Ferðalangur

Ábendingar um veitingastaði í London

Ferðalangur hafði spurnir af tveimur góðum veitingastöðum í London sem ætlunin er að prófa við fyrsta tækifæri.

- Maroush - líbanskur veitingastaður á nokkrum stöðum í London, afar góður!

- Taste of India - indverskur veitingastaður, skammt frá Covent Garden, einnig mjög fínn.

Tvö góð B&B á Ítalíu

Áhugaverðir gistimöguleikar í Róm og Ancaiano (13 km frá Siena):

Róm - úthverfi

Í úthverfi Rómar, í bænum Isola Farnesi (gamall miðaldabær) er ódýra og fjölskyldurekna hótelið Tempio di Appollo (Appollohofið) sem býður upp á 2 góða veitingastaði og garði sem snýr út að yndislegum dal.

Morgunverðarhlaðborð innifalið í verði. Hótelið er við miðbæjartorgið þaðan sem hægt er að taka strætó á 15 mín. fresti á brautarstöðina ... til að taka lest inn í Róm.

Ancaiano (13 km frá Siena í Toskana)

Poste Regie bed & breakfast er í Ancaiano sem er lítið þop í Toskana héraði. Gistingin er í gamalli byggingu, mjög heillandi.  Úr garðinum er yndislegt útsýni yfir sveitir Toskana. Upplagt fyrir afslöppun í þessu fallega héraði. Beatrice Marzola rekur þessa gistiaðstöðu og er fólki innan handar með það sem gaman er að skoða í nágrenninnu.

Fjölbreytt gisting í ítölskum borgum og bæjum - allir verðflokkar

Hús (2 íbúðir) og bóndabær til leigu í Frakklandi

Í Frakklandi býr Íslendingurinn Ármann Örn Ármannsson ásamt Nathalie eiginkonu sinni og leigir út tvenns konar gistingu á yndislegum stöðum.

Annars vegar er um að ræða stórt hús með tveimur íbúðum (og tveimur píanóum!) og upphitaðri sundlaug rétt fyrir utan þorpið Esparron de Verdon í Provence héraði og hins vegar uppgerðan bóndabæ í fjalllendi í héraðinu Auvergne.

• Húsið í Esparron de Verdon rúmar 7-9 manns í stærri íbúðinni og 4-5 í þeirri minni. Frábær aðstaða!
• Bóndabærinn rúmar 7-11 manns, einnig með afar góðri aðstöðu.

Nánar á www.festival.is og hjá [email protected].

Glæsilegur veitingastaður í París

Fyrir þá sem vilja gera sér glaðan dag í París og halda veglega upp á t.d. afmæli eða annað... er upplagt að fara á Brasserie Julien, sem hefur staðið sína "pligt" frá því á 19. öldinni, með innréttingum í glæsilegum Art Nouveau stíl.

Heimilisfang:

Julien
16, rue du Faubourg Saint-Denis
75010 Paris
Sími: +33(0)1 47 70 12 06
Fax : +33(0)1 42 47 00 65

Bílaleigubíllinn - hvað ber að varast?

Á vefsíðu Fodors.com er ágæt grein um hvað ber að varast þegar bílar eru teknir á leigu: Rental-Car Rip-Offs. 

Þar er m.a. rætt um eftirfarandi:

Afslætti sem hverfa á dularfullan hátt
Gættu þess að prenta út pöntunina þína ef þú pantar í gegnum netið eða láttu senda/faxa hana ef pantað er í gegnum síma. Hafðu hana tiltæka þegar náð er í bílinn.

Minimus: Mini-umbúðir í ferðalagið

Ferðalangur á gífurlegan fjölda af alls kyns litlum plastflöskum og plastdósum sem nýtast vel í ferðalögin og safnast hafa saman í gegnum tíðina.

Það er nefnilega staðreynd að fátt þyngir ferðatöskuna jafn mikið og snyrtivörur af ýmsu tagi... sér í lagi hjá kvenfólkinu þegar pakka skal niður og því gott að geta sett sjampó o.fl. í smærri umbúðir.

Vertu áberandi!

Hvað er til ráða þegar nokkrir ferðast saman og eiga e.t.v á hættu að missa sjónar af ferðafélögunum á fjölförnum stöðum eins og járnbrautarstöðvum eða á fjölförnum götum? Jú -gott er ef a.m.k. einhver er klæddur í töluvert áberandi lit/liti!

Það getur munað miklu að geta leitað að t.d. skærgulum bol, stakk eða öðru - nú eða einhverjum öðrum áberandi lit t.d. rauðum.  Eitthvað sem gott er að hafa í huga ekki síst ef börn og unglingar eru með í för!

 

"Beer in the evening"

Fyrir þá sem hafa gaman af enskum "pöbbum" er vefurinn www.beerintheevening.com alveg bráðnauðsynlegur!

Á vefnum er hægt að skoða "pöbba" út um allt England, skoða umsagnir um þá og fá t.d. upplýsingar um hvar þeir eru staðsettir. Hægt er að leita að tilteknum pöbbum eftir nafni, leita á ákveðnum stöðum o.fl.