Ferðalangur

TGV - með háhraðalest um Evrópu

Það getur í mörgum tilvikum verið góður kostur að skoða lestarferðir í stað flugs þegar komast þarf á milli staða á meginlandinu. Aðstæður ráða því hins vegar hvort þetta er ákjósanlegur valkostur, s.s. verð, fjarlægð, tímalengd ferðar o.s.frv.

TGV háhraðalestirnar  (í eigu frönsku lestanna) gera okkur kleift að bóka í gegnum vefinn sinn, eitthvað sem ekki er alltaf hægt fyrir okkur Íslendinga. Þeir sinna ferðum út um alla Evrópu og hægt að skoða hjá þeim kort yfir lestarnetið þeirra. Ýmis er miðinn sendur með pósti, hægt að nálgast hann hjá frönsku lestunum ef ferðin hefst í Frakklandi en einnig er í sumum tilvikum hægt að prenta hann út sjálfur.

Ekki er ólíklegt að verðið sé oft dýrara en með hefðbundnum lestum - en með góðum fyrirvara og smá sveigjanleika ætti oft að vera hægt að fá miða á ágætu verði.

 

Senda á Facebook

Að komast frá flugvellinum í München inn í borg

Það er mikið annríki á flugvellinum í München en hann er vel skipulagður og auðvelt að komast inn í borg.

Flugvöllurinn skiptist í tvo hluta (tvo "terminala") og er stutt að fara á milli þeirra.  Á milli terminal 1 og 2 er miðlægt svæði þar sem finna má margvíslega þjónustu og aðstöðu. Þar er m.a. upplýsingaþjónusta fyrir komufarþega (opin 24 tíma á sólarhring).

 

Senda á Facebook

Tveir notalegir veitingastaðir í Mýrinni - Le Marais í París

Hér koma tveir veitingastaðir sem Ferðalangur heimsótti sjálfur í París fyrir nokkru - vinalegir og heimilislegir og einnig ódýrir. Þeir eru báðir í 4. hverfi.

Le Bistrot Beaubourg,
25, rue Quincampoix
París
Góður og heimilislegur franskur matur - ódýr.


Pizza Sant Antonio
1 rue de la Verrerie,
(Place du Bourg-Tibourg)
París
Ljómandi góð ítölsk pizza og aðrir ítalskir réttir

• Hótel og fjölbreytt gisting í París

Senda á Facebook

Í heimsókn hjá Victor Hugo í París

Ferðalangur brá sér í heimsókn til rithöfundarins Victors Hugo í París fyrir nokkru síðan. Nánar tiltekið heimsótti hann gamla íbúð hans á torginu fallega Place des Vosges í París sem heitir einfaldlega Maison Victor Hugo.

Í íbúðinni er safn tileinkað honum og ævi hans. Á veggjum safnsins má líta ýmsa fjölskyldumeðlimi  s.s. móður og föður, afa og ömmur og börn hans. Og náttúrulega hjákonuna.  Með henni átti hann ástarævintýri í heil 50 ár. FIMMTÍU ÁR.  Juliette Drouet hlýtur að hafa verið óvenjuleg kona. A.m.k. ástfangin kona. Annars þýðir líklega lítið fyrir 21. aldar konu að ætla sér að setja sig inn í þankagang 19. aldar í Frakklandi og þaðan af síður að setjast í dómarasæti.

Reyndar er sagt er að sumar franskar hefðarfrúr hafi verið ósköp fegnar að þurfa ekki að sinna vissum skyldum sínum og jafnvel valið fyrir menn sína ástkonur. Svo var þó ekki í þessu tilviki. Victor sá um það sjálfur.

Hvaða sæti er best að velja í flugvélinni?

Það vita allir sem eitthvað ferðast að það er hreint ekki sama hvar setið er í flugvélum og hér er ekki verið að tala um muninn á t.d. Saga class og almennu farrými.

Sæti við ganginn eru almennt talinn heilsusamlegust því þar er auðvelt að standa upp og teygja úr sér sem getur skipt máli í löngu flugi. Gluggasætin eru hins vegar þægilegust fyrir þá sem ætla að fá sér "kríu" á leiðinni.

Það er oft hægt að finna kort af sætum flugvélanna á vefsíðum flugfélaga, en einnig er hægt að skoða vefsíðuna Seatguru.com sem býr raunar yfir margvíslegum öðrum upplýsingum.

 

Senda á Facebook

Kaffihúsin í Vínarborg

Þegar Vínarborg er heimsótt er nánast skylda að heimsækja nokkur kaffihús og þá einna helst þau sem eiga sér langa sögu og hefðir. Hér fyrir neðan er kort af sögulegum kaffihúsum í Vínarborg (fengið hjá dagblaðinu The Guardian) sem sýnir ferðalöngum svart á hvítu hvar þau er að finna.

View Vienna cafe tour in a larger map

Hér má líka bæta við skemmtilegu myndbandi um kaffihúsin í Vín, þar sem spjallað er við leiðsögumann um sögu kaffihúsanna og hvernig Vínarbúar kynntust kaffibauninni...

• Hótel og fjölbreytt gisting í Vín
• Ferðahandbækur á pdf formati (líka einstaka kaflar) fyrir Vín og ferðaforrit fyrir Iphone

Senda á Facebook

Ferðalangur í Louvre

Ferðalangur átti stefnumót við Mónu Lísu í Louvre safninu í París fyrir nokkru síðan í októbermánuði. Það hafði svo sem lengi staðið til að skoða hjá henni stofurnar og stássið en svolítið kveið Ferðalangur fyrir og vissi sem var að líklega yrðu gestirnir margir. Og það reyndist rétt. Hvernig er það þá um hásumar?

 

Senda á Facebook

Ferðalangur er mættur á Facebook

Ferðalangur er loksins mættur fyrir alvöru á Facebook. Það væri aldeilis frábært ef þið lituð á hann þar og smelltuð á eins og eitt stykki "LIKE" :).

Facebook er nefnilega kjörinn staður fyrir stuttar en áhugaverðar tilkynningar um efni sem lifir e.t.v. ekki lengi á vefsíðum en getur gagnast fólki strax s.s. tilboð sem gilda eingöngu í fáeina daga, ábendingar um greinar og annað áhugavert efni. Verið með frá byrjun!

Ferðalangur á Facebook