Ferðalangur

Matreiðslunámskeið á Ítalíu

Marga dreymir um að komast á matreiðslunámskeið á Ítalíu - fá tilsögn í ítalskri matargerð í rétta umhverfinu og með rétta hráefnið við höndina. Af nógu er að taka þegar slík námskeið eru skoðuð - en á vefsíðu Times Online birtist fyrir nokkru síðan yfirlit yfir ítalska matreiðsluskóla/námskeiðshaldara sem sérstaklega var mælt með. Vefsíður þeirra birtast hér fyrir neðan.

Að strjúka tær í Split

Það er eitthvað barnslega skemmtilegt við hjátrúna sem fylgir mörgum frægum styttum. Komdu við tána, hendina, brjóstið - nú eða aðra líkamshluta og þá máttu óska þér hvers sem þú vilt.... Ein slík stytta prýðir borgina Split, höfuðstað Dalmatíuhéraðs í Króatíu - styttan mikla af 10. aldar biskupnum Grgur af Nin. Ef þú strýkur tána á biskupnum góða, sem löngu er orðin gullin og slípuð af strokunum gegnum aldirnar, þá máttu óska þér og óskin mun rætast...

Hótel í Split

Á skíði fyrir jól?

Desembermánuður er e.t.v. ekki mánuðurinn sem fólk nýtir almennt til að fara á skíði til útlanda. Þó er hugsanlegt að einn og einn vilji nýta sér rólegheit og næði, viðarilm og arineld, sem finna má í Obergurgl í Tíról á þessum árstíma eins og lesa má um í greininni Where to find snow before Christmas eftir Nick Rufford af vefsíðu Times Online.

Gisting í Hotel Alpenland, Obergurgl

Feneyjar... með útsjónarsemi

Afhverju ekki að ferðast til Feneyja utan mesta ferðamannatímans? Nota haustin og vorin?

Það er full ástæða til að skoða þann möguleika því Feneyjar á sjóðheitum sumardegi eru erfiðar viðfangs! Og gisting í Feneyjum sjálfum er mun ódýrari á haust- og vormánuðum.

Gisting frá Hotel Club, Venere og Hostelworld

Á tímabilinu nóvember - janúar má stundum eiga von á flóðum eða Aqua Alta eins og Feneyjabúar kalla það, en þá er bara að vera við því búinn og upplifa eitthvað öðruvísi!

Kanntu þig á veitingastöðum?

Til gamans má geta þess að fyrir stuttu var gerð könnun í Bretlandi á vegum breska tímaritsins Olive varðandi verstu ósiði (faux pas) veitingahúsagesta.

Vinninginn hafði sá leiði siður sumra gesta að smella fingrum til að ná athygli þjónustufólks (38% af 8,683 manna hópi).

Góð ráð og skíðasvæði fyrir byrjendur

Þeir sem ekki hafa enn kynnst skíðaíþróttinni að ráði, en dreymir um að komast í skíðaferðir til útlanda, ættu að líta á vefsíðuna Ski/snowboard advice af vefsíðu This is Travel.

Á síðunni fást ágæt svör við mörgum spurningum, s.s. hvaða orð eru notuð í skíðaíþróttinni (ski jargon), er hættulegt að fara á skíði, að hverju þarf að huga áður en lagt er í hann og hvaða skíðasvæði erlendis eru góð fyrir byrjendur. Þar eru m.a. nefndir eftirfarandi staðir:

Skíðasvæði í Frakklandi

Í Frakklandi eru mörg afbragðsskíðasvæði og verða nefnd hér nokkur svæði sem henta þeim sem náð hafa góðu valdi á skíðaíþróttinni. Samantektin er byggð a á grein Peters Hardy, Ski resort selection af vefsíðu travel.telegraph.

Les Arcs

www.lesarcs.com

Les Arcs liggur fyrir ofan bæina Moûtiers, Aime og Bourg-St-Maurice. Svæðið tengist La Plagne með kláfi og þar með verður til heljarstórt svæði Paradiski (sem raunar samanstendur af einu svæði í viðbót: Peisey-Vallandry). 

Klassískar akstursleiðir - kort og myndir

Nokkrar klassískar akstursleiðir í Evrópu prýða þennan laugardagspóst. Á vefsíðu Fodors.com er m.a. hægt að skoða afar falleg myndasöfn frá nokkrum af þekktari ferðamannastöðum í Evrópu eins og sjá má hér fyrir neðan. Einnig er hægt að skoða kort og lesa sér til um staðina í leiðinni.

Nauðsynlegt er að hafa Macromedia Flash Player til að birta myndirnar.

• Toskana á Ítalíu (Chianti, San Gimignano, Siena o.fl.)
• Bæjaraland í Þýskalandi (Garmisch, Tegernsee, Bad Reichenhall o.fl.)
• Loire dalurinn í Frakklandi (Chinon, Saumur, Bourqueil, Sanserre o.fl.)
• Norður-Spánn (Cantabria ströndin, Bilbao, San Sebastian, Pamplona, Vitoria, Logrono o.fl.)
• Lake District í Bretlandi

Podcasts - ferðalög

Tölvuglaðir ferðalangar og Ipod eigendur þekkja e.t.v. nú þegar nýjustu straumana á netinu - þ.e. podcasts - hljóðskrár um öll möguleg efni sem oft er hægt að gerast áskrifandi að.

Á síðunni Podcastalley er hægt að velja sér efnissvið, "Pic a Podcast Genre" og velja Travel. Þar eru í boði um 30 efnisflokkar frá ýmsum aðilum og hægt að gerast áskrifandi að þeim og hlaða síðan niður á Ipod.

Fyrst þarf þó að hafa "lesara" sem les áskriftirnar og um það fást upplýsingar á Podcastalley. Einnig má fá svar við þessari einföldu spurningu: Hvað er eiginlega podcast?

Gönguleiðir í London

Ferðalangur er svolítið upptekinn af London þessa dagana og ætlar nú að kynna afar skemmtilega síðu með gönguleiðum um London:
http://www.london-footprints.co.uk/

Gönguleiðirnar eru flokkaðar eftir borgarhlutum og er m.a. hægt að smella á Covent Garden eða Dickens Westminster og fá nákvæma leiðarlýsingu og jafnvel kort.