Hvað á að taka með í ferðina? Hvað á að skilja eftir? Hvenær ertu að fara og hvaða hitastigi má búast við? Hvað fara margir og verður farið með flugvél eða skipi?
Mats Henricson hefur dundað við vefsíðuna The Universal Packing List undanfarin 15 ár. Eiginlega mætti kalla síðuna hálfgert gagnasafn. Þar er hægt að setja inn upplýsingar og fá niðurstöður... tillögur um hvað gæti verið hentugt að taka með í ferðina. Listann er síðan hægt að prenta út eða fá í tölvupósti.
| |
|
Hér kemur ein lítil ráðlegging í handbók Ferðalangs.
Nú, þegar annar hver ferðalangur þvælist út og suður með stafræna myndavél, er ráð að taka fyrstu mynd ferðarinnar af farangrinum sjálfum!
Ef eitthver hluti farangurs týnist, er hægur vandi að draga fram myndina af töskunni/töskunum sem glötuðust svo ekki fari á milli mála hvernig þær litu út.
| |
|
Ferðalangur á gífurlegan fjölda af alls kyns litlum plastflöskum og plastdósum sem nýtast vel í ferðalögin og safnast hafa saman í gegnum tíðina.
Það er nefnilega staðreynd að fátt þyngir ferðatöskuna jafn mikið og snyrtivörur af ýmsu tagi... sér í lagi hjá kvenfólkinu þegar pakka skal niður og því gott að geta sett sjampó o.fl. í smærri umbúðir.
| |
|
Þeir sem hafa gaman af að fylgjast með flugi og kynna sér alls kyns tölulegar upplýsingar um flug, flugfélög, flugvelli eða einfaldlega hvað eina sem viðkemur flugi, ættu að líta á http://www.flightstats.com/.
Hægt er að velja t.d. KEF (Keflavík) og fá upplýsingar um brottfarir, komur, veður, seinkanir og fleira - en einnig er hægt að skrá sig á síðuna (frítt!) og opnast þá aðgangur að enn meiri upplýsingum. Hvaða flugfélag heldur t.d. best áætlun?
| |
|
Í framhaldi af smá pistli um farangur og pökkun, barst Ferðalangi býsna góð ábending frá einum lesanda.
"Set skyrtur, blússur og eiginlega allt sem hægt er að hengja upp á vírherðatré og plastið sem kemur úr hreinsuninni utan yfir og brýt þetta í tvennt. Svo þegar komið er á ákvörðunarstað er maður nokkuð fljótur að taka upp úr töskum því fötin á herðatrjánum eru hengd beint inn í skáp."
Ef fleiri luma á góðum ráðum/ábendingum eru þau sannarlega vel þegin!
| |
|
Það er vandi að pakka þannig að föt krumpist ekki. Hér á eftir koma nokkrar ábendingar sem gætu hjálpað af vefsíðu Fodors.com.
"Plast" er töfraorðið hér - plastið kemur í veg fyrir að fötin krumpist. Öll fínu fötin sem þarf að hengja upp, ættu að vera sett í sér plastpoka. Það er líka upplagt að útvega sér nokkra plastpoka með n.k. rennilás fyrir óhreina tauið, sjampó eða annað sem þarf að einangra frá hreinu fötunum.
Continue reading "Farangur: Engar "krumpur" - fötin slétt" »
| |
|
Hér kemur ágætur tékklisti fyrir gleymna ferðalanga, sem hægt er að hlaða niður og prenta út. Hvað þarf að muna áður en haldið er í ferðalag? Ýmislegt varðandi frágang heimilis, ferðagögn, farangur, aukahlutir sem tæknin kallar á, lyf, snyrtivörur og margt fleira.
Sækja tékklista fyrir ferðalanga
Uppfært nóv. 2010
| |
|
