægt er að vita að það gildir eingöngu hjá hjá heilsugæslustöðvum, sjúkrahúsum, apótekum og öðrum þjónustuaðilum með samninga við opinbera sjúkratryggingakerfið. Ekki þýðir að framvísa kortinu á einkareknum læknastofum, heldur einungis á stofnunum sem hið opinbera rekur!
| |
|
Sagt er að fyrir mörgum árum síðan hafi geit nokkur í þorpinu Cochem í Móseldalnum verið grunuð um að sötra ótæpilega vín staðarins. Að stela víni var alvarlegur glæpur og hinir eldri og ráðsettari íbúar bæjarins ákvaðu að taka yrði á málinu. En hvernig átti að sanna sekt geitarinnar? Menn vissu að aðeins var framleitt hvítvín á svæðinu og þeir duttu niður á lausn sem þeim þótti augljós. Best væri að setja geitina í vínpressuna og athuga hvort út kæmi ljósleitur vökvi…
Hótel og fjölbreytt gisting í Cochem
Hótel og fjölbreytt gisting í Móseldalnum
| |
|
Móseldalurinn í Þýskalandi er með fallegri héruðum að sækja heim, þar sem áin Mósel liðast um dalinn eins og slanga og lítil, falleg og litrík þorp skreyta bakka árinnar með vissu millibili.
Áin Mósel á upptök sín í Frakklandi en fallegasti hluti hennar liggur milli borganna Trier og Koblenz, um 193 km leið, áður en hún sameinast ánni Rín.
Hótel og fjölbreyttir gistimöguleikar í Móseldalnum
| |
|
Það er óhætt að mæla með ferðahandbókunum úr seríunni Time Out Guides. Þær eru þægilegar, vel uppsettar og skipulegar og umfram allt gagnlegar. Komnar eru út slíkar bækur fyrir þekktustu ferðamannaborgir Evrópu og víðar.
Sjá t.d.
Time Out Barcelona
Time Out London
Time Out Paris
Time Out Rome
Time Out Venice
| |
|
