« mars 2007 | Main | maí 2007 »
Traveling Responsibly, Traveling Green - heitir podcast frá Frommers um "græna ferðamennsku" öðru nafni sjálfbæra eða vistvæna ferðamennsku.
Hvað þýðir þetta í raun? Hvað getum við sem ferðamenn gert til þess að stuðla að vistvænni ferðamennsku?
Ýmislegt um þetta og meira til í þessu ágæta podcast frá Frommers.
| |
|
Ferðalangur hefur átt þess kost að heimsækja Feneyjar nokkrum sinnum í gegnum tíðina. Myndefnin skortir þar ekki.
Heimsókn til Feneyja er eins og heimsókn inn í annan heim og hjálpast þar allt að; umferðarmenningin (bátarnir á síkjunum), lyktin, byggingarnar og andrúmsloftið í heild.
| |
|
Þeir eru ófáir ferðalangarnir sem dreymir um að komast a.m.k. einu sinni til borgarinnar Flórens á ævinni. Og víst er að fáar borgir komast í hálfkvisti við hana hvað varðar sögu og merkisstaði.
Hverjir þekkja ekki nöfn eins og Leonardo da Vinci, Michelangelo, Dante, Machiavelli, Galileo eða Medici? Allt voru þetta menn (og fjölskyldur sbr. Medici) sem komu við sögu í Flórens á blómaskeiði borgarinnar.
Nú á dögum er snjallt að heimsækja borgina að vorlagi eða að hausti til, þegar hitinn er skaplegur og ferðamannastraumurinn einnig.
Fjölbreytt hótelgisting og aðrir gistimöguleikar í Flórens
Myndir frá Flórens
| |
|
Ferðalangur átti þess kost að ferðast með heilum karlakór til Ítalíu fyrir nokkrum árum og var þá meðal annars komið við í Feneyjum. Að sjálfsögðu var lagið tekið á hinu fræga Markúsartorgi fyrir mann og annan. Þetta var Karlakórinn Hreimur að norðan og hér fyrir neðan má sjá lítinn myndbút sem tekinn var af því tilefni. Þeir taka sig vel út, karlarnir.
| |
|
