Ferðalangur

Flugbókunarvélar og þjónustugjöld

Þegar flug er pantað í gegnum svokallaðar flugbókunarvélar, t.d. Lastminute.com, þarf að gæta að því hvers konar aukakostnaður getur bæst við, a.m.k. við vissar aðstæður. Þær rukka margar ýmis aukagjöld, t.d. með notkun kreditkorts sem vissara er að athuga fyrirfram.

Lesandi Ferðalangs hafði samband og lýsti því hvernig afturköllun á flugbókun getur kallað á þó nokkurn kostnað, jafnvel þó aðeins líði innan við klukkustund frá bókun. Ástæða er því til að gæta vel að því fyrirfram að nægur tími sé á milli flugferða ef skipta þarf um flug á leiðinni og almennt að passa að búið sé að fara vel yfir allar ferðaupplýsingar svo ekki þurfi að grípa til afbókana sem kalla á aukakostnað.

Allt um bílaleigu

Bílaleiga hefur nær alfarið færst yfir á netið og þar er hægt að eyða drjúgum tíma í að skoða framboðið. Ferðalangur mælir með að þú leitir á mismunandi vefsíðum/leitarvélum og gerir samanburð ef þú ert staðráðinn í að fá bílaleigubíl á viðráðanlegu verði.



Bílaleiguvefur Ferðalangs og CarTrawler
Ferðalangur er í góðu samstarfi við Cartrawler sem auglýsir lægstu verð frá um 800 bílaleigum á yfir 9000 stöðum víðsvegar um heiminn (174 lönd). Þeirra á meðal eru allar þekktustu leigurnar t.d. Hertz, Avis, Budget og Europcar.