Á síðunni biketoursdirect.com er hægt að panta ferðir með evrópskum hjólreiðafyrirtækjum og velja úr yfir 200 ferðum í 30 löndum. Ferðirnar eru ýmist með eða án fararstjóra (guided/self-guided).
Úrval ferða er mikið og verðið virðist vera sanngjarnt. Brottfarir eru einnig tíðar.
| |
|
Í júlí s.l. (2007) hófu Parísarbúar að nota nýja þjónustu sem hlotið hefur nafnið Velib og felst í því að íbúar Parísar sem og ferðalangar geta fengið sér hjól á einum 750 Velib stöðvum um alla París og skilið þau eftir á einhverri annarri stöð í borginni. Í lok árs 2007 er áætlað að stöðvarnar verði orðnar tæplega 1500 og hjólin rúmlega 20.000.
| |
|
Þann 2. ágúst 2007 birtist í Morgunblaðinu grein um íslensk hjón sem fóru í hjólaferð um Rínardalinn. Þau voru á eigin vegum að öðru leyti en því að þýsk ferðaskrifstofa sá um alla skipulagningu hjólaferðarinnar.
Ferðalangur rak augun í að það var greinilega mikil ánægja með þessa ferðaskrifstofu sem heitir Velociped og er staðsett í Marburg í Þýskalandi. Þar er einnig hægt að velja upplýsingar á ensku.
| |
|
Bikely heitir skemmtileg síða þar sem saman koma áhugamenn um hjólreiðar og deila upplýsingum um góðar hjólaleiðir um víða veröld með öðrum.
Hjólreiðar verða sífellt vinsælli, hvort sem er vegna vaxandi áhuga fólks á líkamsrækt, breyttum viðhorfum til umhverfisins eða einfaldlega til gamans. Á Bikely má t.d. leita eftir leiðum eftir löndum og síðan innan héraða. Sem dæmi má nefna að komnar eru 109 upplýsingar um mismunandi hjólaleiðir á Ítalíu, þegar þetta er skrifað.
Til þess að geta "teiknað" upp hjólaleiðir, þ.e. sett leiðina á kort fyrir aðra, þarf að skrá sig sem notanda að þessari ágætu síðu.
| |
|
Nú geta hjólreiðamenn notið útsýnis til kastala og vínekra á meðan þeir hjóla meðfram ánni Loire því frönsk stjórnvöld opnuðu nýlega 94 mílna leið sem samanstendur af hjólreiðastígum og hjólreiðavænum vegum á milli Tours og Angers. Áætlað er að í lok ársins 2007 verði hægt að hjóla alls 500 mílur á þar til gerðum leiðum meðfram ánni.
| |
|
Nokkrir vel þekktir, erlendir hjólreiðamenn deila með lesendum uppáhaldsleiðum sínum í greininni Blood, sweat and gears: Our favorite two-wheeled trips og má þar sjá bæði styttri og lengri leiðir innan Evrópu og raunar eina í Kaliforníu.
Nánari upplýsingar um lengd og fyrirkomulag ásamt gagnlegum vefslóðum í greininni hér að ofan.
| |
|
Það leikur enginn vafi á að Sviss er paradís fjallahjólreiðamanna. Þar hjálpast allt að, ægifagurt landslag, fjölbreyttar leiðir fyrir hjólreiðafólk, auðveldur flutningur á hjólum með lestum og afar góðar upplýsingar á netinu.
Á vefsíðunni MySwitzerland.com eru góðar upplýsingar um hjólreiðaleiðir sem geta varað frá nokkrum klukkustundum upp í nokkra daga.
Auðvelt er að leigja sér hjól með því að skoða Rent a Bike og upplýsinga um flutninga á hjólum með lestum er hægt að fá á www.sbb.ch.
| |
|
Fyrir þá sem vilja leita upplýsinga um hjólreiðar og hjólatúra í Bretlandi eru hér fyrir neðan ágætar vefsíður sem ættu að gefa upplýsinga bæði um lengri og skemmri ferðir, mismunandi erfiðleikastig, hjólaleigur og allt mögulegt sem lýtur að hjólreiðum. Vefsíðurnar vísa einnig í margvíslegar upplýsingar um hjólreiðar í öðrum Evrópulöndum.
| |
|
Þegar leitað er að síðum á Netinu að upplýsingum fyrir þá sem vilja hjóla um Evrópu, er úr vöndu að ráða. Mikið er til af síðum frá alls kyns ferðaskrifstofum sem auglýsa skipulagðar hjólaferðir, en erfiðara að finna hlutlausar síður sem nýtast til almennra upplýsinga. Sem dæmi um slíka síðu má þó nefna Trento bike pages sem er viðhaldið síðan 1994 af ítölskum áhugamanni um hjólreiðar og er ekki gefin út í gróðaskyni. Látið ekki "ófagmannlegt" útlit síðunnar villa um fyrir ykkur - þarna eru greinilega tenglar og upplýsingar um hjólreiðar í flestum löndum Evrópu.
Handbækur
Uppfært nóv. 2010
| |
|
