Ferðalangur

Töfrar Amalfi...

Það hefur ekki mikið breyst á Amalfi ströndinni í hundruðir ára. Ströndin sjálf er um 50 km löng og nær frá Sorrento til Salerno. Þarna má sjá palla fyrir sítrónutré grafna inn í fjallshlíðarnar og brattinn er hreinlega of mikill til að bæta miklu við. Húsin í þorpunum standa líka of þétt til þess að pláss sé fyrir "corporate culture" - sem betur fer.

Á Amalfi eru hótelin meðal þeirra fallegustu og rómantískustu á  Ítalíu. Þau standa oft í fallegum þorpum eða í gömlum miðaldaklaustrum og hafa jafnvel verið í eigu sömu ættarinnar  í marga ættliði. Eins og áður fyrr, þá er orðið ódýrt ekki til í Amalfi orðabókinni.

Ýmsir staðir í Frakklandi

Vive le sunny side of life: France heitir grein úr travel.telegraph og lýsir mörgum þekktum og síður þekktum stöðum í Frakklandi á snaggaralegan hátt.

Staðirnir sem stuttlega er fjallað um eru:  Les Adrets de L'Estére (þar sem Robin Hood þeirra Frakka, Gaspard de Besse hélt sig á 18. öld), Arras, Avignon, Biarritz, Grénoble, Lyon, Marseille, Menton, Nice, Nîmes, Paris, Strasbourg o.fl.

Í greininni koma líka fram uppástungur um ýmislegt "nýtt" sem gera má í Frakklandi s.s. eins og að læra matreiðslu að frönskum hætti, hjóla um í Lubéron og margt fleira.

Nokkrar gagnlegar vefslóðir

• www.lyon-france.com
• www.marseille-tourisme.com
• www.nicetourisme.com
• www.ot-nimes.fr
• www.grenoble-isere.info

[Mynd: http://www.frankreich-sued.de/prominente-server/gaspard-de-besse/gaspard-de-besse.htm]

Kantaraborg

Kantaraborg eða Canterbury (um 40.000 íbúar) stendur í héraðinu Kent, suðaustur af London. Þessi litla borg er troðfull af strætum, verslunum og hótelum sem heita í höfuðið á þjóðskáldi Englendinga Geoffrey Chaucer sem skrifaði hinar frægu Kantaraborgarasögur, Thomas Becket, St. Augustine og Christopher Marlowe. Fleiri "syni borgarinnar" mætti nefna eins og t.d. Róbert bangsa :-).

Podcasts - hlaðvörp um ýmsar borgir

Frá Rough Guides bjóðast nú podcasts (hljóðskrár) frá nokkrum þekktum borgum, þ.á.m. Glasgow, London, Prague og París. Þeim er hægt að hlaða niður frítt á mp3 formati og hlusta á að vild. Á sömu síðu eru einnig leiðbeiningar um hvað eru podcasts og hvernig er hægt að nota slíkar skrár.

Slóðin: http://www.roughguides.com/podcasts/

Padova - falinn fjársjóður

Háskólaborgin Padova stendur við Bacchiglione ána milli Verona og Feneyja og gegnir stóru hlutverki sem miðstöð verslunar, landbúnaðar og iðnaðar í héraðinu Veneto.

Hvers vegna Padova?
Leikritið fræga, Skassið tamið eftir Shakespeare var látið gerast í Padova. Í borginni má finna mjög vel varðveitt kalkmálverk eftir 14. aldar málarann fræga Giotto. Padova er ein af fallegustu smáborgum Ítalíu, með yfirbyggðar gangstéttir, stór torg og frægan háskóla.

Upplýsingar um peningaseðla ýmissa landa

Onlinefx.co.uk hefur opnað viðamikla vefsíðu þar sem m.a. má fá ítarlegar upplýsingar um peninga og seðla hinna ýmsu landa á síðunni Currency Guide. Í mörgum tilvikum er hægt að sjá myndir af peningaseðlum sem er kærkomin leið fyrir ferðalanga til að kynna sér seðlana áður en haldið er af stað. Það býður hættunni heim að þekkja ekki seðlana í dvalarlandinu og auðvelt að fá rangt gefið til baka með því móti.

Göngu-Hrólfur

Göngu-Hrólfur heitir íslenskur félagsskapur sem stofnaður var fyrir nokkrum árum og telur nú um tvö þúsund meðlimi. Á vefsíðu félagsins, www.gonguhrolfur.is segir:

"Markmiðið var fyrst og fremst að koma til móts við þá sem vilja taka þátt í skipulögðum gönguferðum erlendis og kynnast á þann hátt náttúru og mannlíf í fjarlægum löndum.

Þetta var svo sannarlega spor í rétta átt því að nú þegar hafa um tvö þúsund "göngugarpar" skráð sig í klúbbinn og hátt á þriðja hundrað gengu með okkur í útlöndum í fyrra. Við höfum verið einstaklega heppin með samstarfsaðila. Ferðirnar og skipulag þeirra hafa líka tekist í alla staði frábærlega vel og verið sannkölluð ævintýri. Þeir eru æ fleiri sem njóta þess að ganga um stórbrotið landslag og kynnast um leið náttúru og mannlífi fjarlægra landa."

 

Fallegustu akstursleiðir á Ítalíu

Það er erfitt að velja úr þegar telja á upp fallegustu akstursleiðir á Ítalíu og sjálfsagt sýnist sitt hverjum. En samkvæmt fodors.com eru eftirfarandi þrjár akstursleiðir með fallegustu leiðum á Ítalíu:

SS 48 (Grande Strada delle Dolomiti)

Þessi leið liggur um "hjarta Dólómítanna", m.a. Passo di Sella og inn í dalinn Val Gardena. Ekið er fram hjá sumum af stórkostlegustu fjallstindum Evrópu.

Að aka um Ítalíu

Hraðbrautir Ítalíu eru hið mesta þarfaþing. Þeim er vel við haldið og vegatollakerfið tiltölulega skilvirkt þannig að ferðalangurinn kemst hratt og vel á milli staða .... að minnsta kosti oftast. Þó ber að geta þess að á sumrin um helgar, eru sumar hraðbrautir fjölfarnari en aðrar og þá þarf að viðhafa sérstaka aðgát.

Ef ætlunin er hins vegar að njóta þess að skoða Ítalíu og upplifa andrúmsloft sveitanna og alla þá náttúrufegurð sem landið hefur upp á að bjóða, er ráðið að aka fáfarnari vegi, þjóðvegi eða sveitavegi og geta ráðið því hvað stansað er. Þá er hægt að leyfa sér að taka myndir af hálfhrundum gömlum bændabýlum, borða í "agriturismo" og drekka kaffi lengst upp í einum af mörgum þorpum sem tróna uppi á hæðum Ítalíu. En þá er líka eins gott að hafa allan heimsins tíma og hafa meðferðis afbragðs vegakort!

Sjálfboðaliðastörf erlendis

Til eru þeir sem vilja sameina það að dvelja erlendis, gjarnan við framandi aðstæður og láta um leið eitthvað gott af sér leiða.  Því fylgir margvísleg lífsreynsla og oftar en ekki er það afar góð leið til að kynnast menningu viðkomandi dvalarstaðar.

Áður en slík ferð er farin, þarf þó að íhuga vel hvort fólk er í líkamlegu og andlegu ástandi til að takast e.t.v. á við erfiðar ferðir, framandi og nýtt umhverfi og aðstæður.