« desember 2013 | Main | febrúar 2014 »
Í hvers konar ferð ertu að fara? Sumarfrí? Borgarferð? Ráðstefnuferð? Vinnuferð? Rómantíska helgarferð? Fjölskylduferð með börnin?
Möguleikarnir eru margir og val á gistingu fer að sjálfsögðu eftir tilefninu hverju sinni. Það getur hins vegar verið heilmikið mál að finna réttu gistinguna - ekki síst ef þú ætlar að gista í margar nætur og vilt greiða hóflega fyrir. Eftirfarandi atriði gætu skipt þig máli:
| |
|
Lestarferðir innan Evrópu
Gera má ráð fyrir að innan Evrópu verði lestarferðir æ fýsilegri valkostur á næstu árum í stað lággjaldaflugfélaga, sérstaklega á styttri leiðum þar sem fjarlægðin fer ekki mikið yfir 600 - 800 kílómetra. Búið er að taka stór skref varðandi samræmingu stærstu háhraðlestarkerfa Evrópu. Nánar um það á Railteam.eu.
Lestarferðir hafa þann stóra kost að þar þarf ekki að greiða sérstakt farangursgjald, engin 2ja tíma bið á flugvelli áður en farið er út í vél, ekkert vesen við að komast frá flugvelli og inn í borg og óneitanlega afslappaðra að sitja í lest en að vandræðast með vegakortið á bílaleigubíl.
| |
|
Hvert á að fljúga og hvað er hagstæðast?
Ef þú ætlar einungis að fljúga á milli tveggja staða, þ.e. frá Íslandi og til borgar erlendis, er nokkuð fljótlegt að gera samburð á milli flugfélaga, sjá síðuna Flug til og frá Íslandi.
Ef þú ætlar að fljúga lengra, t.d. tvo – þrjá flugleggi, getur borgað sig að eyða góðum tíma í samanburð og gefa sér tíma í flugleitarvélum og á síðum einstakra flugfélaga. Sá tími getur margborgað sig. Dæmi um flugleitarvélar: Dohop.com og Skyscanner.net. Fyrir lengra flug, t.d. til Asíu eða S-Ameríku er sjálfsagt að hafa Expedia.com og Ebookers.com með í myndinni.
| |
|
Ferðalangur er löngu orðinn þreyttur á hefðbundnum töskumiðum og spjöldum og kýs heldur persónuleg töskuspjöld sem sýna t.d. myndir frá Íslandi og gera ferðatöskurnar enn auðþekkjanlegri á færiböndunum. Ferðalangur kynnir þess vegna skemmtilega leið til að hanna sín eigin persónulegu töskuspjöld.
Um er að ræða:
Continue reading "Persónuleg töskuspjöld - merkimiðar á farangur" »
| |
|
Valmöguleikum okkar fjölgar sífellt varðandi flug til og frá Íslandi, sérstaklega yfir sumartímann. Fróðlegt verður að fylgjast með þróuninni þar bæði hjá íslenskum og erlendum flugrekstraraðilum.
Aldrei hafa boðiðst jafn fjölbreyttir flugmöguleikar yfir sumartímann eins og nú. Því fyrr sem þú bókar, því meiri líkur á að þú fáir flug á viðráðanlegu verði og flug á þeim tíma sem þú kýst helst. Þó ber þess að geta að tilboð koma með af og til hjá flugfélögunum og þá er gott að geta verið sveigjanlegur.
| |
|
Möguleikarnir í beinu flugi frá Íslandi til Evrópu og USA hafa aldrei verið jafn margir, ýmist á vegum Icelandair, Wowair, EasyJet, Air Berlin, Norwegian, Germanwings o.fl. Hér fyrir neðan er hægt að velja réttu borgina og skoða alla þá fjölbreyttu gistingu sem í boði er: Hótel, gistiheimili, farfuglaheimili, íbúðagistingu, B&B o.fl.
Þú finnur réttu borgina hér ef hún er ekki í listanum.
ATH: Í flestum tilvikum er hægt að afbóka án nokkurs kostnaðar þar til sólarhring fyrir komu.
| |
|
