Fyrir þá ferðalanga sem nota Ipod eða aðra álíka spilara er upplagt að búa sig undir langar flugverðir, akstur eða lestarferðir með því að hafa hljóðbækur til taks. Og það besta er að ekkert fer fyrir þeim!
Það er mikill misskilningur að hljóðbækur séu eingöngu fyrir börn, eldri borgara eða blinda/sjónskerta. Hljóðbækur eru alveg frábærar við ýmis tækifæri.
Ferðalangur sjálfur hefur ánetjast hljóðbókum af glæsilegum vef frá fyrirtækinu Audible sem býður upp á eitt mesta úrval hljóðbóka á ensku, yfir 30.000 titla af öllu tagi. Og þeim er hægt að hala umsvifalaust niður og hlusta á í tölvunni, brenna á geisladisk eða nota í Itunes og setja á Ipod eða í aðra mp3 spilara. Hægt er að prófa frítt í 14 daga. Það sem er hvað skemmtilegast er að geta hlustað á kafla úr hverri einustu bók áður en hún er keypt.
Meðal efnis hjá Audible er að finna:
- Skáldsögur
- Fróðleik af ýmsu tagi s.s. listir, saga, menntun, heilsa, íþróttir, ferðalög o.m.fl.
- Tímarit, útvarpsþætti, hlaðvörp (podcasts), stand-up gamanþætti og ræður þeirra sem hvað mest áhrif haf haft á okkar menningu, pólitík og viðskiptaveröld.
- Tungumál - lærðu nýtt tungumál á Ipod
Hjá Audible er hægt að kaupa einstaka bækur eða einfaldlega gerast áskrifandi.
Einföld áskrift kostar 7.99 pund á mánuði og má hlaða niður einni bók mánaðarlega, sama hvað hún kostar. Ef ekki er áhugi á því einhvern mánuðinn, safnast upp „kredit“ sem hægt er að nota síðar. Þegar áskrift er hætt eru bækurnar sem búið er að kaupa samt sem áður aðgengilegar á netinu og hægt að hala þeim niður eins oft og maður vill.
Aðrar hljóðbækur á ensku
Hægt er að fá hljóðbækur á ensku lánaðar á íslenskum bókasöfnum. Einnig er hægt að hlusta á sjálfboðaliða lesa bækur þar sem höfundaréttur gildir ekki lengur á eftirfarandi slóð: http://librivox.org/
Hljóðbækur á íslensku
Sífellt meira úrval er að finna af hljóðbókum, bæði á íslensku og á erlendum málum. Ýmsir aðilar standa að slíkri útgáfu hér á landi og má þar t.d. nefna:
