Ferðalangur

Allt um bílaleigu

Bílaleiga hefur nær alfarið færst yfir á netið og þar er hægt að eyða drjúgum tíma í að skoða framboðið. Ferðalangur mælir með að þú leitir á mismunandi vefsíðum/leitarvélum og gerir samanburð ef þú ert staðráðinn í að fá bílaleigubíl á viðráðanlegu verði.



Bílaleiguvefur Ferðalangs og CarTrawler
Ferðalangur er í góðu samstarfi við Cartrawler sem auglýsir lægstu verð frá um 800 bílaleigum á yfir 9000 stöðum víðsvegar um heiminn (174 lönd). Þeirra á meðal eru allar þekktustu leigurnar t.d. Hertz, Avis, Budget og Europcar.

Að leigja húsbíl

Marga dreymir um að ferðast um Evrópu á húsbíl. Það er án efa þægilegt að a.m.k. 2 – 4 fullorðnir ferðist saman til að það dæmi gangi vel upp, bæði varðandi kostnað og skipulag. Svo er nokkuð öruggt að þetta er skemmtilegur ferðamáti með börnum.

Ágætt er að skoða greinarnar Europe in a Campervan og Camping European Style frá Rick Steves fyrir þá sem eru að hugsa um þennan ferðamáta af alvöru.

Bílaleiga: Samstarf Ferðalangs og Cartrawler

Samstarf Ferðalangs og umboðsfyrirtækisins Cartrawler á sviði bílaleigu hefur nú staðið í nokkur ár. Fyrirtækið býður viðskiptavinum sínum oft afar hagstæð kjör á bílaleigubílum frá 800 bílaleigum á 9000 stöðum í 174 löndum (uppfært nóv. 2012).

Við pöntun er mismunandi hvort viðskiptavinum býðst að greiða  staðfestingargjald eða fullt gjald og stundum er hægt að kaupa líka viðbótartryggingu strax við pöntun, s.k. Excess reimbursement insurance ef menn vilja, en það ætti í flestum tilvikum að vera hagstæðara en að gera það á staðnum. Athugið þó vel fyrst hvort þið eruð með kreditkort sem felur einhverjar slíkar tryggingar í sér.

Skoða/panta bíl hjá Cartrawler

Senda á Facebook

Bílaleigubíll fyrir fjóra

Það er oft erfitt að panta rétta bílaleigubílinn, sér í lagi ef um er að ræða fjóra farþega, t.d. tvö pör eða hjón með 2 börn.

Samkvæmt góðum heimildum Ferðalangs er í slíku tilviki best að panta IWMR flokkinn (Intermediate Station Wagon, manual transmission) en það er hagstæðast miðað við stærð og verð. Í þeim flokki er t.d. Opel Vectra station wagon, þó hér sé rétt að taka fram að bílaleigur eru tregar til að "garantera" ákveðna tegund. 

Skoða verð á bílaleigubílum frá CarTrawler.

Bílaleigubíllinn - hvað ber að varast?

Á vefsíðu Fodors.com er ágæt grein um hvað ber að varast þegar bílar eru teknir á leigu: Rental-Car Rip-Offs. 

Þar er m.a. rætt um eftirfarandi:

Afslætti sem hverfa á dularfullan hátt
Gættu þess að prenta út pöntunina þína ef þú pantar í gegnum netið eða láttu senda/faxa hana ef pantað er í gegnum síma. Hafðu hana tiltæka þegar náð er í bílinn.