Ferðalangur

Streetmap - götukort fyrir Bretland

Hér er á ferðinni afskaplega gagnleg síða, www.streetmap.co.uk, þar sem hægt er að fletta upp götuheitum í Bretlandi, t.d. í London, eða fletta upp einstaka bæjum og borgum. Einnig er hægt að fletta upp eftir póstnúmerum.

Það er gott að skoða Search Tips kaflann á síðunni til að átta sig á leitarmöguleikunum.

Ef einhver vafi leikur á póstnúmeri, er hægt að finna það hjá the Royal Mail: 

Nudd fyrir þreytta ferðalanga

Það er fátt betra en að láta líða úr sér þreytuna og slaka á í góðu nuddi. Nuddstofa Bryndísar býður þreytta ferðalanga og aðra hjartanlega velkomna í vöðvanudd, slökunarnudd, sogæðanudd eða svæðanudd. Einnig er hægt að blanda saman nuddformum.

Ferðalangur getur sjálfur mælt heilshugar með þessari nuddstofu. Nánari upplýsingar á www.heilsunuddari.net.

Siglingar á ám og vötnum í Skotlandi og Frakklandi

Ferðalangi barst bréf frá fjölskyldu sem hefur mjög gaman af bátasiglingum á ám og vötnum í Evrópu. Þau hafa m.a. siglt í Skotlandi á Caledonian Canal, um vötnin þrjú milli austur- og vesturstrandar Skotlands. Einnig hafa þau siglt í Burgundy í Frakklandi. Ferðirnar voru pantaðar á netinu.

Fjölskyldan var svo vinsamleg að vilja deila með lesendum þeim vefsíðum sem notaðar voru og eftirfarandi upplýsingar eru teknar beint upp úr bréfi fjölskyldunnar:

Feneyjar – góð ráð

Ferðalangar sem heimsótt hafa Feneyjar oftar en einu sinni og ef til vill á ólíkum árstíma, hafa án efa veitt því eftirtekt að borgin er ekki alltaf eins.  Stundum er hún sveipuð dularmóðu og sjarma en svo getur hún líka  boðið upp á suddaveður eða óbærilegan hita,  ótrúlegan fjölda annarra ferðamanna og svimandi hátt verð eða fyllt vit manna af heldur óskemmtilegum fnyk…

Þetta eru einfaldlega Feneyjar. Hér eru hins vegar nokkur góð ráð til að ráða við aðstæður í þessari merkilegu borg:

Hvað á að gefa í þjórfé?

"Hvað á ég eiginlega að gefa í þjórfé?" Þetta er býsna algeng spurning hjá íslenskum ferðalöngum og hefur raunar aðeins verið fjallað um þetta áður á síðum Ferðalangs.

Á ferðavef Fodors.com er grein sem ber heitið A Foodie's Guide to Tipping in Europe. Greinin gefur góða hugmynd um viðmiðun í mörgum Evrópulöndum s.s. í Austurríki, Tékklandi, Englandi, Frakklandi, Ítalíu, Þýskalandi og fleiri löndum.

Myndir frá Solunto, Sikiley

Solunto er staður sem ferðamenn til Palermo/Sikileyjar ættu ekki að láta fram hjá sér fara. Staðurinn liggur um 17 km austan við Palermo í hlíðum fjallsins Catalfamo, ekki langt frá Bagheria.

Þetta eru rústir bæjar sem byggður var þar sem áður stóð Kfra, þorp Fönikíumanna, sem stofnað var um árið 700 f. Kr. Grikkir tóku við yfirráðum bæjarins árið 396 f. Kr. og útfærðu hann frekar. Kfra féll síðan í hendur Rómverja árið 254 f. Kr. og rústirnar bera að mestu merki þeirra.

Sjá fleiri myndir.

Fjölbreytt gisting á Sikiley í öllum verðflokkum